قصة و قصيدة البنت المقروصة

[المميز]

بسم الله الرحمن الرحيم



القصة


كان في العهد السابق على وقت ابيوت الطين والتعب والشقى كان رجل عنده بنت عمرها 16 سنة

وكانت تشتغل معه في المزرعة وكانت تعاونه في شب النار وتخدمه وذاة يوم قال لها هاتي حطب

فقنت وأخذت السراج وبينما هي تكسر الحطب إذ فلتت كسره من الحطبة وطاح السراج وطفى السراج

فبدأت تتلمس وإذا بداب تقرصها وتوفيت البنت فبكى عليها أبيها وحزن على فراقها

وكان إذا غفة عينه تذكرها وبكى عليها ثم قال هذه الأبيات منقلبه ::::


القصيدة



[poem=font="Simplified Arabic,4,black,normal,normal" bkcolor="transparent" bkimage="backgrounds/27.gif" border="none,4,gray" type=0 line=0 align=center use=ex num="0,black"]
عفى الله عن عين حلى النوم جافيهــا=كراها قليل وذارف الدمع محفيهــــا

إلا قلـــــت الا ياعين زيدي وهـــودي=جرى دمعها الصافي وهلة عذاريهــا

تبين أفروع الصبح ماذاقت الكــــرى=ولا يوم عينن فارق الشوف غاليهـــا

ولا جل يوم أو ليلة ماتعـــــــــــــبرت=عن النوه أعزيها ولنيب قاويهــــــــا

وأنا في رجاء جازل العطاء عالم الخفى=ينصف بحال خافيا الهم باريهـــــا

على نور عيني لب قلبي ومهجــــــتي=تحن الضماير كل ماحل طاريهـــــا

حنين الخلوق عن الذير فاقــــــــــــته=إلاغاب عنها ساعة مايباريهــــــــا

وأنا كيف ماأجزي فصلتن غضتا الصبى=حوريتن حبسان رباً مسويهــــا

نشة بالهدى والدين والحق والبهــــــا=فلو طالت الأيام مانيب نـــــــــــاس

فيها أطبوع كاملاتـــــــــا حميـــــــده=حنينه على الجيران ووصال عانيها

عفيفه نظيفة جيب ماداسة الخطـــــاء=ولاهوجست بالمذهب الإيربيهـــــــا

حسى مابها من خافي العيـــب ذارب=سوا حشمة الوالد فهاذا فهو فيهـــــا

كمل عمرها ثنتين مع عشر وأربـــع=سوا حترمها تسفهه لو يحاكيهــــــــا

خذة هجرة بالبيت عندي قليلــــــــــه=أمانة وخدها الخير الي عطانيهـــــا

فلنب جزاعاً فلاشك ولعــــــــــــــــه=أعرف الأمانة مالها غير راعيهــــا

فيا سامعاً دعواي في مظلم الدجـــــا=تمحى خطاياها وتثبت حسانيهـــــــا

وتجعلهـــــــــا في جنــة الخلد منزل=تقطف ثمر جنات طيبا وتجنيهـــــــا

وتعوظهــــا فيما قصر من شبابهــــا=برضاك ياخلاقها وأنت واليهــــــــا

إلاهي وأدوبــي دعـوتي تستجيبهـــا=على النفس كله من غلاها مبديهــــــا

ألاواتكـدر خــاطري من أفــراقــهــا=ولولا غلاها ماتكلفت رافيهـــــــــــا

سمية أدمـوع المزن في غـبـة البحـر=سوا البنك ما يدرك ثمنها ويشريهـا

وأنا مابي الا يوم يطري سميهــــــا=عفى الله عن عينن حلى النوم جافيها
صلو على ملاء الثى سيد الـــــورى=عدد ماجرا من رايح المزن واديهــا[/poem]

[سعود الخليل]

قصيدة جميلة وقصة مؤثرة بالفعل ...

تسلم يمناك اخوي وادي الجزر على هذا النقل ...

بالتوفيق ...

