قصة وقصيدة للشاعر إبراهيم المزيد رحمه الله(الباب)

[سعود الخليل]

الشاعر إبراهيم بن زيد المزيد رحمه الله من الشعراء البارزين في منطقة سدير توفي رحمه الله قبل عدة سنوات وقد تجاوز عمره المئة عام . عرف عنه الكرم فباب بيته دائماً مفتوح خصوصاً عندما إنتقل للرياض فصار أهل سدير ينصون بيته كل ما راحوا للرياض وكان الباب دائماً مفتوح .. وفي يوم من الأيام وعندما كبر به العمر جلس يفكر في حال البيت عقب ما يموت ووش يبي يصير في باب البيت وأن العيال يبي يبيعون البيت او يصكون الباب عقبه ..! وهذا ما هيضه رحمه الله وقال هالأبيات يتوجد على باب البيت من عقبه فقال رحمه الله :

[poem=font="Simplified Arabic,4,black,normal,normal" bkcolor="burlywood" bkimage="" border="double,4,sienna" type=0 line=0 align=center use=ex num="0,black"]
ياعزتي للباب من صكة له = من عقب ما تركز عل النصايب
مافي عيالي واحدٍ فزعة له =إلا وقف تذرى عليه الهبايب
من عقب يوم ان النشاما تدله = خلوه مجناب سواة الخرايب
الباب يشكي عقب عزه مذله=ياباب لا تشكي وأنا عنك غايب
لومك على اللي باعوا البيت كله =كلٍ خذا قسمه وخلوك سايب
بعض العيال إذا ظهر ما تمله=وبعض العيال لوالدينه عقايب
خسارة تغذاه خله لعله=يبقى على الدنيا كثير المصايب
لا مقلطٍ سفره ولا شال دله=ولا مع اللي ينطحون النوايب
لعل من يبكيه رمحٍ يشله= على عروق القلب بين الترايب[/poem]

ولكن عياله استمروا على نهج والدهم رحمه الله وبقى الباب مفتوحاً حتى اليوم وبيته رحمه الله في الرياض في حي المصيف .. ولذلك علق الشاعر محمد بن صالح الحسينان على قصيدة ابراهيم المزيد رحمه الله ويذكر فيها حال الباب عقب موت الشاعر وانه بقى على حاله وان العيال صاروا مثل أبوهم :


[poem=font="Simplified Arabic,4,black,normal,normal" bkcolor="burlywood" bkimage="" border="double,4,sienna" type=0 line=0 align=center use=ex num="0,black"]
بيتك يابو خالد صحابك تدله=الباب مفتوحٍ ولا هوب سايب
من عقبكم باقي ولا فيه خله =ربعك يعودونه ولا غاب غايب
البيت باقي فيه فرشه وزله=واليوم صار الملتقى للحبايب
من عقبكم ماكن شيٍ حصله=البيت عامر مدهلٍ للقرايب
خالد مع اخوانه عماره وظله=كلن يقوم بواجبه والنوايب
لاغاب واحد سد الآخر محله=سفرتك ممدوده عليها الوجايب
البن والشاهي على النار كله =ودلال رسلان بها الهيل رايب
الباب صارو كله فزعة له=من يوم ما ركزة عليك النصايب [/poem]

[ذيب سدير]

مشكور يا راعي الاوله على طرح هذه القصائد الرائعه لهذا الشاعر الفحل ..
يامال العافيه ..

[poem= font="Arabic Transparent,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الباب يشكي عقب عـزه مذلـه ياباب لا تشكي وأنا عنك غايب[/poem]

الله الله ..

[سلطان العضيدان]

راعي الأوله


أختيار موفق ,, لشاعر كبير ,, امتعنا بالشعر والادبيات الرااائعة ...


ولا ننسى قصيدته الخالدةاللي يقول فيه :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لقيت الناس ما منهم سلامه= لزوم يلحقك منهم ملامه
ولا تحسب حلالك لو تبيده= يبي يحماك عن هرج الفدامه
بذرت الجود فيمن لا جزاني=سوى ذم إلا هبت ولامه
حقود القلب نقال الوشايا = هذور سهمته نقل النمامه
إلا منه طرى له ما طرى له = تكلم ما يثمن وش كلامه
يقوله يزعم إنه مازح به = وهو ينقض ويفتل في عدامه
دخيل الله من خطو السملق = إلا بالهيذوان أطلق لجامه
ألا ليت ربي يوم سوى = عبيده حط للطيب علامه
على شان الذي بالناس جاهل = يعرف الحر من برق الجهامه
لجل بالناس شيطان ملبد = ولو لوى على راسه عمامه
يغرك بالسلام وبالتحفي = وهو شيح وجثجاث طمامه
مثل هذا تحذر منه جدا = ولا تدني منامك من منامه
وبعض الناس في ممشاه رابض = يختل الناس في قل إهتمامه
وبعض الناس يبدي لك نصيحه = ولكن ما تعرفه وش مرامه
وهو ما مقصده نصح ولكن = يبي يلبسك للحاجه خطامه
وإلا منه قضى بك ما يريده = أخذ سده وضربك المهامه
وبعض الناس يوري لك محبه = وأرق من البريسم في تمامه
إلا قام يتمسكن بالتلفظ = تقول أطهر وأصح من الحمامه
وبعض الناس محمود السجايا = رقى العليا بعزمه والتزامه
إلا منه بدى لك فيه لازم = قضى لازمك ما ثمن حطامه
كمنه وافي في كل خصله = عريب الجد خاله من عمامه
اسال الله يرفع كا خير = عن الخذلان لا يهفي مقامه
قضى نظمي وما لاق بضميري= حلات القيل مبداته ختامه
أقول الناس مشكاهم على الله = لزوم يلحقك منهم ملامه [/poem]

[سعود الخليل]

حياك الله اخوي ذيب سدير ...

والف شكر على مرورك وتواصلك ...

[النبع]

راعي الاوله صح لسانك ورحم الله الشاعر 0 مشكور وبارك الله فيك وماقصرت 0
والشكر موصول للاخ الغالي راعي الغاط على الاضافه الحلوه وفق الله الجميع 0
اغلا التحايا وازكاها من النبع 0

[سعود الخليل]

أخوي راعي الغاط ...

حياك الله يالغالي .. والف شكر على إضافة هذه القصيدة الرااائعه للشاعر ابراهيم المزيد رحمه الله ...

[( عابرة سبيل )]

/
\

رحمه الله وغفر له
قصائد متزنه رائعه بارك الله فيك وفي طرحك اخي الكريم
سلم لنا عطائك الراقي

[بنت الأمس]

رحم الله شاعرنا ابراهيم

وصح لسان محمد الحسينان

راعي الأوله

يعطيك العافية لروعة اختيارك

[فهد المنيع]

اعجبتني قصايده تحس فيها معاناة وصدق ..



الله يعطيك العافية راعي الاوله

[بنت السعوديه]

الله يعطيك العافيه

[سعود الخليل]

النبع ..


دمعة ألم ..


عبيرا لحب ...


حالم ليل ..


بنت السعودية ..


الف شكر لكم على تواصلكم .. وعذراً عن التأخر في ا لرد ..