والله قصيده تجنن خش واقراها

أبو عبد الله · 30-04-2003, 01:47 PM

ياشباب ابي رايكم في قصيدة الشاعر الشيخ صالح بن عبيد المستوري البقيلي وهو يتغزل في فتاه رأها في السوق ان شاء الله تحوز على رضاكم وهي بعنوان ( حديث البدو )
مع تحيات اخوكم الشاعر ابو عبد الله

[poet font="Simplified Arabic,14,sienna,bold ,normal" bkcolor="" bkimage="http://forums.sdair.com/poetimages/24.gif" border="outset,2,gray" type=0 line=350% align=center use=sp char="" num="0,black"]
صادفتني عند باب السوق ريميه خجولة
وصوبت قلبي برمش العين وادمتلي صوابه
جادل متبخترة في مشيها بنتٍ خجولة
واهني ارضٍ بخف أقدامها.. داسـت ترابه
جوهرة مكنونةٍ في موقع محدٍبحـولة
تلعن أبو جد جد اللي لها حظه رمابه
يوم شفت الزين مدعوج العيون وشفت زولة
صار في عيني رحاب القبر والدنيا تشابه
قلت ياحورية الدنيا معي علم بقوله
واعذاب اللي تولع في جمالك واعذابه
أنتي اللي لجل شهد شفاك تنهار الرجولة
وأنتـي اللي من كلامك ينحني قوس الربابه
قالت أنا بنت فارس قوم وأنا من حمولة
ابدوية ما تطاوع كل من ضيع صــوابه
قلت أنا ولد البدو ولد الشهامة والبطـولة
الدخيل نموت دونه والمحارب ما نهابه
ما نخاف الموت لو برك بـأراضينا ذلولة
دون عزتنا ندوس الموت ما نحسب حسابه
قالت اسمع يابطل ماكل ماتنوي تنولة
عنك أناابعد من مدارات النجوم عن السحابه
قلت يابنت البدو يم الرموش اللي كسولة
قلبك اقسى من صخور طويق وامتن من هضابه
قالت أنت متوقعٍ قلبي يلين بـ هالسهوله
النهار اللي حماه القيض لا تتبع ســـرابه
قلت أنا راسي عنيد ولانويت الشي أطوله
قالت الايام دوارة ولا فيها غــرابه
قلت ونهاية حديث البدو ونهاية فصوله
قالت أنت اقرب من بروق السحاب من السحابه

[/poet]

هوجاس · 30-04-2003, 01:54 PM

والله اذا تبي الصراحه أخوي ابو عبدالله

انا اكتشفت ان ذوقك يجنن في الشعر وكل مشاركاتك تدل أنك انسان ذوق في اختياراتك ما عدا قصيده البنت السوريه

أبو عبد الله · 30-04-2003, 02:28 PM

اولا اشكرك على رأيك الذي اسعدني وعلى مرورك يا هوجاس ام بالنسبة لقصيدة البنت سورية فهي مجرد مداعبه وليست قصيده بمعنى القصيده وما تحمله بداخلها من معاني رفيعه ولكن التنويع مطلوب وعلى العموم شاكر ردك وصدقني لو لا اختلاف الاذواق لبارت السلع ولكل شخص ذوق والا لا ؟;)
اما بخصوص اكتشافك الخطير ذا فو الله ان هذا ينبع عن ذوقك العالي ويسلمووووووووووووو قلبي