@@@@ قصيدة هـــيا @@@@

[عبدالله الصالح]

[align=center]السلام عليكم


مسائكم عطر


( هيا ) اسم ابنة احد الاصدقاء

انتظرها طويلاً

وجائت مثل صفحة النور الناصع

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

هذي هيا والى القمر يا ابن الأجواد = ما غير أطالع واذكر الله عليها
في وجهها نورٍ من الحسن وقاد = كن القمر مابين مسكة يديها
وجهٍ مثل صبح التباشير يزداد = حسنه ونظرات الخجل تعتريها
والعين فيها تجتمع كل الأضداد = فيها النهار وظلمة الليل فيها
عن روعة عيون ألمها وسعها زاد = يا لله عسى سهم الحسد ما يجيها
تلعب ولكن لعبها غير الأولاد = مثل النسيم اللي عجز يحتويها
تدخل قلوب الناس من غير ميعاد = والله ما به خافقٍ ما يبيها
هي فرحة المحروم في ليل الأعياد = اللي قضى عمره وهو يحتريها
يفرح بها قاصي وداني ونشاد = اللي نشد عنها وعن والديها
هذي هيا بنت النشامى والأجواد = الله يوفقها ويستر عليها[/poem]


لسماع القصيدة هنا[/align]

[مثل النخيل خلقت]

ماشاء الله ..

الله يخليها له ويرزقه برها ..


وصح لسانك اخوي عبد الله ..

[قلم رصـــاص]

صـح لـسـانـك يـا .. عبد الله الصـالـح ..


ماشاء الله تبارك الرحمن

قصيدة رآئـعـة جداً

و هيـا الله يخليهـا لهلهـا

وكل الشـكـر لـك يـا .. عبدالله ..

مرة أخرى

[مداءات]

قصيدة رائعة بروعة الاطفال,

وبسيطة ببســــاطة الاطفال,

وتلقــائيـة بتلقائيـــة الاطفال,

لاهنت وصح لسانك, وبيض الله وجهك ..

(والله يحفظ هيــا لكل عينٍ ترجيها, ويصلحها, ويقر بها عين والديها)

[اسيرالعيون]

صح لسانك ياخال

ماشاءالله لاقوة الا بالله

الله يخليها لأهلها ويجعلها بنت صالحه بارةً بوالديها

والقصيده رائعه كروعة هيا
::::::::::::::::::::::تحياتي:::::::

[عبدالله الصالح]

المشاركة الأصلية كتبت بواسطة مثل النخيل خلقت   ماشاء الله .. الله يخليها له ويرزقه برها .. وصح لسانك اخوي عبد الله ..

مثل النخيل


صح بدنك اخوي


والله يقبل دعاك

شاكر مرورك الجميل

كل التحيا

[عبدالله الصالح]

المشاركة الأصلية كتبت بواسطة الصوت الهلالي   صـح لـسـانـك يـا .. عبد الله الصـالـح .. ماشاء الله تبارك الرحمن قصيدة رآئـعـة جداً و هيـا الله يخليهـا لهلهـا وكل الشـكـر لـك يـا .. عبدالله .. مرة أخرى

الصوت الهلالي


صححح بدنك ولاهنت اخوي


الله يقبل دعاك

وتسلم على مرورك وتعقيبك


كل التحايا

[سعود الخليل]

[poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هذي هيا بنت النشامى والأجـواد=الله يوفقهـا ويسـتـر عليـهـا[/poem]


الله عليك يابو مشعل ... صح لشانك وعسى الله يحفظ هيا لعين ترجيها ..


وسلمت على هالصوت الحلو ... <<<< تونا ندري عن هالموهبه ...

[القيصـــر]

السلام عليكم



صح لسانكـ أبو مشعل .. ولاهنت يالغالي
قصيدة ولا أروع ... إجتمعت فيها كل معاني الإبداع والتميز
موفق أخوي

[عبدالله بن سعود]

هذي هيا بنت النشامى والأجـواد
الله يوفقـهـا ويسـتـر عليـهـــــــا

ويستر على جميع بنات المسلمين

الشاعر عبدالله الصالح

ابيات جميلة

وقصيدة فارهة

صح لسانك

و لاهنت

[راعي الروضة]

[align=center]
الشاعر .. عبدالله الصالح


حينما تكتب لاتكتب لغرض الكتابة فقط .

حينما تكتب لاتنشد غير الإبداع المميز الذي لايشبهك به أحد .

قصيدة أحتوت جميع المشاعر واختلطت بها كل الأحاسيس الصادقة .

قصيدة رغم خصوصيتها إلا أنك لم تبخل علينا بإبداع الوصف والصور الجمالية العذبة .[/align]

[align=center]والدليل :[/align]

[poem= font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العين فيها تجتمع كـل الأضـداد=فيها النهار وظلمـة الليـل فيهـا[/poem]

[align=center]صورة بليغة جداً لايصيغها إلا مبدع .


وبما أنها خاصة لم تنسى أن تقول بطريقة فنية سلسة رااااااقية جداً :[/align]

[poem= font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هي فرحة المحروم في ليل الأعياد=اللي قضى عمره وهـو يحتريهـا[/poem]


[align=center]أبدعت بحق .. وليس جديد فأنت من علمنا الإبداع

وأسأل الله تعالى أن يصلح هيا ويقر بها أعين والديها

وأن يجعلها متبوعة غير مقطوعة

وصح لسانك يالغالي

وتقبل مودتي الصادقة

أخــــــــوك[/align]

[وارث الطيب]

وجهٍ مثل صبح التباشيـر يـزداد
حسنه ونظرات الخجـل تعتريهـا

عبدالله الصالح ... الله يحفظ هيا ويخليها لكل عين ترجيها
الأطفال جنة الدنيا بطفولتهم البيضاء النقية ... كل التقدير لك

[عبدالله الصالح]

المشاركة الأصلية كتبت بواسطة نورة السبيعي.   قصيدة رائعة بروعة الاطفال, وبسيطة ببســــاطة الاطفال, وتلقــائيـة بتلقائيـــة الاطفال, لاهنت وصح لسانك, وبيض الله وجهك .. (والله يحفظ هيــا لكل عينٍ ترجيها, ويصلحها, ويقر بها عين والديها)

الاخت الشاعرة نورة السبيعي


صح بدنك اختي


ولاهنتي


تحياتي وشكري لك ولكلماتك


اخوك

[عبدالله الصالح]

المشاركة الأصلية كتبت بواسطة اسيرالعيون   صح لسانك ياخال ماشاءالله لاقوة الا بالله الله يخليها لأهلها ويجعلها بنت صالحه بارةً بوالديها والقصيده رائعه كروعة هيا ::::::::::::::::::::::تحياتي:::::::

هلا ابو راكان


الله يقبل دعاك


تحياتي

[عبدالله الصالح]

المشاركة الأصلية كتبت بواسطة راعي الأوله   [poem= font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] هذي هيا بنت النشامى والأجـواد=الله يوفقهـا ويسـتـر عليـهـا[/poem] الله عليك يابو مشعل ... صح لشانك وعسى الله يحفظ هيا لعين ترجيها .. وسلمت على هالصوت الحلو ... <<<< تونا ندري عن هالموهبه ...

ابو عبدالعزيز


صحححح بدنك


والصوت ماهوب صوتي ياحبيبي


الله يقبل دعاك


تحياااتي