#@ ســجــلـ حــضــوركـ بــبــيــتـ شــعــريـ @#

[بوح القصيد]

لاتسأليني ليه انا عاشق الصمت
في داخلي شاعرتهاوت ركونه
يروح كل الليل سهران مانمت
قلب الشقى ماهيب تمرح عيونه
اسامر الأهات ياما تألمت
بين القصيد الي حزينة لحونه
ياما لقيت من العنى ماتكلمت
اسكت ولو روحي تموت مغبونه

بوح

[حتما ً سأكون]

وحق اللي خلق في داخلي نعمة ‘الـ ش ـوق‘
إني عليك من الولــهـ حــ ي ــــل ضامـــي ....!

**

[المحارب]

وين انت يا هاجسي ﻻ تسري القمرا
نرقى لها قبل ماتنزل مساريها
يوم اسفرت وانورات بخدها نقرا
بيتن كتبته لهها من شان اوحيها

[المحارب]

ﻻ نادمتني وعيني ما تبي مسرا
اجيب ونظم ثمين العقد وهديها

[بوح القصيد]

الشوق في صدري يلجلج هديره
وده يبوح وحارس القلب يكماه
لاجا يسولف بالغلا يستشيره
عن طيش من لا يعرف الحب ينهاه
لان الغرام لقلب عاشق سفيره
يحمل مراسيل المحبة بيمناه
اما عطا المكتوب للحب سيره
والا قصر عن سيرة الحب بخطاه

بوح

[فقيدة امها]

يشدني حبن به العـشـق مامات
ولا مات حبن في خفوق عشقته

اللي بنيته حلم وجروح وآهات
اثره سراب وكل ما ابعدت شفته

[بوح القصيد]

تكتب عيون الشوق والقلب يقرا
من غالي الأبيات حس ومشاعر
قصايد المشتاق من كل سطرا
ويترجم احساس الغلا صوت شاعر

بوح

[المحارب]

يمك هواجيسي تجيبك وتسري
صورة خيالك وين ماروح عندي
شافت هواك وما بعد ضاق صدري
الله يبيحك كان بيحت سدي

[فقيدة امها]

مانسيتك ..
والقلم حبره جمد في ( معاريض ) الخلايق للغرام
انت قلبك يـنكتـب لـھ : يعـتمد
وينكتب لقلوبهم حسب النظام

[بوح القصيد]

انا جفن السهرمره يخم النوم ويفوته
وقلب كل ماهود تذكر بالهوى ناسه
يحرك فيه اشواق بوسط الروح منحوته
تشارك خافقه نبض الحياة وتسبق انفاسه

بوح

[فقيدة امها]

صحيح الوقت يبعدنا ولانقدر نغير فيه
ولكن الوفي يسأل ويذكر طيبة أحبابه

[بوح القصيد]

عسى ماباس ياقلب جريح وخاطره حساس
عسى ماجورياصدر كفيف احلامنا قده
كتبناها لذيذ احلامنا في صفحة الكراس
على بيض الورق نكتب وحبر آمالنا مده
على القرطاس نبنيها آمانينا على قرطاس
وهبات الهوى دايم تهز الحلم وتهده
ولوطاحت امانينامن اوراق الرجالاباس
تزودنا محطات الرخافي ساعة الشده
ولوطالت مسافات الأماني مالحقناياس
نقول الخير والخيرة بها لوطالت المده
بوح

[مذهل]

يالمنتدى مدري وشاللي حدني ارجع اجيك
وادري انا ذك القمر مايدخلك له كم سنه

بس اتخيل ما مضى مابين هذي وعند ذيك
يالله عسى الله يسعده ويرزقه بالحظ اسمنه

[عاشق هملول]

وش هالكون بعدك علمني وش يكووون
وش هي الدنيا بدونك غير صمت وسكون

[المحارب]

كل القصايد لها ما تدري الغدرا
قمرا الليالي تبيها ما تﻻقيها
مكانها فوق نجمن بالسماء نثرا
ازهم بنات الفكر معهنن وناديها