| من مذكرآت صبآي |

[أبوإبراهيم الشويعر]

المشاركة الأصلية كتبت بواسطة غـــرور   شيفة عنيفة ؟!!أول مرة احد بحياتي يقولها لي مصدومه أنا

بسم الله عليك ...
ياما روعتيني و كخيتِ عليِّ وياما تدربيت مع الدرج من كثر ما تدزيني وياما عكرفتِ لي ... وانصدمتِ بكلمة ...
تكبر الحرمة و تكبر معها شرهتها .

[غـــرور]

المشاركة الأصلية كتبت بواسطة أبوإبراهيم الشويعر   بسم الله عليك ... ياما روعتيني و كخيتِ عليِّ وياما تدربيت مع الدرج من كثر ما تدزيني وياما عكرفتِ لي ... وانصدمتِ بكلمة ... تكبر الحرمة و تكبر معها شرهتها .

أبو إبراهيم سوري فيه بعض مصطلحاتك ماأفهمها كخيت يعني كيف؟!!

[أبوإبراهيم الشويعر]

المشاركة الأصلية كتبت بواسطة غـــرور   أبو إبراهيم سوري فيه بعض مصطلحاتك ماأفهمها كخيت يعني كيف؟!!

كخَّ يكخُّ كخَّا أي يقول : ( كخ ) بحيث يترصد لك وحيد ورا جدار وإلا في سكة ظلما ثم يطلع في وجهك فجأة ويكخ عليك ليخيفك و يغرف قلبك ... كالصوت الذي يصدر عن القطط إذا تلاقطت و تهاوشت ...

[غـــرور]

المشاركة الأصلية كتبت بواسطة أبوإبراهيم الشويعر   كخَّ يكخُّ كخَّا أي يقول : ( كخ ) بحيث يترصد لك وحيد ورا جدار وإلا في سكة ظلما ثم يطلع في وجهك فجأة ويكخ عليك ليخيفك و يغرف قلبك ... كالصوت الذي يصدر عن القطط إذا تلاقطت و تهاوشت ...

أها يعني قطة أنا؟!! لا قل انك تقصد اني قطة

[أبوإبراهيم الشويعر]

المشاركة الأصلية كتبت بواسطة غـــرور   أها يعني قطة أنا؟!! لا قل انك تقصد اني قطة

لا يؤنث القط بتاء تأنيث مربوطة ولم ترد في اللغة كلمة ( قطة ) وإنما يؤنث على ( هرة ) ...
تقدر تفيدك أم صعرور بمثل هذا ؟

[قلم صريح]

هو من يوم حطوه كاتب مميز وهو مغير يكالخ علينا , بس نسى أنه يناقش عضو رائع ,
ثمن أنت ياشخينا أبوأبراهيم تعترف أنك ذاك الولد اللي يروح من بيت عمه إلى بيتهم من ورا محطة الببزين يدقها مشوار خايف من تربيطة عمود الكهرب و تجي تتشجع علينا , لوني منك كان سويت نفسي مادخلت المنتدى يقالك مشغول و أقرا على الصامت بدون تسجيل , أنكشفتا و أنتهينا , خلنا نكمل القصة ,

[أبوإبراهيم الشويعر]

المشاركة الأصلية كتبت بواسطة قلم صريح   هو من يوم حطوه قلم مميز وهو مغير يكالخ علينا , بس نسى أنه يناقش عضو رائع , ثمن أنت ياشخينا أبوأبراهيم تعترف أنك ذاك الولد اللي يروح من بيت عمه إلى بيتهم من ورا محطة الببزين يدقها مشوار خايف من تربيطة عمود الكهرب و تجي تتشجع علينا , لوني منك كان سويت نفسي مادخلت المنتدى يقالك مشغول و أقرا على الصامت بدون تسجيل , أنكشفتا و أنتهينا , خلنا نكمل القصة ,

يا بعد تسبدي أنت طلبت مني أكون شجاعًا و لعيناك اعترفت ...
كمِّل القصة ... بس لساني يحكني فاعذريني لا خطمت عليك في السالفة أمون عليك و غصب رضيتاااااااااااا و إلا ما رضيتاااااااااا ... إن ما منت عليك فعلى من يا بعدي ؟
كمِّل القصة .

[قلم صريح]

إعترفت : هذه موافقة خطية أجيب سالفتك معها وش سوت بك ,

[أبوإبراهيم الشويعر]

المشاركة الأصلية كتبت بواسطة قلم صريح   إعترفت : هذه موافقة خطية أجيب سالفتك معها وش سوت بك ,

إيه ياليت خل نرجع بالذاكرة ورا ... بس هاه المحظور محظور وأنا أخوك يعني لا تدخل في المسببات خاصة اللي خبري خبرك تعرف وقتها ما بعد وصل سدير البامبرز .

