لا تظلموني - للهنوف .
قصة شعرية غنائية رائعة (من الثمانينات) .
الهنوف :
لا تظلموني يا يبه في شخص ما بيه
كثر المهر ما به فخر لا تجبروني ..
أبو الهنوف:
اخترت لك رجل وفي يا بنت معطية
لو تجتمع كل البشر ما يمنعوني ..
الهنوف :
يا بو لو ضاع العمر وش لون ابشرية
هذي حياتي يا يبه لا تغصبوني ..
أبو الهنوف:
الشور عندي و الأمر و الشخص باغية
عطيت أنا كلمة رجل لا تحاسبوني ..
الهنوف :
بالعمر كبرك يا يبه وشلون أماشية
اكبر جريمه يا يبه لا تظلموني ..
أبو الهنوف:
يابنت رجالن غني و المهر مغليه
و الفقر ما ينفع أبد لو تفهموني ..
الهنوف :
ما همني كثر الذهب ما لي شغل فيه
ابغى السعادة و الهنا لو خيروني ..
أبو الهنوف:
هذا نصيبك و انكتب لو ما بغيتيه
كلمه عطيتك و انتهت لا تحرجوني ..
و تحياتي لكم .