وين يا مدعوجة العينين ... ؟

[أبوإبراهيم الشويعر]

سلامٌ عليكم و رحمة الله و بركاته ...
نبطية قد لا تروقكم و لكن تقبلوها تفضَّلاً منكم ... فأقول :

[poem=font="simplified arabic,6,red,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وين يا مدعوجة العينين غبتي ؟=خذتي الروح وْ تركتي لي جسدها
في هواك افنيت قلبي واحتجبتي=واعذابي من لظى الشوق وْ وقدها
لك وهبت الحب وانتي وش وهبتي ؟=ماتت آمال اللقا بك في مهدها
راغبٍ بك خافقٍ ما به رغبتي=في هواك الحال معدومٍ سعدها
بي يضيق الكون لا منّك تعبتي=ليت نفسي دون نفسك عن نكدها
بك بلغت العشق فوق اللي طلبتي=و المحبة دار واحساسك عمدها
لو شعورك حيّ ما و الله سلبتي=من حياتي ما هنالي من مددها
فيك تشقى العين وانتي ماانتحبتي=من شقا عيني ... و لا همّك سهدها
ذاب قلبي في هواك وْ به لعبتي=و القلوب اهمالها يطوي جلدها
ليتك أول ما بدا الحب انسحبتي=و المشاعر مبتداها نبض امدها
[/poem]