[وَدْقْ ,]

ام صعرور هذي حتى واهي بعيده عن المنتدى خلت العالم تتهاوش ,

كمِل ياقلم صريح ,
,
على فكرة راح نقفل سالفتها ايام العشر الاواخر .
.

[قلم صريح]

أبو أبراهيم أنا إذا قلت ماقدر أخفي شي , تدري خلها الين نسجلها في فلم وثائقي ,
و أنتي يازخات أدام الله ظلالك , مدري ليش جالسين في الشمس الربع هذوليك ؟ , أقول أنتِ بس تأ أمرين علينا , كملوا وقفوا , علشانه موضوعك بازتن علينا فيه ترا نحط موضوع أخر و نسميه " أم صعرور الأصلي " على طريقة هذوليك يوم تطاقوا , أها ؟

[وَدْقْ ,]

ايه ببزبه وبوقفه ايام العشر على كيفي ، لازم نعتكف ونشد عزمنا اكثر فالعبادة وكذالك ام صعرور تحصلها معتكفة ،

عاد مايحتاج ليلة العيد تسولف لنا عن عيدها كيف تتعيد تحمست كيف العيد معاها ..

عاد ماوصيكم لو صمم قلم يكمل زاعلوه ايام العشر ..

.

[ضياء الفجر]

اعوذ بالله من الانفس الشينه
كلن ماله الا علمه وكلن يلاغي لاااا إله الا الله .. ام صعرور يوم تناقرت هي والجن تصرفت بتأتي وحذق وبعد نظر والله احسن منكم ،
غرور الله يسعدك قولي آمين غدت اعجمية وكلشن ماتعرفه كله من الكوله
ولا يهمك انتي صديقتي واعرفك زين هذا عصرك ولا شهدتي غزوات ام صعرور ولا تدري هي عنك، بس جعلك في جنات النعيم تكفين لا تجحدين اللغة
وزخات بننطيج الخُمس لو اي شي تريدينه بس لا تسكرينه وتسوين طبرجة أكو حجي لوتي هني

ام صعرور لهالحين تفخ؟

[قلم صريح]

يعني ياسعادة المدير اليوم أخر شئ أكيد , يعني هذي أخر حلقة في رمضان ,
و ضياء الفجر من الأنفس الزينه و لله الحمد مثل البقية و أنا أولكم ,
*****
هي جت عقب المغرب علشان تنام ذات يوم مالقت الا سكني واحد ينفخ و يناظرها من تحت لتحت تقول الظاهر إنه يدعي علي , على الأقل خليتهم يعرفون إن فيه أدمي مايخاف منهم " أما هي عاد أدميه ؟! " و اكثر من كذا قدر عليهم , قاعدة تزمر علينا مثل بعض الناس , تقول كني ماشفته و دخلت الغرفة و نمت نومة الطفل البرئ , هي كثرتها كثير , أدميه و طفل برئ و للأسف حويلان ماتحمل هالكلام الظالم للبشرية , قال لها و هو في غيبوة القهر , " عاد أنتي و صعرورك " بس هي تلك الجملة الشجاعة منه , الا ذيك الصنه في جبهته اللي سمعها جيل حويلان العاشر ,,
نشوفكم عقب ارمضان و حنا و انتم بصحة وسلامة ,

[غـــرور]

المشاركة الأصلية كتبت بواسطة ضياء الفجر   اعوذ بالله من الانفس الشينه كلن ماله الا علمه وكلن يلاغي لاااا إله الا الله .. ام صعرور يوم تناقرت هي والجن تصرفت بتأتي وحذق وبعد نظر والله احسن منكم ، غرور الله يسعدك قولي آمين غدت اعجمية وكلشن ماتعرفه كله من الكوله ولا يهمك انتي صديقتي واعرفك زين هذا عصرك ولا شهدتي غزوات ام صعرور ولا تدري هي عنك، بس جعلك في جنات النعيم تكفين لا تجحدين اللغة وزخات بننطيج الخُمس لو اي شي تريدينه بس لا تسكرينه وتسوين طبرجة أكو حجي لوتي هني ام صعرور لهالحين تفخ؟

ضياء حتى انتي في كلامك شيء مافهمته غيرتي اللهجة وتوقف التفكير..

يلاغي بمعنى إلغاء من الازالة؟!
تناقرت بمعنى ان هناك مخلوق لديه منقار هل كانت ام صعرور من ذوات المنقار؟
تصرفت بتاتي يعني بتأني وروية .. أليس كذلك؟
بننطيج هذي عاد سوتلي أزمه وشد عضلي بالمخ !!
وش معنى حجي لوتي؟!!
وأنا أقولك لدعواتك آمييييين ولكِ بمثل, ماجحدت اللغة بس اعلمكم اني أعرف أتكلم مثل الاستاذ فيصل