اللي يعرف فغونسيييي يجي هونا

[Sub_Zero]

[align=center]سلاااااااااام ياقماعه

شلونكم عساكم بخير

مباركه عليكم العشر <<<< تراني ماسمعتها اليوم وسرقتها

وبما ان العيد قرب احب اقول لكم

كل سنه وانتو سالمين <<< ماسرقت هذي بعد خخخخخخ




والله اشوف الناس فرحانين ومتشققين بهالعطله الا انا

يعني الحين هم معطينا الااجازه عشان نتعبد في هالشهر الفضيل <<< اي طيب

بس الدراسه ماتخلي احد يتعبد ولا يتهنى لا بعطله ولا بعيد

قسم بنكرف في هالعطله كرف، بحوث وواجبات وشئ يروع
وبعد تراني انرحم حتى اسألوا الصحراويه تقول اني مثيره للشفقه

<<<< تستجدي عطفكم

بس انا هنا هوب طالبه منكم الا تساعدوني بشئ واحد

يعني اللي يعرف فرنسي تكفووووون يعلمني لاني احتاج المساعده في اللغة الفرنسيه قبل اول اثنين من اول اسبوع دراسه بعد العيد

اللي يعرف يرفع يده عشان اعلمكم وش انا محتاجه

<<< الحين هالايكون وشي بالضبط ؟

واذا محدن يعرف علموني بعد عشان اعطيكم بحث في شئ تعرفونه
يعني تخلصونه لي تخففون عني

<<<< اووووت


لاتقولون لي روحي منتديات متخصصه ترا مااعرف
وزد مره قلت لهم يترجمون لي قطعه بالفرنسي وترجموها غلط وتفشلت عند الابلا



يالله اجل اراكم على خير برووح اذاكر عندي اختبار باتسر <<< ولازالت تحاول تخليكم ترحمونها خخخخخخخ

افواغ

[/align]

[منيف المنيف]

هلا وغلا Sub_Zero من زمان وينك عسى ماشر والله لك وحشه في المنتدى
..
ان شاء الله يكون احد الاعضاء في المنتدى تخصصه لغة فرنسيو وياكثرهم وما رايح يقصرون وابشري بالخير
..
بالتوفيق

[شريك المشاكس]

اصيغ لك فغنسي >> يحسب الفرنسية ثرامه


انا جاي بس نشوفتس بلانا مبطين عنتس


وابشري بسعدتس


قولي وش تبين >> اعرف مذيع في قناة فرنسية وطالب في اللغات


في الاحتراء

[Sub_Zero]

[align=center]
مسافر

هلا والله وغلا


يسلمووو خيو وانتم بعد واحشيني



تشكرااااااات مسيو [/align]

[Sub_Zero]

شغيك <<< ماتسوي مثلك

هلاااااااااااا بك

شلونك ياخيي ؟ والله اني داريه مايجيبها الا انت

المشاركة الأصلية كتبت بواسطة   قولي وش تبين >> اعرف مذيع في قناة فرنسية وطالب في اللغات

تقوله صادز ؟

الله مير يفرج لك

شووف ياطويل العمر انا عندي افعااااال ابي احد يترجمها لي ويطلع لي على كل فعل جمله ..
بدخلها بالسكان عشان الافعال مررره كثيره او كان قدرت كتبتها وجبتها

وعندي بعد بروجيكت اني اجيب مواضيع من مجلة فرنسيه .. ادري بتقول سهله بس المشكله اني اخاف اسرق لي موضوع وانا كمخه بالفرنسي بعدين يطلع الموضوع ماله داعي واتورط

<<<< ترا ماتنعطين وجه

هاه اجيبهم والا غيرت رايك ؟

وان شاء الله هوب مقصره معك بدسم شواربك

<<<< وش عندها الجريسي <<< غيرت عن الراجحي حيث ان الناس معلقين عليه الضعيف شكلهم بينضلونه ويطفر

[عبدالله الفـارس]

طيب وش الي حادك تدخلين فرنسي

وبعدين لازم تجيبين الأفعال أنتي بنفسك عشان تفهمين الدروس <<< يا شين اللقافة

الله يوفقك أختي وإن شاء الله تلقين من يساعدك ..

[نـجـد]

يا قلبي يا فرنسي ..

من جد أنا ما خذهـ دورهـ فيه .. والله إنـه بس .. صعــب جدا جدا ..

إذا انتي فنانه بالــ E .. يمكن تفلحين ..

هاهاها طيب شوفي مسلسل ( صياحة صياحة ) وتعرفين الفرنسي على أصووووووله ..<< هع هع هع


ع العموم ما أطول عليك بس حبيت أشارك ...

