مرآفئ الــدانه ..

[دانة القصيد]

مرحبا بالجميع ...

أشتقت لكم ,,,

" تكفين "

الآ التعب يادنيتي خوف لآأروح *** وأمسي ضحية ضيقتي والطعوني

تكفين ياعيون الشقى خلي النوح *** كفي دموع الحزن..لآتحرجوني

تبكين وبقآصي الحشى يغلي الفوح *** وشهو جوآبي للملآ,,لآ سألوني

صعب اني أكتمها وصعب أتي أبوح *** والأصعب أني لآشكيت جرحوني

قلبي وعيني والمعاليق والروح *** صآحوا غرآبيل الزمن وأبلشوني

شقآك والضيقه ولامنك مصلوح *** وشـ حلها ياأهل الهوى ساعدوني

تعبت أدور حل ماقلت مذبوح *** ماقلتها,,لين الجروح أتعبوني

***************

" مافهمت "

كل وآحد حر ..ماكلآ مصيب *** المحبه قلب وأحساسك فرط

الكلآم الواقعي نزله غريب *** والكريم اللي لسبعه قد بسط

مانويتك حب ولاني لك حبيب *** كنت أبي أرضيك لكن ماضبط

لاتودي بك ضنونك لآتجيب *** ولآتبرر ماحصل للي ورط

جيت لك بالحل وأفهم يالبيب *** أستمع وأرجوك لآتفهم غلط

مالمثلك عندنا والله نصيب *** يرخص الدولآر سعره لآهبط

ذنب منهو يحسب حساب ويخيب *** غلطت اللي بين زلآته ربط

كل وآحد حر ..وماكلآ مصيب *** المحبه شي وأحساسك فرط

*** وسلامتكم***

***دانـــة القصيد***

[كـل ـآلغلـآ]

ياهلا و سهلا و مرحبا
صح لسانك أختي الدانه
حياك الله , من طول الغيبات جاب الغنايم
هلا بك و بـ إبداعك , ماشاء الله تبارك الرحمن
شعر جميل بجمال طلتك
تسلمين و يسلم بوحك . .

[أبوإبراهيم الشويعر]

ألستِ الدانة ؟
كلُّ نصٍّ تنظمه الدانة سيكون أّلِقًا نّضِرًا عذب اللفظ سلس الأسلوب راقي الفكرة .
رفع ربي قدركِ و أسكنكِ الفردوس الأعلى من الجنة .

[حُلُمٌ مُبَعْثَرْ]

رؤعه تسلمين

[أبو حمـد]

السلام عليكم ورحمة الله وبركاته ،،

ياهلا الشاعرة دانة القصيد ،،


يعطيك العافيه لهذه الروائع الشعرية العذبة ،، وما تضمنته من احاسيس لا يمكن لغير الدانة ان تجيد ركوب موجها ،، رائعتين توقفت عندهما كثيراً ،، ومعاني أخذتني في فضاء سماءهما الرحب ،،

صح الله لسانك شاعرتنا العذبة ،، ودمتي ودام بوحك الراقي ،،



تقبلي وافر تحيتي وتقديري ،،

[نور الحب]

رائعه يادانه ~~~ بارك الله فيك

[دانة القصيد]

مرحبــا بالجميع ....

فديت هالحضور وهالتواجد العطر ...

أعذروني يالغالين على الغيبه لاعدمتكم ...

أنتم في القلب مهما طال الزمن ..

لاخلا ولاعدم ...

مروركم أسعدني فديتكم كلآ بأسمه ...

دمتوا ودامت محبتكم وحضوركم..

الدانه