يوم من حياتي ( أبو يزيد )

[أبو يزيد]

بسم الله الرحمن الرحيم

بداية نشكر كل من يساهم في رقي منتديات سدير

ثم نشكر الاخت سمسومه على هذا الابداع والتميز في منتدى الفكاهة وسعة الصدر



سوف أذكر لكم موقف حصل لي ولن أنساه أبداً ( بالتفاصيل من البداية إلى النهاية )


أقول في يوم من الايام وأنا تقريباً في صف ثالث متوسط كان أحد إخواني قد تعين في ديرة أسمها الرين تعبد عن الرياض ما يقارب 200 كيلو متر بعد ماراح لهم وعرفهم بعد نهاية الفصل الثاني وجاءت عطلة الصيف قالوا الطلاب الحلقات إلي عندهم فيه رحلة إلى ( أبها ثم إلى الباحة ثم إلى الطائف ثم إلى مكة ثم الرجوع إلى الرين ) ولمدة أسبوع وقالوا لأخوي نبيك معنا قال ما يخالف بس أبأخذ معي أخوي قالوا ما فيه أشكال الله يحييه جاء أخوي لسدير وجلس يومين إلين جاء موعد الرحلة وأنطلقت أنا وياه إلى الرياض مساءاً علشان السيارة إلي معنا ما فيها مكيف ونمناً عند أحد الاقارب في الرياض ومن بكره الصباح الساعة عشر مشينا في عز الشمس للرين وحصل لنا في الطريق من تعثرات وحر في السيارة وأشياء كثيرة ما الله بها عليم حتى أن وصلنا كبري الرين ثمين استلمونا هناك من رجالاً في رجال غدى و قهواي وعشيات وتجمعات إلين جاء الليل ونمنا في شقتنا بعد الفجر ذهبنا إلى أبها ومن الرين إلى أبها تعرفت على الشباب والمشرفين حتى دخلت معهم ودليت أمزح معهم <<<< ما ينعطا وجه >>>> وكانت رحلة شاقة في باص من الرجة و الإزعاج والإنشاد والكلمات الطيبة <<< أنقلبت روسنا >>> وبعدها وصلنا إلى أبها ثم استأجرنا شقة << الشقة هذي بجوارها هوية يعني نزله كبيره ما نسميه عندنا وادي ما تشوف أسفله >> وصلنا تقريباً في الليل بعدها جاء وقت النوم ووزعونا على الغرف ووضعوا على كل غرفة مشرف ونمنا وهنا كانت الفاجعة ؟؟؟!!!عندما جاء أمير الرحلة لإيقاضنا لصلاة الفجر في غرفتنا فتحوا الإنارة رفعوا عنا الاغطية فلم يجدوا أبو يزيد وكانت الفاجعة ؟؟؟ ذهبوا إلى أخي في أسرع وقت في غرفة المشرفين وقالوا أخوك لم نجده في سريرة ذهب تفكيره إلى أني ذهبت إلى الباص نزلوا إلى الباص لم يجدوا أحد حتى ظنوا أني قد سقطت في هذه الهوية أو الوادي وكانت المصيبة أصبحوا ينادونني بأسمي ( فلان فلان ) بأعلى صوت لهم سألوا جميع من حول الشقة من هنود و جميع الناس من حولهم بعدها قال الامير إذهبوا إلى غرفة الطلاب الثانية وأيقظوهم حتى يبحثوا معنا ذهب أخي إلى الغرفة الثانية حتى يوقظهم ففتح الإنار ورفع الاغطية عن وجوههم وكنت أنا أحدهم من الخوف والسرعة لم ينتبهوا كان يقول هيا بسرعة نبحث عن أخي الطلاب كلهم فزعوا وأنا معهم نزلنا تحت عند الهوية وعند الباص و كلهم توزعو يمنة ويسره وأنا أبحث معهم فجأة صحيت من النوم شوي وقلت للي جنبي عن ماذا تبحثون قال عندك قلت عندي أنا قال إي وجته قلت وخر لا تمزح الفجر فاضي قال وجدت الكنز المفقود وبعدها تجمعنا وقالوا نشكرك على هذه الفزعة في الحقيقة جينا نقومكم لصلاة الفجر ولم نجد أبو يزيد فخفنا عليه خوفاً كثيرا >> بتقولون وش السالفة أقولكم اثري قمت وأنا نايم ورحت للغرفة الثانية ونمت وأنا ما أدري << بعدها قاموا بقفل جميع الابواب المؤدية للخروج من الغرفة إلي أنا أنام فيها ذهبنا من أبها إلى الباحة وأخذنا فيه يوم واحد فقط ونفس الحال تم قفل جميع الابواب المؤدية للخروج من الشقة كله خوف إني أطلع ثم ذهبنا إلى الطائف وهنا كانت المشكلة كنا ننام في البر من حلاوة الجو وروعته بس المشكلة تبقى عند أبو يزيد يقوم ثم يمشي ثمين ما يرده شيء في هالبر دلو إذا جينا ننام وناموا الشباب كلهم يسوون مراقبة ورديات بيهم علشان يشوفون أنا أقوم ولا لا أول يوم ما قمت بعدها جاء اليوم الثاني في الطائف شرو الشباب حبل يوم نمت ربطوه فيني وفي صدام السيارة وفي رجل الامير وقبل ما يقومونا لصلاة الفجر يفكونه علشان ما أدري و الحمد لله على هذه الرحلة على خير

