الصيد بالشبكة الهوائية

[اتيكا]

وهي من أجمل أدوات الصيد وأمتعها ، حيث أن صيدها نضيف ولا يوجد به أصابات ، وتظمن أنه حلال لأنك تزكيه بعد أن تمسكه حياً
وطريقة إعدادها بسيطه
حيث يوضع عمودان متقابلان على خط مستقيم
ويمد بين العمودين شبكه من النايلون مخصصه لصيد الطيور الصغيرة مقاس المربع أو الفتحه 1سم × 1سم وهناك أنواع أكبر مقاسات
ويشترط عدم مس أو ربط الشبكه بقوة بل يجب أن يكون فيها ليونه لكي تمسك الطائر عندما يصطدم بها
ويفضل وضع الشبكه حول البرك والمستنقعات المائيه وحول السدود والدراكيل
حيث أن الرطوبه تجبر الطيور على النزول في هذة الأماكن

توضع الشبكه بين الأشجار


أو الأعشاب الطويله


ويمكن وضع شبكتين فوق بعضهما البعض إذا كان العشب طويل


ومع الصباح الباكر وقبل بزوغ الشمس سيرزقك الله بالصيد الوفير

[اتيكا]

أول مايدخل من الطيرالراس ثم يمسك على الشبكه بأرجله


ثم مع كثرة حركته يتلخبص ويتعقد ويربط روحه


وبعد أن يتعب يصبح على شكل كيس نازل إلى الارض


والراس إلى الأسفل


ولتخليص الطائر من الشبكه أعرف أولاً أتجاه دخوله على الشبكه
ومن ثم أمسكه مع أرجله وخلصهن ومن ثم أسحبه إلى الخلف




ومن أراد المزيد عن طريقة إعداد الشبكه وطريقة الصيد بها وأنواع الطيور التي تصيدها عليه الذهاب إلى الرابط التالي
http://www.rbnc.org/bird.htm

[القناص]

جزاك الله خير وماقصرت على هذا الطريقة الجميلة

اخوك: القناص

[مهاجر]

ومشكور اوي اتيكا على هالمعلومات القيمة....

بس ما ادري يمدي نطبقها بسد الشحمة ولا محجوز....;)

[اتيكا]

هلا بك أخوي مهاجر

وأما من ناحيه الصيد بالشبك فهو متعه ، وبامكانك تطبيقه في مكان يوجد به نباتات تنموا في الأماكن التي تتجمع فيه المياه كالبرك والمستنقعات

أما من ناحيه الصيد بسد الشحمه فللأسف لا يوجد بالسد ماء هذا العام لذلك لا يمكن الصيد بالشبك هناك

[مفتون صيد]

[moved]للرفع[/moved]

[أبو عبد الله]

مشكور اتيكا على الموظوع الجميل وهذي عوايدك
بس حبيت اضيف شي
عندنا فالساحل بجدة وينبع عشان نصيد القميري ( الخرففش _ البحري ) نحط الشبك على القشع وهو شجر صغير ينبت عند سواحل البحر ونخلي بها فتحه مثل الباب من احد الجوانب اما الجانب الثاني نحط الشبكة بالارض ونوثقها زين ونحطلها حجار من الجوانب الأخرى عشان ما يقدر يطير الطير بالشبكة اذا شاف الصياد وبعدين يكون الصياد يراقب الشبكة واذا شاف طيور يحاول بالصوت انه يخلي الطيور تدخل الشبكة يعني كانه يحوش الغنم للشبك وبعدين يشد حبل اللي على الشبكه لين يطرح العود اللي يكون على خشم الباب اللي فاتحه الصياد للطيور وعاد تعال وشوف اللي يطيح بالشبك كثير على خمس اوست قميريات لدرجة انه في بعض الناس اللي يسكنون المنطقة القريبة من الساحل يصيدون ويبيعون الجوز الواحد بخمسه وثلاثين ريال وحنا ياللي مشغولين في اعمالنا نجي ندور القميري ما نحصل ومن الشفقه على اكلتها ننجبر نشتري من عندهم يعني اللي طالع يصيد حول الساحل بيرجع بصيد بس يمكن ما يصيد هو فيه ناس يصيدنوله ويبيعونها عليه

