صـــــــادق الـقـــــــولــــــــــ

[ذياب العصيمي]

بسم الله الرحمن الرحيم

السلام عليكم ورحمة الله وبركاته

إليكم هذه المرتجلة بعد موقفٍ أثّر فيني فأرتجلت منشداًــــ بصادق القول

[poem=font="Simplified Arabic,7,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
مالي صديق إلا أنت ياصادق القول=وغيرك ترانا مانبي له صداقه
أنت الذي من بد الأصحاب مقبول=صدق ووفا واخلاص قلب ولباقه
وأنت الذي طيبك على ساس ووصول=مثل الزلال العذب حلوٍ مذاقه
إليا حضرت أنسى هل الكيف والدول=وإن غبّت لك قلبي يزيد اشتياقه
لولاك ماناديت شعري على طُول=وأهديت لك من صادق الشعر باقه
قلته وأنا من روس قومٍ لها افعول=اللي لها روس المراجل اعشاقه
وأنا من الشعار ماني بمجهول=عز الرفيق وللمعادين عاقه
يوم الردي عن سبّق الطيب معزول=أسرجت خيل الطيب بين الرفاقه
آخذ بها مركاض جولٍ بثر جول=وأقدح بزندي وأحتمي كل ساقه
وأترك ضعيف الحيل بالغبن مقتول=اللي مع الاصحاب مثل العلاقه
معلول في ممشاه والقلب معلول=وإليا دعا الملزوم فيه إنفهاقه
هذاك ماله مع هل الطايله طَول=هذاك أخيرٍ من وصاله فراقه
ولالي علاقه غير مع صادق القول=وغيره ترانا مانبي له علاقه
[/poem]

[عبدالرحمن بن سعد]

مشاء الله

بيض الله وجهك يابو تركي

قصيده رائعه
وعودتنا للأمانه على الابداع

عسى الله يوفقك

وتقبل احترامي

[أبو حمـد]

وعليكم السلام ورحمة الله وبركاته ،،

ومساك الله بالخير أبو تركي ،،


ويعطيك العافيه على هذه القصيدة الطيبة ،، ووالنعم فيك ووالنعم في صاحبك صادق القول وأصحابك كلهم فيهم الخير والبركه ،،


وصح الله لسانك أبو تركي ولاهنت يالغالي ،،


تقبل تحيتي ،،

[الدبلوماسية]

صح لسانك على هذه القصيده الرائعه

ويعطيك العافيه ولا هنت أخوي

تقبل احترامي

[سعود الخليل]

ذياب العصيمي

مميز دوماً يالغالي وصح لسانك ولا هنت على هالجزلة ..

وعز الله ان صادق القول هو المطلب في هالدنيا ..

[المهرة]

وعليكم السلام ورحمة الله وبركاته

ماشاء الله تبارك الرحمن

صح لسانك وبارك الله فيك

شكراً لك ..

[تركي الوكيل]

ذياب ..

لا فض فوك .. ولا فقدك محبوك ..

كلمات تنبع بالوفاء , وصادق القول والإحساس , أدام الله المحبة وجمع القلوب على خير دوما وأبدا ,,

دمتم بخير ..
ولكم من ( تركي الوكيل ) صاف الود

[أنثى المطر]

صح لسآنك وطاب حضورك

ماشاء الله تبارك الله

دمت مبدع,

[أبوإبراهيم الشويعر]

ذياب العصيمي
نظمٌ يفيض جزالةً وحكمة ...
أغبط صديقًا فاز بصحبتك وحاز شيئًا من مشاعرك التي انساب بعضها شعرًا يزخر بالوفاء والتقدير .
رفع ربي قدرك و أسكنك الفردوس الأعلى من الجنة .

[حلمي شاعر]

وعليكم السلام ورحمة الله وبركاته

وصح لسانك أستاذي الكريم.

دمت ودام هذا الحظور الراقي.

[ذياب العصيمي]

المشاركة الأصلية كتبت بواسطة عبدالرحمن بن سعد   مشاء الله بيض الله وجهك يابو تركي قصيده رائعه وعودتنا للأمانه على الابداع عسى الله يوفقك وتقبل احترامي

عبد الرحمن بن سعد

وجهك أبيض يالغالي

وشكراً على التواجد والمتابعة المستمرة

حفظك الله من كل مكروره

لك مني كل الشكر والإحترام...

[ذياب العصيمي]

المشاركة الأصلية كتبت بواسطة حمد ولد أبو حمد   وعليكم السلام ورحمة الله وبركاته ،، ومساك الله بالخير أبو تركي ،، ويعطيك العافيه على هذه القصيدة الطيبة ،، ووالنعم فيك ووالنعم في صاحبك صادق القول وأصحابك كلهم فيهم الخير والبركه ،، وصح الله لسانك أبو تركي ولاهنت يالغالي ،، تقبل تحيتي ،،

المشرف حمد ولد أبو حمد

الله يمسيك بالخير


والله يعافيك ولا عليك زود

وصح بدنك

وشكراً على تواجدك اللافت

لك مني خالص والود والتقدير..

[ذياب العصيمي]

المشاركة الأصلية كتبت بواسطة الدبلوماسية   صح لسانك على هذه القصيده الرائعه ويعطيك العافيه ولا هنت أخوي تقبل احترامي

الدبلوماسية صح بدنك والله يعافيك

[poem=font="Simplified Arabic,7,red,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
جات الأميرة في تبختر وإعتزاز=وجنودها كل العذارى حولها
في موكب التقدير من احسن طراز=يضوي سناها البوح قبل افعولها
[/poem]

[ذياب العصيمي]

المشاركة الأصلية كتبت بواسطة راعي الأوله   ذياب العصيمي مميز دوماً يالغالي وصح لسانك ولا هنت على هالجزلة .. وعز الله ان صادق القول هو المطلب في هالدنيا ..

راعي الاوله مدير الصرح الشامخ

صح بدنك وشكراً على تواجدك

وعلى شهادتك الصادقة

لك مني كل الشكر والتقدير...

[ذياب العصيمي]

المشاركة الأصلية كتبت بواسطة المهره   وعليكم السلام ورحمة الله وبركاته ماشاء الله تبارك الرحمن صح لسانك وبارك الله فيك شكراً لك ..

المهرة

صح بدنك

والله يبارك فيك

[poem=font="Simplified Arabic,7,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وصلت المهرة قصور البوح عجله=وأدخلت قصرٍ عظيمٍ من قصوره
بالوفا والذوق جت ماهي بخجله=تبتهج وحضورها غطى حضوره
[/poem]