شاب سعودي قام بتغيير غرفته بنفسه,,,شوفوا واحكموا

ارجوان · 18-07-2010, 09:25 PM

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته

أسعد الله صباحكم ومسائكم ( كلن بوقته )...

اول مره أتجرأ وافكر اسوي موضوع ...

حتى ان بعض الصور الي بتشوفونها كنت بنزلها من ضمن صور بموضوعي الجديد ... يعني ماكنت ناوي اسويه موضوع وانزله عندكم لني حاس انه عادي أولأني ولد ... بس جتني بعض الطلبات والشرهات إني أنزل الموضوع عندكم ...

الموضوع من بدايته ماكان ع البال اني أغير شي بالغرفه لأن مخططين بعد الصيف ان شاء الله
يكون في ترميم كامل للبيت من الداخل .. ومع العطاله الي مسببه لي وقت فراغ كبير جتني فكره
إني أغير وأعدل غرفتي بشي بسيط وغير مكلف وإذا غيرنا وماجازت لي راح تتغير بشي احلى بعد الصيف .. لن كل شي سويته بالغرفه بيدي ومن افكاري

دورت لكم صور للغرفه قبل بالقوه لقيت هذي
7
7
7

نبدأ الحين بحوستي فيها
7
7
7

بدايه الموضوع طلعت كل شي وسحبت الدولاب والسرير بنص الغرفه والتي في معهم
ماقويت اخرجهم
7
7
7

جبت أغراض البويه سطل بويه أخضر فاتح وسطل بويه اسود وسطل بويه بيج خفيف
اخترت الالوان عشوائيه اللون الأخضر احبه والاسود حبيت ادخله بالغرفه لنه يعطي فخامه
وشطرطون ( لزق ) وباقي الشله << ماعرفت إسمها
ملاحظه : البويه يسمونها بوية بلاستك ميزتها مالها ريحه وتنشف خلال 3 ساعات
كل الي تشوفونه بالصوره ماخذها بـ ( 200 ريال )
اللون الاخضر ( 50 ريال ) اللون البيج ( 50 ريال ) اللون الاسود ( 60 ريال )
وباقي الاشياء ( 40 ريال )

محروستكم الست لمار وقفة معي وقفه ما انساها وساعدتني طول اليوم
الصورة دعايه بس ولا وقفتها معي بالسواليف وسعة الصدر

بدايتها جلست العب ويوم حسيت اني توهقت اشتغلت صح

التي في شغال دامنا نشتغل بالجدار البعيد .. طبعا كانت الفكره جدارين باللون الاخضر الفاتح
وجدارين اسوي فيهم خطوط طوليه بالألوان الثلاثه .. اخضر وبيج واسود
كل سطل تضيف عليه علبة مويه ( ابو نص ريال )

خلصنا منه وانتهى الدلع والحين بدأ الجد

سويت نفسي مثل المعلمين وشلت الدريشه ونسيت اغطيها
والناموس دخل وبهذلني بعدين سكرنا عليه يحلفون اني ماخذت جرايد الاسبوع الي راح كله خخخ

بدينا بالجد
بدايتها كانت فله وسعه صدر بعد ماخلصت الجدارين الي باللون الاخضر
بديت بالجدارين الباقيه والي عليها الكلام والتعب
مع الوقت بدأت اللخبطه والبويه لماتخرب وتخش من تحت اللزق
خاصه اللون الاسود لنه ثقيل
وصرت اشتغل بالفرشه الصغيره لما يصر لي مشكله
واللزق مافكه الا لما ينشف العمود بعدين اضرب العمود الي جنبه

مدري عاد بتفهموا شلون كنت اشتغل الخطوط كانت عشوائيه وحاولت اني ما أكثر اللون الاسود وعطيه عمود كبير عشان لايكثر ويصير كئيب

نلعب

بدينا باللون القلق الاسود تعبني مره بصراحه .. راح تشوفونه بالاخير لما اكتمل الجدار

شوفوا كيف كئيب

خلصت الجدار الأول ويوم جيت للجدار الثاني وانا ماعاد فيني حيل
فكرت وجت ببالي فكره اسهل وأحلى وقلت مادام الجدار هذا فيه بيكون التي في + ان فيه جهة الباب
مايحتاج اسويه مثل الي مقابله وفكرته اسوي من اليمين 3 أعمده طالعه من تحت
ومن اليسار 3 أعمده نازله من فوق