[عبدالله بن سعود]

أخي .......... وادي الجزر

نعم انها مؤثرة
شكرا لك على هذه القصة


لك كل التحايا

[المميز]

وشكور أخي وادي أبا المياه
و راعي الأوله
و عبد الله بن سعود
على مروركم

[ابو هاج]

مشكور

[المميز]

حياك الله يابو هلجر على زيارتك

[ابو زيد]

حيالله وادي الجزر وما جاب..

وحيالله الربع كلن باسمه...


ترا الشرهة على من مر قبلي وخصوصاً الشياب ..

وادي أبا المياه...وراعي الأوله...ليه ما علموك منهي له..!!


ترا شعر الاولين يضيع والسببن ...أنحن...إذا نقلنا بدون ما ندقق

ونشوف ونسأل...!!


تحملوا صراحتي وجلافتي....فلاح...وابن فلاح....لكن أحب الاولين

وشعرهم وأحرص علية وأخاف..




عموماً هالقصيدة تراها لــــ عبد الله بن علي بن دويرج(رحمه الله)

من قرايا السر توفي حوالي عام 1365 هـ



و قصته موجوده في أحد أشرطة بن شرهان...


ومبهره ومكيفه بس عالاصوووول..(الله يخليك يا بو خالد لعين(ن) ترجيك..!!)


وصحة الابيات كما اظن هي:-



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عـفى الله عن عين حلا النوم جافيها=كـراها قـليل وذارف الدمع محفيها


الـى قـلت الا ياعين هيدي وهودي=جـرى دمعها الصافي وهلت عباريها


تـبين فـروع الصبح ما ذاقت الكرى=ولا لـوم عـين فارقت شوف غاليها


ولا زل يــوم او لـيلة مـا تعبرت=عـن الـنوح اعـزيها ولاني بقاويها


وانـا فـي رجا جزل العطا عالم الخفا=يـلطف بـحال خـافي الـهم باريها


عـلى نـور عيني لب قلبي ومهجتي=تـحن الـضماير كـل ماحل طاريها


حنين الخلوج اللي عن الضير فاختت=الا غـاب عـنها سـاعة مـايباريها


وانا كيف ماابكي طفلتن غضت الصبا=حـوريـة سـبـحان رب مـسويها


نـشت بـالهدى والدين والحق والبها=فـلو طـالت الايـام مـانيب ناسيها


فـيـها طـبـوع كـاملات حـميده=حـنون على الجيران ووصال عانيها


عـفيفة نـظيفة جيب ماداست الخطا=ولا هـوجست بالمذهب اللي يزريها


حـشا مـابها من خافي العيب ذارب=حـذا حـشمة الـوالد فهذا فهو فيها


كـمل عمرها ثنتين مع عشر واربع=حـذا مـحترمها تـسفهه لو يحاكيها


خـذت هـجرة في البيت عندي قليله=أمـانه وخـذها الخير اللي عطانيها


ولانـيب جــزع فـلا شـــك ولـعه=اعـرف الأمـانه مـالها غير راعيها


فـياسامع دعـواي فـي مظلم الدجا=تـمحا جـرايمها وتـثبت حـسانيها


وتـجعل لـها فـي جنة الخلد منـزل=تـقطف جـنا جـنات طيب وتجنيها


وتـعيضها فـي ما قصر من شبابها=بـرضاك يـاخلاقها وانـت والـيها


إلـهـي ودودي دعـوتي تـستجيبها=عـلى الـنفس كله من غلاها نبديها


الا واتـكدر خــاطري مـن فـراقها=ولـولا غـلاها مـا تـكلفت راثيها


سـمي دمـوع المزن في غبة البحر=سـوى البنك مايدرك ثمنها ويشربها


وانـا مـابي الايـوم يـطرى سميها=عـفى الله عن عين حلى النوم جافيها


وصلوا على من لا افترا سيد الورى=عـدد ماجرى من رايح المزن واديها [/poem]



رحم الله بن دويرج وأبنته رحمة واسعة ووالدينا ووالديكم وجميع المسلمين..


لكم كل التحية...



فمان الله,,,



.


..



...

[ســــامـــيـه]

قصيده مؤثره

عسى الله لايفجعنا في

أحبابنا يارب العالمين

[وارث الطيب]

قصه وقصيده مؤثره


ولاهنت ياوادي الجزلر


واشكر لك نقلك لهذه القصه