فقط للرجال المتزوجين ولعامة النساء ؟؟؟؟؟؟؟؟

[ابن شارخ]

الله يمسيكم بالخير ياهل سدير

أنا من مشجعين الزواج من بنات الديرة ومن معارضين الزواج من الخارج

واسمحوا لي ان اخدش اذواقكم الراقية بهذه القصيدة الاجتماعية المتواضعه :

بــــــــنـــــــــت الـــــجــــــزيــــــرة

مـن بعـد مـا كنـا نسـافـر عـلـى أبـهـا
----------------------- وننسى الوظيفة لقبل الحـر والصيـف

نـنـصـى الـبــراد وتـاركـيـنٍ تـعـبـهـا
----------------------- والرزق بأمر مصرف الكون تصريف

يـرش مــن صـافـي مـزونـه عربـهـا
----------------------- ويسقـي غصـونٍ ممحـلات مناشـيـف

لا جـيــت لـلـسـودة أولـــع حـطـبـهـا
----------------------- والدلـة الصفـراء بهـا الهيـل والكيـف

مقـابـلـيـن الــنــار مــحـــلا لـهـبـهــا
----------------------- والمـزح مـا بيـن الربـع والسوالـيـف

نكشت على الضلعان نفـرش عشبهـا
----------------------- فــي ديــرةٍ أميـرهـا (دايــم السـيـف)

طـاوعــت مـقــرودٍ حـيـاتــي قـلـبـهـا
----------------------- ودخلت غبّه وأنا خايـف مـن السيـف

قـال انـت مـن جدك تصيـف بأبـهـا
----------------------- الـشـام عـنـدك جـوهـا دايــم مـريــف

واذا حصـلـك خـوخـهـا مـــع عنـبـهـا
----------------------- أقطـف وتنـس عيشـة النخـل والليـف

سـافـرت يـــم الـشــام ربـــي كتـبـهـا
----------------------- سكنـت ببلـودان وانـزل علـى الريـف

قابـلـت مــن قلـبـي وروحــي نهـبـهـا
----------------------- ريــان عــوده لا سمـيـنٍ ولا نحـيـف

خـيـام حـبـة فـــي خـفـوقـي نصـبـهـا
----------------------- ثـبـت اطنـابـه بالضـلـوع المعاطـيـف

لا قـال(تـأبـرنـي) حـيـاتــي سـلـبـهــا
----------------------- غـديـت قطـنـة فــي يـديـن النـداديـف

وسّطـت شـايـب مــن أهلـهـا خطبـهـا
----------------------- والمهـر شقـة غـيـر بـاقـي التكالـيـف

صـارت حيـاتـي بـيـن ودهــا وجبـهـا
----------------------- والـداخـلــيــة نـتـفـتـنــي تـنـاتــيــف

وحـمـاتـي الـلــي قـطــع الله نسـبـهـا
----------------------- موقفـتـلـي فـــي دروبـــي مـواقـيــف

يـاكـثـر مـــا تـفـتـل عـلـيـه شـنـبـهـا
----------------------- وياكثـر مـا تطلـب علـي المصـاريـف

خطفـت عينـي بصبـعـي مــن سببـهـا
----------------------- يالشـام توبـه مالـفـى يـمـك الضـيـف

بنـت الجـزيـرة لاحصـلـت لا تعقبـهـا
----------------------- فـي ملحهـا فاقـت جمـيـع التواصـيـف

بـنــتٍ تعـجـبـك اشـهـدانـك تعجـبـهـا
----------------------- تـرى الكريمـة مــا عليـهـا تحاسـيـف

يكفـيـك مــن هـــذا عـريــبٍ نسـبـهـا
----------------------- صافي ذهـب ماخالـط القـش والزيـف

وختامهـا لا جيـت أسافـر علـى أبـهـا
----------------------- ماحسد أهـل لنـدن وباريـس وجنيـف

( ابـن شــارخ)

[النبع]

مرررررحبا الف يابن شارخ صح لسانك ولا فظ فوك

وكلامك والله كله درر 0

وعزالله بنت نجد مافيه مثلها 0وخاصه بنات سدير الله اكثر امثالهن

ومالكم الا بناتكم طررررتو ولا وقعتو 000000


تقبل تحياتي يابن شارخ وتستاهل وسام على هـلقصيده الحلوه0

[سعود الخليل]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بنـت الجـزيـرة لاحصـلـت لا تعقبـهـا
----------------------- فـي ملحهـا فاقـت جمـيـع التواصـيـف

بـنــتٍ تعـجـبـك اشـهـدانـك تعجـبـهـا
----------------------- تـرى الكريمـة مــا عليـهـا تحاسـيـف

يكفـيـك مــن هـــذا عـريــبٍ نسـبـهـا
----------------------- صافي ذهـب ماخالـط القـش والزيـف

وختامهـا لا جيـت أسافـر علـى أبـهـا
----------------------- ماحسد أهـل لنـدن وباريـس وجنيـف
)[/poem]

إبن شارخ ... الشاعر المميز دائماً ....

شاعر من طراز نادر ...

قصيدة في غاية الروعة ...

سلمت يمناك وعز الله انك صادق يالغالي فيما قلت ...

والله يحمانا وجميع شباب المسلمين ...

لك الود يالغالي ..

[الأم الحنون]

[align=center]الأستاذ الفاضل ابن شارخ
بارك الله فيك ...قيم رائعه وشعور بديع
ماتفضلت به من خلال قصيده حبكت حروفها
واسعدتني ابياتها ..
لك كل الشكر والتقدير ...




بنـت الجـزيـرة لاحصـلـت لا تعقبـهـا
----------------------- فـي ملحهـا فاقـت جمـيـع التواصـيـف

بـنــتٍ تعـجـبـك اشـهـدانـك تعجـبـهـا
----------------------- تـرى الكريمـة مــا عليـهـا تحاسـيـف[/align]