{ حضن الـقـصـيـد ******>>new

[مبروك الماضي]

بن ماضي
[poem=font="Simplified Arabic,6,purple,bold,normal" bkcolor="transparent" bkimage="backgrounds/27.gif" border="solid,7,chocolate" type=0 line=0 align=center use=ex num="0,black"]

( حـــضـــن الـقـصــيــد)
********************

يستر على من يرجعني لحضن القصيـد
هو ليش كل ماقريته صرت أحس بْملل
****
كل ما أقرّب من أنفاسـه أروح إلبعيـد
والمشكل اني أحس فالبعد عْنْـه بْخلـل
****
تركيب هـذا الالـق وكيميائـة فريـد
مارتاح لو ماعروقي منْـه جاهـا بلـل
****
يجري معي في مجاري الدم وسط الوريد
وان غاب عني مصابي في غيابه جلـل
****
وش لون أردّ الحميميّه معـه واستعيـد
الذائقه بعد م ابتُليْـتْ ببعـض العلـل
****
شفت وتشبعت لين اصبح شعوري بليد
سامع يقولون للاشعـار سُـوق وُدلـل
****
ان كان هذا حصل مافي أحـد مستفيـد
بعض القصايد متسوى ياجماعـه هلـل
****
أظن الابداع اصبح في زمنـا ( قعيـد )
وجسم هالساحه المُتعب اُصيب بشلـل
****
وجهة نظر واعتقد مانيب فيها الوحيـد
لكنها تحتمـل فـي كـل حـال الزلـل

************
أخوكـم ومحبكـم / بــن مـاضـي[/poem]

[فهد نجد]

وجهة نظر واعتقد مانيب فيها الوحيـد
لكنها تحتمـل فـي كـل حـال الزلـل


.......

أبن ماضي بعد التحية 0

سعدت بأت أكون أول مصافح للمشاركة 0

الف شكر وتقبل تحياتي 0

نزف جمييييييييييل 0

[جود الحزن]

[align=center]شفت وتشبعت لين اصبح شعوري بليد
سامع يقولون للاشعـار سُـوق وُدلـل
****
ان كان هذا حصل مافي أحـد مستفيـد
بعض القصايد متسوى ياجماعـه هلـل
****
أظن الابداع اصبح في زمنـا ( قعيـد )
وجسم هالساحه المُتعب اُصيب بشلـل


الله الله الله

صح لسانك اخوي مبروك

لكن لايطووفك سوق البيع والشراء

يقولون ان الاسعار زينه والكلام للقائل مولي

تحياتي[/align]

[جورية]

سلمت يمينك اخونا الكريم

وصح لسانك

وبأنتظار المزيد من الابداع

[سعود الخليل]

شاعرنا المبدع مبروك بن ماضي

صح لسانك يا بعدي وهذي ماهي غريبة على شاعر مثلك ... بس لا تطول الغيبات عنا ...


بس حلوه بن ماضي


لك الود يالغالي ..

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وجهة نظر واعتقد مانيب فيها الوحيـد =لكنها تحتمـل فـي كـل حـال الزلـل [/poem]