قلت السالفة هذه لأم عالي دلت بهدها تقفل الابواب كلها وتوزي المفاتيح حتى لا أعرف مكانها من الخوف والحمدلله الآن لا توجد الصفة فيني أبداً


أرجو أني كنت خفيف الظل لديكم

ولكم التحية والتقدير

و السلام عليكم ورحمة الله وبركاته

[عطر]

[align=center]هههههههههههههههههههههههههههههههههههه
هههههههههههههههههههههههههه


الله يقطع شيطانك
انا اخبر ناس تتكلم وهي نايمه تهاوش تسوي اما تقوم وتمشي فالله يخلف على الاحساس هههههههههههههههههههه والله حالات خاصة سبيشل .. هههههههههههههههه ودي اشوفك بس ..

اجل نزلت تدور معهم والله ماشاء الله عليكم كلكم مفهين على الفجر ههههههههههههههههههههه

الله يعطيك العافيــة ,,
وسلامات ======> واحد فاهم غلط ههههه[/align]

[أبو يزيد]

يعطيك العافية على مرورك عذب السجايا


لك الود

[القرم]

ههههههههههههههههههه الله يكره بليسك

[ربى الجنان]

ههههههههههههههههههههههها
ياحليلك وقسم...مشي مرررررررره وحده...والله ماهنا بعد عن اخووي يدووور بالبيت...

[إحساس]

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخ
أجل تمشي وأنت نايم.. بس طبت.خخخخخخخخخخخ !!
الله من الرجه.. أبويزيد تعيش وتاكل غيرها..!!

المشاركة الأصلية كتبت بواسطة   اخبر ناس تتكلم وهي نايمه تهاوش تسوي اما تقوم وتمشي فالله يخلف على الاحساس

برايفت عذب السجايا..ليه الغلط !!!!
تيب
تحياتي للجميع

[سعد القاسم]

كععععععععععع الله من القرقعه انت وياااه .... خخخخخخ
ابو يزيد الله يرحم والديك لا تجيب طاري النوم ...
...
كذا مشكله يااخوك ....

اذا كنت تمشي وانت نايم ... فاحمد ربك...... انك ماطلعتا للوادي خخخخخخخخخخخخخخخ

ولا كان يقووولون كان فيذا ابو يزيد خخخخخخخخخخخخخ

يوم جميل لن تنساه ....

[أبو يزيد]

تحياتي للجيمع

[blink]القرم[/blink] يعطيك العافية على المرور

[blink]كحيلان[/blink] ننتظر عودتك يالغالي

[blink]ربى الجنان[/blink] ... الله يعينكم على أخوك... ويعينك على عيالك إن طلعو عليه .. نورتي بمرورك

[blink]إحساس [/blink]... إنما الاعمال بالنيات

[blink]س ق م سدير[/blink] ... الحمد لله من كل سوء ولا كان واحد يقاله أبو يزيد


يعطيكم العافية على مروركم

وتقبلوا تحياتي

[السنبلة]

[frame="2 80"]لحظة.. لحظة..

عجزت استوعب الموقف..

بجد مقرقع.. لا ورايح تدوّر معهم.. فزعة..

خخخخخخخخخخخخخ


((قلت السالفة هذه لأم عيالي دلت بهدها تقفل الابواب كلها وتوزي

المفاتيح حتى لا أعرف مكانها من الخوف )) <== بعذرها خافت إنك تطلع ثم تبلش بك.. من يردّك..

ياني فطست عليك من الضحك.. الله يوسع صدرك..

======

ذكرتني بواحد من اخواني طالع في الليل وإنّا نايمين.. وردّه واحد من عيال جيراننا..

اللي يسهرون في الشوارع.. قالّه: (....) وينك رايح؟؟ قال: بشتري لهلي زيتون.. هههه

يرحم والديك.. زيتون تالي الليل?!!..

