اثبت على مبداي من غير تغيير=وكلّن على مبداه يبين ساسه 0اخر الانتاج

[سعد العازمي]

السلام عليكم ورحمة الله وبركاتة واضع بين ايديكم الكريمه هذه الابيات المتواضعه امل ان تصل لحسن ذائقتكم الراقيه 0واقول

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحب عندي له مقامن وتقدير=لو كان سبّب لي ضياع وتعاسه
ولو كان قصدي شين سافرت اغادير=ولقيت فيها هز وسط وناسه
مانيب اهين النّفس واركض كما الغير=اعز نفسي عن دروب النّجاسه
احرص على اللي بالشّرف مثلي ايغير=نظيف عرض ولا يداني الخساسه
ولاشفت من خلّي خيانه وتقصير=ابيع حبّه وسط سوق النّخاسه
صحيح قلبي بالهوى كنّه الطّير=يكفخ الى شاف العيون النعاسه
خصّن الى من صار مع زينه اصغير=ومكمّلن زينه قصيرن الباسه
يصيب قلبي منه سهمن وتخدير=واموت لين اعرف ربعه وناسه
وعطيه مايطلب ولاهوب تغرير=امشي معه بسلوب لطف وسياسه
واثبت على مبداي من غير تغيير=وكلّن على مبداه يبين ساسه[/poem]

وسلامتكم

[كـل ـآلغلـآ]

والنعم بشاعرنا الكريم سعد العازمي .. حياك الله وبياك

صح لسانك وسلم بنانك وعلأ شأنك ماشاء الله قصيده جزله

أبيات جميله اسطر منسابه كلمات عذبه ..

وفقك الله وحفظك من كل شر تقبل مروري ..

[بنت الاصول]

اخي الكريم سعد العازمي

صح لسانك وعلى بنانك

كلمات في منتهى الروعه اشكرك على اتحافنا بها

جزاك الله كل خير

[بن زامل]

الله الله ياسعد ..
شاعرنا واستاذنا سعد العازمي صح لسانك مدد على هالقصيده ولاهنت
ونطمع بانتاج جديد

[ســاري]

صح لسانك وأرتفع شأنك

[وَدْقْ ,]

كفوو والله لافض فاك

من اولها لاخرها صعبتُ ان انتقي

مكملة للخلُق والسياسة

اتحفنا بجديدك

,