[المولع]

طيب من منكم جرب الصيد بــــــ صندوق خشب او كرتون .
انا مجرب هذي الطريقه و تمكنة و لله الحمد من صيد الحمام بهذه الطريقه و مره صدت ثلاث مره وحده والطريقه هي :
انك تجيب صندوق خشب او كرتون (( لاكن خشب افضل لأنه ما يطيح )) ويكون حجم الصندوق تقريبا بحجم (( كرتون الصابون الكبير او صندوق المناديل الفاين )) يعني يجيله 70 سم طول و 40 سم عرض و يكون ارتفاعه تقريبا 40 سم .
تجي لمكان في مزرعه او استراحه و تجيب نص بلكه و تحطها و تك الصندوق عليها بشكل مائل و حط داخل الصندوق قطعة بلكه تثبته و لا تكون ثقيله ، ثم اربط حبل في طرف الصندوق من الاعلى و مده الى مكان تجلس فيه بوضع متخفي ، طبعا حط حب بر او شعير تحت الصندوق و يكون في منطقة الوسط بالضبط علشان الحمامه تدخل جسمها بشكل كامل ، و اذا حطيت الشعير او البر الله يعينك على الانتظار الي ان يجيك حمام و اذا جاء وتأكدت انه بوسط الصندوق اسحب الحبل بسرعه و تشوف النتيجه .

الطيور لن تأتي لهذه المصيده الا بعد 3 الى 4 ايام من وضعها حتى تتعود عليها و تلقى فيها اكل .
اغلب الاوقات الي تجي الطيور فيها لللأكل هي الصباح و اول العصر .

هذه الطريقه مجربها و قسم بالله صدت فيها ثلاث حمام مره وحده ...
لاكن يبيلها صبر و انتظار طويل ، و الي عنده مزرعه يقطع وقته و يصيد

[مفتون صيد]

تصدق ابو عبدالله طريقة الشبك اتوقع ارخص وازين للي عندهم الصيد متوفر وبكثره مثل الساحل

بس ودي اسئلك سؤال ما دام انك من هناك ...حول الساحل.... هل طيور النزل قلت عن اول او تلاحظ فيها نقص كل سنه على الاخرى وبالاخص القميري ...لانه جاء كذا مره نقاش على هذه المواضيع

--------------
المولع الله لايخليني من ابتكاراتك ....... تصدق عاد .... والله ياذي الطريقه تشتكي مني منول .... عزالله انها رهيبه

[أبو عبد الله]

تدري يا اخوي مفتون صيد انه من اول كان ما تشوف الأرض من تحت الجول اللي يجي ومرة من المرات طلعت انا وبعض الشباب والله يا مفتون اني ارمي في اليمين واطرح خمس ويطير الجول للجه الثانية وارميه مره ثانية واطرح ست سبع ولا يقل حصيل اليوم كامل عن 70 قمري لكن الحين تجي وتلف وتدور وتحصل قميرية وحده عليها اكثر من سيارة والله يا مره بغى واحد يرميني بالسوجن عشان ست قميريات بس اخوك ذيب حرام يا جبتله الجنان لين اخر شي تابعت لين راح وطلع من المنطقة ابن الكلب والمشكلة انه شايب يجي عمرة حول الخمسين والله يا خليت الارض تثور من تحت كفرات الموتر وانا طاير ورى القميري ما يوقع الا انا داعم عليه بالسيارة حتى يطير بعيد وما يصيد ابن الكلب ديرتنا اخس ما فيها الحسد وانا اخوك والله اني ما حسدته بس نشب في حلقي الين وصلها معي اجي برمي الطيور وبعد ما خليتها تهدى شوي جا يرمي من بعيد عشان ما ارميها انا وتطير من عندي تركته اول مره لين جاء الجول عندي ويوم جيت ابرميه رمي علي ابن الكلب بغى ياخذ عمري الله ياخذ عمره عشان خمس والا ست قميريات
على العموم ترى الناس عندنا ما يخلونها توقع وبعضهم يرميها وهي تطير الين صارت ما تجي الا قليل ولا يبقى شي للمناطق الثانية زي منطقتكم

