معلومات عن حي الشفا ( الرياض) تحليل فني

المميز2004 · 13-08-2005, 02:52 PM

السلام عليكم ورحمة الله وبركاته
أود أن أدخل السرور عليكم من خلال هذه المعلومات البسيطة:

[align=right]طبعا لايخفى عليكم حي الشفا ( شكمان الرياض) يقع في جنوب الرياض ...
*** يوجد مدخل واحد للحي ...
*** أول ماتدخل الحي تشم ريحة على كيف كيفك ...
*** يوجد زحام وصراع شديد على المطاعم والمخابز...
*** محلات التميس أفضل من البنوك من ناحية الدخل ؟؟؟؟
*** شارع الستين عبارة عن صيدلية مطعم صيدلية مطعم وهكذا...
*** الجيران اليوم صديقك وبكره يقلب عليك ...
*** تفحيط مزعج جدا.
*** سرق سيارات منتشر مع الأسف.
*** حارتنا فيها البقالات أكثر من البيوت.
*** فتح عندنا مطعم حمص أبو زكي وفتح جنبه أبو زاكي شف التلفيق وفتح ثالث ركن أبوزكي وبانتظار رأس أبو زكي وغيره من الزكيات ...
*** يفتح محل ماركة حلوة ومرتب لايجد أي إقبال ( حدهم أبو ريالين) الله يرزق الجميع...
*** اذا نجح محل عندنا 50 واحد نفس النشاط تلقاهم جنبه.
*** الناس ماعاد تطبخ في بيوتها الظاهر المطاعم ما تلحق على الشغل حتى جاهم هبال... من الطلبات.
*** ناس ملاقيف جدا اذا صار شي في الحارة تلقى جنبك جارك وناس ماشفتهم من 10 سنين وناس متطفلة .
*** توك مشطب الفيلا حقتك الحلوة ... من بكرة على الجدار ذكريات أبو جحش ... وذكريات الدب والخ من الخرابيط.
*** الشباب يقلدون بعض سريع جدا...[/align]
*** أيام الاختبارات الله يعين بس .
*** الصراف وقت الراتب يجيه هبال.
*** بزران بالدباب صوت مزعج
*** تشوف السيارة تمشي بدون سواق بزر

[align=center] من محاسن الحي الحقيقة[/align]

[align=right]*** ولله الحمد كثرة المساجد الله يزيدها
*** حلقات التحفيظ المنتشرة
*** المحاضرات المستمرة
*** فيه ناس طيبين
*** لو تلخبط لك أي رقم بالتلفون يرد عليك مطعم في الشفا... مرحبا ايش طلبك...
*** معارض السيارات ولو أنها مافيها بي ام دبيلو موديل 2000 حتى
*** استراحات الحزم القريبة من الشفا[/align]

أمي سديراوية · 13-08-2005, 03:32 PM

خخخخخخخخخخخخخخخخخخخخخخخخخخ

الله يقلع ابليسك

جوووووووووقرااااااااااااااااااااااااان عالموضوع الفله هع

السنبلة · 13-08-2005, 04:39 PM

[frame="2 80"]هههههههه أما سالفة المحلات اللي يقلدون بعض.. أشهد لك بها..

حدا عماتي ساكنة في الشفا.. وقدام بيتهم خمس محلات (الظاهر) مثل بعض.. [/frame]

عازف الأحزان · 14-08-2005, 02:42 AM

ههههههههههههههههههههه

صدقت والله المحلات متشابهه وانواع الازعاج والروائح انتم عارفين ما يحتاج هههه

تسلم على الموضوع ..

عازف ..

دكتور المنتدى · 18-08-2005, 05:00 PM

هههههههههههههههههههههههههههههاي

من جد طلع تحليلك صح....مرة جيت لحي الشفاء..ماادري وش ملقفني وجابني للحي...بغيت للصراف...اعوذ بالله زحمة..وفيها دعوة مسكه طابور

شاكر لك اخوي المميز 2004 على الموضوع الرائع والطريف...

تحياتي وتقديري

جنون · 19-08-2005, 02:57 AM

[align=center]مشكور اخوي المميز على هذا الموضوع الحلو..
والله ضحكتني ووسعت صدري..
الله يوسع صدرك بالعافية..
بانتظار ابداعاتك وانا اخوك في المنتدى..
لاتبخل علينا بها..[/align]

ابو محمد سدير · 26-08-2005, 01:02 AM

طيب ورا ماتحللون السويدي ,

تحليلي المتواضع :

كله حفريات كل الشوارع وش زينها جاء حادث الجيران يرنون الجرس فيه حادث ,

وسرق الجوالات بالهبل وكل يوم نسمع واحد من الجيران من سرق جواله والثاني منسرق موتره ,

واتحداك تسمع ان فكتوريا انسرقت بس يسرقون مسجلاتها ,

واكثر مايسرق الكوامري بجميع انواعها حتى التوماتيك وماخلوا شي حتى الدداسن يسرقونها ,

عرفت ليه يسرقوووووون الدداسن يروحون ويسرقون به جوالات ويذبونه ,

حتى النعال ماسلمت اللي في سور بيتهم نعال تلقاها من بكره مسروقه ,

وحتى دبة الغاز ماسلمت لكن مانقول الى الله يهديم ,

وحتى الكفرات ماسلمت يسرقووووووووون كفرات السيارات ويسرقوووون الجنوط بعد ماخلوا شي ,

مانقول الى الله يهديهم ,

والسلام في الختام