[^^غيوووض^^]

انوااااع الفضااايح
فشلتوناا مافية احد منكم يفزع للبنت
قصم قصمااااات انكم تفشلووون
ماعليتس منهم سب زيرو اذا ماصدق بوعدوة شريك مشااكس انا بساعدتس
<< --------- بتسوي تسجيل خروج وماعاد راااجعة للمنتدى عشان ماتطلب منها هع هع هع


والله ياخيتي انا ادرس انجليزي ثمان او تسع سنين مااعرف منهم غير
yes
No << ----- لاومشكوك بالاسبلينج حقهم بعد خخخخخخ

علشاان اعرف للفرنسي
ولا مكنش يتعز
حبيت اسلم عليتس لاني من زمااان عندتس << ---- اقول وش تبي ذي من متى المعرفة ؟؟


ان شالله يفيدونك بااقي الاعضااااء

[شريك المشاكس]

شلون الوالد >> ايقونة واحد متوووووهق


والله يا خالتي شوفي


بما اننا زملاء منتدى فالرجال ما ادري عنه هل هي واجده والا لأ .. فبأشرط عليك أني اقول له حل الي تقدر عليه وش رايتس >> مع اني باشب فيه باخليه يحاول فيها كلها بس لو ما قدر الشكوى لله

همين

البجبكت حقتس >> ما يعرف ينطقها

وش تبين الموضوع عنه وعطيني تفاصيل اكثر


ان بغيتي اسدحيه فيذا او بالبرايفت .. وان سدحتيه هنا علميني بالخاص لأني احيانا انسى مواضيع لي انا كاتبها شلون عاد انتي



اكسزمواه

[أموَآج الحَنِين]

اهلييييييييين وصهلين


يا حبنيلس الله يوفقس ذكرتيني بايام الدراسه والكرف والترجمه وعععععععع

الله يعييييييييييييييينك

من كل قلبي,,

انا ابوي وامي يعرفون فرنسيوو

عطيني اللي عندك واذا عطوني وجه


بعطيهم,,

وان لا سرقت كتبهم كلها اساعدك فيها ههههههههه

واذا عندك شي ثاني بعد هاتيه

رقبتي سداده يا خلفهم<--دين هو

بس بالانقلش افضل لي

برايفت*

عفكر تنصحيني ادرس فرنسي؟..؟ امي تقول ادرسي بدال الفضوه بس سحبت عليهم

بس مو جامعه بالمعهد الدوبلوماسي فهل تنصحيننني؟؟

\\\\

أمواج

[Sub_Zero]

الحين شسمه جايه متحمسه بعطيكم الافعال بس شسمه احبطوتني بس ولو بحطها

طيب بما اني جالسه احمل الافعا خنناقش ردودكم

عاشق ديرتي

المشاركة الأصلية كتبت بواسطة   طيب وش الي حادك تدخلين فرنسي وبعدين لازم تجيبين الأفعال أنتي بنفسك عشان تفهمين الدروس <<< يا شين اللقافة الله يوفقك أختي وإن شاء الله تلقين من يساعدك ..

اول شئ انا مادخلت فرنسي انا داخله قسم ماادري وشو يضيع كل يوم شئ غير
يعني اتوقع سباهتي وكماختي بسبب دراستي هاللي مادري وشلون قايله

وبالنسبه اني اطلع الافعال بنفسي اغسل يدك .. انا ارقام وحروف ويالله قدرت عليها بس سالفة افعال وجمل وشغل مدفره هذي اللي ماااقدر عليها

تشكراااااااااااااات خيو

ــــــــــــ

نجد

المشاركة الأصلية كتبت بواسطة   يا قلبي يا فرنسي .. من جد أنا ما خذهـ دورهـ فيه .. والله إنـه بس .. صعــب جدا جدا .. إذا انتي فنانه بالــ E .. يمكن تفلحين .. هاهاها طيب شوفي مسلسل ( صياحة صياحة ) وتعرفين الفرنسي على أصووووووله ..<< هع هع هع ع العموم ما أطول عليك بس حبيت أشارك ...

تصدقين اني احسبتس نجد بنت خالتي بس اني اكتشفت ان بنت خالتي مادخلت دوووره فرنسي عشان كذا تراتس هوب بنت خالتي خخخخخخخخ


وسالفة صعب .. تراه هوب لهدرجه بس بما اني لغتي الاصليه اليابانية اجد صعوبه في التعامل مع الفرنسي

اريقاتو قوزايمس <<< تعلمتس انها تفت ياباني

[Sub_Zero]

8
8
ياكثر هذرتي خخخخخخ



غيوووض

المشاركة الأصلية كتبت بواسطة   ماعليتس منهم سب زيرو اذا ماصدق بوعدوة شريك مشااكس انا بساعدتس << --------- بتسوي تسجيل خروج وماعاد راااجعة للمنتدى عشان ماتطلب منها هع هع هع

خخخخخخخخخخ هذا العشم فيتس .. ياحبي لتس تذكريني بنفسي .. دايما اسوي فيها فزعه واذا جاء الصدق اول من ينحاش انا

