مرقة ( فطور ) و كبسة ( غداء ) على دخيخلات استمتع بالمشاهده

[ايمن العامر]

اولاً الحمدلله الذي يسر لنا هذا الرزق
والشكر موصول لكل الشباب اللي ماقصرًو وبيًض الله وجيهم

الصور ابلغ من الكلام

الحمد لله كان الصيد جيد في الصبح

بداية النتف وماشاءالله العيال ينتفون بكل امانه ياحبيلهم والله



وحنا جالسين ننتف الطيور الا والله ويجينا ضيوف غالين علينا مسيرين



وانا الزًم عليهم يقلطون معنا

بس تسن الدخل نقص لا بعد ناحره الدخل المنتوف تعرف والله هههههههه



هذا للفطور



وهذا الباقي للغداء طبعاً لابد من التكملة زياده العدد



ياقلبووووووش ( مربربه ) هههههههه



وهذا مكان الفطور



تقطيع البصل للمرقه ( بس ماطاعني اقوله كثر البصل يقول يكفي ) بس الله يجزاه خير منصح بالتقطيع



بعد ماهذًا البصل والطماط



لاتعليق ( اترك لكم التعليق )




ياسلام والله وصار شماغي بيز بس يالله علشان هاللي بالقدر



عاد جاء دور الغداء الحين

الطيور بعد النتف واخراج الكروش ( علشان مايصير فيهن مروره ) <<<<<< يارجال اسرع للأكل



اوووه الحمسه والريحه شي ثاني خاصه للدخل



شبً عليهن تكفى ترانا ميتين جوع


ياسلام اهم شي اللومية ههههه <<<<< لاتدققون بالريش لاننا ميتين جوع ونبي نخلص



يازينهن وهن يتطابخن بالتسدر



يازين تستست الكاتم ولا خابر وش اللي بوسطه



ايه عاد على بال مايخلص الغداء جاء خالي العزيز ( مسوي 55 فاكهة ) وقال ابسويلكم عصير ليمون تخبرون الشمس لاعبه فينا لعب



وانا كل شوي رايحن للتسدر اتحرى





الله توه يحط الرز يعني بعد اصبر لك اقل شي ثلث ساعه



اول ماخلصت ثلث ساعه الا وانا اطمر للمطبخ واقول للعيال هاه خلصت الثلث قالو طيب الله يبلشك بلاء



بغت تطيح الكاميرا



واخيراً جاء الفرج وينتسبون الغداء حتى شف سريع سريع مافي ملاًس ولا شي



عاد هينا وقف غداء وكبسة دخًل ومافيه ببسي ( محثرب ثلج ) والا موب غداء

يازين هالصوره والمنظر انا ماقدر اقاوم ابد



بصراحه مادري شلون صبرت وجلست اصور



والنتيجة معروفه وكالعاده ( غبار ) ههههههههه قلب حسن كراني



اللهم لك الحمد والشكر
(( الحمد لله الذي أطعمني هذا ورزقنيه من غير حول مني ولا قوة ))

اتمنى انكم استمتعوا بالمشاهده والحضور هنا

والى اللقاء

وكل عام وانتم بخير

[ابو عبد العزيز]

ماشاء الله تبارك الله تقرير رائع وفطور وغداء يفتح الشهية عسى مداخيله العافية شكرا لك اخي ايمن العامر

[نهآية حلم]

عووافي

[عبدالكريم الوكيل]

الله يرج ابليسك بلا حسيت انك منكرش من أول ماطلعت معهم

بصراحة استمعنا بكل جزء من هالصور اللي تفتح النفس

وجعله محل مايسري يمري

ويعمي عنكم عيون خلقه

ننتظر جديدك في القميري

تقبل مروري

لك مني تحية ,,,

[المهرة]

يجعله بالعافيه عليكم يتحدر ولا يتكدر

[سمحة الخاطر]

ماشاء الله

كشته خطيره

الله يعطيك العافيه

[ايمن العامر]

المشاركة الأصلية كتبت بواسطة ابو عبد العزيز   ماشاء الله تبارك الله تقرير رائع وفطور وغداء يفتح الشهية عسى مداخيله العافية شكرا لك اخي ايمن العامر

الله يعافيك يابو عبدالعزيز

حياك الله ولاهنت

[رنا ()]

.
مــا شاء الله تبارك الرحمن ..

‘‘أيمـ ـن العامر‘‘

بارك الله فيك أخي الكريم ...!
تغطية رائعه وجميلة ...!
عافاكم الرحمن وجمعكم في جنانه ...!

في حفظ الله ...!

[ايمن العامر]

المشاركة الأصلية كتبت بواسطة وسآم البراءه   عووافي

الله يعافيك يارب

شكراً على هالتواجد

[ايمن العامر]

المشاركة الأصلية كتبت بواسطة عبدالكريم الوكيل   الله يرج ابليسك بلا حسيت انك منكرش من أول ماطلعت معهم بصراحة استمعنا بكل جزء من هالصور اللي تفتح النفس وجعله محل مايسري يمري ويعمي عنكم عيون خلقه ننتظر جديدك في القميري تقبل مروري لك مني تحية ,,,

لا ماعليك يابو محمد بس اني صايرن بثر بحزه الغداء <<<<<<<<< ميت جوع لاتلومني

عسى الله يجيبه التسميري وابشر والله بسعدك

لاهنت على هالتواجد

[نورالشمس]

احلا لمه لمة الحبايب على الطعام
في العافيه....وصحتين.

[سليمان الراشد]

ايمن العامر
ماشاء الله الصور من جد اليمه

[سعود الخليل]

ماشاء الله تبارك الله ..

يامال العافيه اخوي أيمن ... تقرير كايف ويوسع الصدر ..

ياعله بالعافيه على قلوبكم ....

[يـــزيـــد]

السلام عليكم

الله يعطيك العافية اخوي ايمن

وجعله بالعافية شغل مرتب

مره ثانيه اعزمنا ياحبيبي

[ايمن العامر]

المشاركة الأصلية كتبت بواسطة المهره   يجعله بالعافيه عليكم يتحدر ولا يتكدر

الله يعافيك يالمهره
الله يجزاك خير

شكراً للحضور