[مفتون صيد]

هلا ابو عبدالله وهد اعصابك وبعدين ما يستاهل كل هذا وابن **** وانا والله عارف انه موهب طبعك في الكلام كيذا بس شكلك معصب مره ويحق لك على قولة المثل ياروح مابعدك روح ;) تقبل تحياتي

[مفتون صيد]

السلام عليكم
فيه شبكة اعجبتني يبيعها محل حق صيد وبنادق هواء ...... المهم الشبكة حلوه وطريقتها انها دائره من حديد يعني حلق ويمكن قطرها تقرباً اللي شفتها متر وملبسه هالحلقه بشبكة يعني زي طريقة مرمى كرة السلة بس اللهم انها مسكره الشبكة .
وبعدين هالحلقه تصفط الى نصفين على بعض لانها مفصوله من النصف يعني تطلع على شكل القمر اذا صار نصف بدر ... وبعدين فيها من النصف اللي مفصول من الجهتين زي السسته بحيث انك اذا بغيت تصيد بها تصفطها على بعض واذا جيت بتشغلها ترجع بسرعه على وضع الدائره الكامله على الطير بحيث انها تحجر له ولا ينحاش ... وعملها هذه الشبكة عن طريق جهاز لا سلكي على ما اظن ..... يعني متى ما شفت الطير فيه ونويت عليه ما عليك الا انك تضغط الزر الخاص بها وهي تطبق على الطير ...
وميزتها انها وقت ما أنت ناصب هاذي الشبكة مهيب واضحه للطير لانها على مستوى الارض تماماً ولا تحتاج انك تحطها على شجر او غيره .... يعني هي قايمه بنفسها

اللي يبغى المحل يراسلني على الرسايل الخاصة علشان ما يقولون اننا نسوي دعايه له .... بس على ما اظن انها غاليه شوي لان المحل بطبيعته غالي شوي

[محمد الاخوان]

تسلم يمينك والله ماقصرت يااتيكا والله موضوع جيد .....

بس ياخوك مهيب ذا الطريقه كنه حقت واحد عجاز ول اانا غلطان

ان ماجاك اليد بيمناااااااك مايصير له طعم ولا انا غلطان يالرررررربع




وعلى العموم تسلم يا اخوي اتيكا على هالموضوع



{محمد الاخوان******

[مفتون صيد]

لا وانت الصادق اخوي محمد الاخوان قل الا هاذي طريقه اباده جماعيه ...... وزي ماقلت بيدك وانت ترمي احسن
بس كل واحد له طريقته في الصيد ....... والطرق كثيره وعديده

[أبو عبد الله]

والله يا مفتون ان الشخص ذا لو اقابله مره ثانية لاجفل عنه الطيور لين اكرهه فالصيد بعد كذا يا اخي بغى ياخذ عمري انا واللي مع ويعدم سيارتنا عشان ست قميرات الله لا يردها والله يا قبل حوالي تسع سنوات انا ما نطالع للجوال اللي اقل من عشرة ولا نعرف البنادق الهوائية ما فيه الا سواجل مع ان فشقها كان غالي وتصل الدسته إلى مايزيد عن 320 ريال لاكن شف نرمي وحنا واثقين ان الفشقة الوحده ما تطرح اقل من ثمان تسعة وايان اكثر بس هذا الحسد في اهل الساحل ما عمري شفته وبحكم اني ماني من الساحل ومنطقتنا تبعد كثير عن الساحل وكلها جبال فانا ما احب اتعامل مع اهل الساحل بالذات لان الحسد فيهم طبع ولاهو طبيعهم بس وايش نسوي الله رايد ان هالقماري اول ما تجي عندهم ومجبورين انا نروح لمهم ونستحمل حسدهم