المشاركة الأصلية كتبت بواسطة   والله ياخيتي انا ادرس انجليزي ثمان او تسع سنين مااعرف منهم غير yes No << ----- لاومشكوك بالاسبلينج حقهم بعد خخخخخخ

على الاقل طلعتي بشئ .. يعني صرتي تعرفين ترطنين وتقولين يس ونو

تشكرااااااااات خيتو

ــــــــــــــ

شريك النكبه خخخخخخخخخخخخخخخ

المشاركة الأصلية كتبت بواسطة   شلون الوالد >> ايقونة واحد متوووووهق والله يا خالتي شوفي بما اننا زملاء منتدى فالرجال ما ادري عنه هل هي واجده والا لأ .. فبأشرط عليك أني اقول له حل الي تقدر عليه وش رايتس >> مع اني باشب فيه باخليه يحاول فيها كلها بس لو ما قدر الشكوى لله

عارفه هالشعور يعني اني تطق صدرك همين تتورط خخخخخخخخخخخخخخخ

الحين بنزل هالشئ بس الله ياخذهم جيران حايسين الدنيا

بعدين ان تسان فيه احراج وانا اختك ترا مايحتاج شسمه تورط نفسك مع الرجال خخخخخ

المشاركة الأصلية كتبت بواسطة   البجبكت حقتس >> ما يعرف ينطقها وش تبين الموضوع عنه وعطيني تفاصيل اكثر ان بغيتي اسدحيه فيذا او بالبرايفت .. وان سدحتيه هنا علميني بالخاص لأني احيانا انسى مواضيع لي انا كاتبها شلون عاد انتي اكسزمواه

الموضوع عن اي شئ مافيه شئ محدد يعني اللي يطلع معك

بعدين مابي اعلمك بالبرايفت ماودي اذا طلعت لك ذي الوندو وشفتا اسمي قلت ياوالله الدبور خخخخخخ

سانكس خيو

ـــــــــــــــــ

أمواج الحنين

المشاركة الأصلية كتبت بواسطة   انا ابوي وامي يعرفون فرنسيوو

حتى انا امي وابوي يعرفون يتكلمون مصري ويفتون فيها بعد

المشاركة الأصلية كتبت بواسطة   عطيني اللي عندك واذا عطوني وجه بعطيهم,,

يسلمتس ربي .. الحين بحط الافعال

ومثل ماقلت ان كان تقدرين تجيبين لي مواضيع بالفرنسي عن اي شئ اكون لك من الشاكرين

تشكرااااااااات جميعن

[Sub_Zero]

وهذي هي الافعال

اذا ماكانت الصوره واضحه احفظوها وسوو لها تكبير

واذا مره هوب واضحه علموني اكتبها

http://s3bo0olah.jeeran.com/scan0001s.jpg




لا تتروعون اذا شفتوها .. ترا بس اول عمود على اليسار هو الافعال واللي جمبها تصاريفها

بس اللي مسويه عليه هاي لايت هم اللي ابيهم ..

اول فعلين etre و avoir واللي حاطه عليهم اكس ماابيهم


اللي ابيه المعنى وجمله على الفعل مثلا

الجمله راح تكون كذا : Je suis saudainne <<< والله ماادري هي صح كذا او لا



وتشكراااااااااااات سلفا

[شريك المشاكس]

انا ناوي اذب على تعليقاتك قبل ما نشتغل



بس اولن


الصورة مهيب واضحة أبدن


بعدين


تقولين المربع الاول الافعال والباقي تصاريف صح ؟!


يعني ما تبين الافعال الاولى وتبين لكل تصريف مثال ؟!

يعني تبين مثال على فعل الامر والمضارع وتسذا ؟!


ياليت تحملين الصورة بشكل أوضح وتشرحين زين

[Sub_Zero]

هلا شريك

ادري الصوره هوب واضحه لاني مصغرتها .. لان الموقع عيا يحملها الين مااصغرها

بس اذا حفظتها عندك وكبرت الصوره تطلع واضحه ..

على العموم بكتبها الحين وانزلها

....

المشاركة الأصلية كتبت بواسطة   يعني ما تبين الافعال الاولى وتبين لكل تصريف مثال ؟! يعني تبين مثال على فعل الامر والمضارع وتسذا ؟!

لالالالالالا

ابي مثال واحد على كل فعل .. تختار اي تصريف من تصاريف الفعل وتحطه بجمله .. يعني هوب كل تصريف عليه مثال ..

<<< ماادري عاد انا شرحت زين والا لا <<< اخبرتس فاشله بالشرح

وترا هوب لازم تجيب على كل الافعال يعني اللي يقدر عليه

وان جبتا الحل لاتحطه هنا عشان مايسرقون الناس تعبي خخخخخخخخخخخخخخخ <<< اوووت