كذا بس لسى ماكملت راح تشوفون وش سويت

هذا الجدار الأول بعد ما اكتمل وحطيت السرير ورجعت الدولاب

وهذا الجدار الي فكرته جت بالوقت الضائع بس ماطلع خساره هنا بعد ما اكتمل

كذا تقريباً خلصنا وكل شي بالنسبه للبويه طبعاً في شي مدري إنتبهتوا له ولا لا
الدولاب والسرير كان فيهم لون اخضر غامق ضربته بويه سودا
والي عليه التي في بعد ضربته بويه ( كان رفوف للكتب ) ولونه بيج نفس لون الدولاب
طبعاً شريت فرشه للأرضيه( 250 ريال ) وإضاءات من ايكيا ( 130 ريال )
2 بالسقف ووحده قاعده بالارض ولوحات لزوم الاعمده الي سويتها ( 100 ريال )
والستاره الي للحين مو مقتنع فيها كلفني العازل ( 100 ريال )
والستاره الخيوط ( 60 ريال )

هذي نهاية شغلي بغرفتي والشغل أخذ من وقتي يوم واحد بس
حتى شوفوا اللوحه الي جنب المكيف طبعت إيدي بالبويه الخضرا والاسود على لوحة قماش
وحتى الجره ضربناها بويه لو مامسكوني اهلي ضربت نفسي بويه
وكل الي كلفني بتعديل الغرفه ( 850 ريال فقط ) + شغل إيدي
ما أخفي عليكم يمكن ماتميزت ببعض التفاصيل الي تكون لازم متوفره بغرفه النوم
بس إنتوا عارفين ألزم ماعلى الولد فراشه وراحته والغرفه صغيره !!
والي سويته مجرد تغيير جو وتضييع وقت وبنفس الوقت توفير فلوس
وحبيت يكون كل شي بيدي وبتفكيري << ذليتهم بذا الشي

ماشاء الله تبارك الله يا الله ياشباب الهمه وضفوا خلاقينكم مانبيكم تكومونها وتعالوا يابنات شيلوها

هذا اللي نبيه ,,والبويات والتعديل شي راجع لكم ..فديييتكم
م/ن

يوسف الجبري · 19-07-2010, 03:38 AM

بيض الله وجهك ووجهه

شكرا لك

حنين الذكرى · 19-07-2010, 01:52 PM

وعليكم السلام ورحمة الله وبركاته
إبداااااااااااااااع لاحدود له
سـلمت أناملك لهــذا النقــل الرائع ,,
طـرح متميز وجهودك واضحه غـاليتي.|~
رَبِي يَعْطِيك الْفّ عَافْيَــهْ .|~
لـَاعَدِمْنـا جَدِيدِكْ..|~
بشغـف ننتظر ..|~ طروحاتك ..!
وفقك الله لما يحبه ويرضــاه |~

روحها ساميه · 19-07-2010, 02:28 PM

.
.

خطيـــــر وذوق ماشاء الله تبارك الله ..

الله يعافي الفضاوه اللي خلته مبدع

بس من جد له مستقبل في تصميم الديكورات

يعطيك العافيه ارجوان ولا خلينا من الزين

^_^

بئآ تسذآ · 24-07-2010, 06:42 PM

خطيييييييييير ماشالله تبارك الله

شرايك تجي تصلح غرفتي

Bsmat 5jl · 24-07-2010, 06:55 PM

والله انه رااايق*...
بس روووووووووعه,,,
يعطييييك العاااافيه*...

أحلام طفله · 24-07-2010, 06:59 PM

مشكوووووووووووووور أختي على الموضوع الرائع تقبلي مروري أختك :أتعبني رجتي

حياة وردية · 06-08-2010, 12:01 PM

وااااااااااااااااااااااااااااااااااااااااااااااااا اااااووو

رووووووووووووووووووووعه ما شاء الله تبارك الله ابدااااااااااااع × ابدااااااااااااع

يعطيك الف عاااااااافيه ...