======

ملأ الله أيامك بطاعته يا أبا يزيد..[/frame]

[أبو يزيد]

السنبلة تحية طيبة :

يعطيك العافية على المرور وملاء الله أيامك بطاعته

الخافي أعظم ( [blink]ربى الجنان - السنبلة [/blink]) كل إخوانكم كذا الله يستر عليكم وعلى عيالكم

نورتي الموضوع بمرورك


لك التحية

[دكتور المنتدى]

ههههههههههههههههههههههههههههههههه

ههههههههههههههههههههههههههههههههه

ما قدرت امسك نفسي من الضحك...من جدك ابو يزيد تمشي وانت نايم ( اكيد كنت تعيش في احلام سعيدة)

اهم شي سلمت وما تعورت...

الله يعطيك الف العافية اخوي ابو يزيد

لك تحياتي

اخوك

دختور الكمبيوتر

[أبو يزيد]

ا الله يسلمك يا دختور

يعطيك العافيه على المرور


لك التحية

[سمسومه]

هلا أبو يزيد

منووووور الفكاهي بطلتك الحلوه ..

أجل تمشي وأنت نايم ههههههههههههههه حلللللللوه

والأحلى من هذا كلللله إنك تدور روحك معهم خخخخخخخخخخ

الله يرج عدوان الظالم ههههههههه

ذكرتني بنفسي في الحلات المستعصيه أنا أهاااااوش وأنا نايمه <=== من كث ماتكتم وهي قايمه ههههه

مره أول ما أعرست يقاله رجلي بيسوي لي فيها فرفوش وأنا نايمه ومتلحفه ويسحب البطانيه عن وجهي ويطل في وجهي بقوه!!!

والله ياهو بعد حرم يمزح عقبها خخخخخخ نزرته نزرة وعقبها طلع ولا عاد رجع يوم قمت وأثر الرجال مهوب فيه يوم دقيت عليه جاء!

وأنا على نياتي مادريت إني مهاوشته خخخخخ <=== ماتحس وهي نايمه!

يوم جاء قلت له : وينك ؟؟ وأثر الضعيّف يحسبني زعلانه ههههههه

قال : قمتي تلعنين فيني وتهاوشين وارتعت وطلعت لأني خفت أطب في بطنك وأخربها من البدايه ههههه

وعلمته بالمشكلة ومااااااات ضحك! بس والله إلى الآن الحمدلله وأنا أزعل!

واليوم يقومني قال : ترى بأسكر المكيف وأفتح الأنوار إذا ماقمتي ؟ <=== والله وماعندك أحد خخخخ <=== أنا!

ولعنت خيرينه ههههههه وكل هذا وأنا نايمه!! <=== حشا مهوب نوم ذا بلاوي هههههه


<==== خييييير رد وسواليف أطول من الموضوع الظاهر!! شكلها تحسبه موضوعها هههه

يوم رووووووعه وماهو غريبه طالع على صاحبه ( أبو يزيد ) الراااااائع ....

والله يستر لا تجذب عيالك في هالصفه ههههههه <=== بتروح أمهم وطي خخخخخ

تحياتي وشكرررري لإلك .....

[شريك المشاكس]

(( خبر عاجل : العضو الحلو المزيون خفيف الظل شريك المشاكس نقل لمستشفى بعد إغمائة طويلة بسبب موضوع أبي زيد وردود سمسومه ))



يا ويل قلبي على القرقعه خخخخخ

أنا الي ضحكت عليه يومنك قمت متحمس تدرور على روحك خخخخخ

والله أنك مخلص

يعني مهب شرط تعرف منهو الضايع خخخخخ

أما الي يناديك في الوادي فلان فلان

أنا سمعت الاسم فقل هنا قبل ما أفتن عليك << مسكه مع اليد الي تعوره خخخ

بس غريبه ما شفتني !!!!!

أنا كنت مع الهنود هذولي ربع الرحلة حقتنا انحشنا منهم خخخخ


شكريا

يرحم أمك كثر من هيييييك قرقعات

ولا تهون الأخت سمسومه خخخخخخخخ


والله لوني مكانه قسم بالله أمد لي المويه للسرير وشوفي إذا ما قمتي وش يصير لس

عاد من زود القرقعه بتقومين والدنيا غرقانه وتقولين : ماشاء الله أجل سالت الدنيا من هالأمطار ، أكيد سدير جاها شي بأدق على أميمتي خخخخخخخ

[أبو يزيد]

سمسومه تحية طيبة

نورتي الموضوع بمرورك

لك الشكر على الإضفاءات الحلوة

لك التحية

ــــــــــــــــــــــــــــــــــــــــــــــــــ

تحياتي لك شريك المشاكس

يعطيك العافية على مرورك للموضوع

لك التحية