كنت اقول ان ضاقت الدنيا توسع

[عبدالرحمن بن سعد]

السلام عليكم ورحمه الله وبركاته
صباحكم ومسائكم
خير وصحه وسلام

قصيده دائماً ماارددها
لا اعلم من قائلها
ولكن تلامس احساسي
واحببتها
اتمنى ان تحوز على رضاكم
تفضلوا



كنت أقــــــــــــول إن ضاقت الدنيــــــــا توســـــــــع
وأتساءل ليه ضاقت في عيونــــي هالوسيعــــــــه
لين شفت الخافق اللي حب مـــن جـــــــــــد وتولع
. يحرمه وقته ووقته صارت أحــزانه طبيعـــــــــه
منحرف حظي واعرفه طول عمــره ماتسنــــــــــع
من عرفت الحب قاسي والهوى هذا صنيعــــــــه
ياحبيبي حط يدك فـــــــــــوق هالقلب وتسمــــــــع
بس لاتسأل دخيلك ليه دقاتــــــــــــــه سريعـــــــه
يوم شفتك والحكي عيا يجــــــي مدري تمنـــــــــع
والسكوت اللي ملا الدنيا مرافقنــــــي جميعــــــه
يوم شفتك داخــــــل عروقي نما عشق وتربـــــــع
يوم شفتك والحياه القاسيــــه صارت بديعـــــــــه
كيف أعيش وبعدك أنفاسي بها مــــــــوت تمتــــع
كيف وأحلامــــي غدت دونك كوابيس شنيعـــــــه
والحزن آآآه يالحزن فينـــي به الخافق تشبـــــــع
لين حملنـــــــــي تناهيد وحمل مااستطيعـــــــــــه
آه من قلبــــــي وأنا اشوفه مع الوقت يتقطـــــــع
. يامر عيوني تهل الدمع وعيونــي تطيعــــــــــــه
لوبقول إني بموت إن غبت يمكن مااتصنــــــــــع
دامــــــــه غيابك لــــــــه آلام ولوعات فظيعــــه
وأنت فــــــي بالك فراقك يـــوم عادي مــــا يلوع
أما أنا حاسب فراقك يوم من عمري فجيعــــــه
ماتعبت..! إلا التعب ظلــــــي ولدروبي تطـــــــوع
والزمن يحفر مسافاتـــــــي غرابيل وخديعــــــه
والذنوب اللي معي نبض مـــــن اللوعـــه تجزع
والخطا عشقي ولكن ما لقـــى له من ذريعــــــه
والعذاب اللي من اهواااله قفص صدري تصدع
ما نزع روحي من ضلوعي ولا اخذها وديعـــه
مستحي من حبك اللي ضمـــــه الصـــدر وتنوع
مدري شفت إن الهوى فيني له سدود منيعــــــه
وانت عشقك غير كل العشق لو ربعه تـــــوزع
كل واحد ماعشق قلبه يبي يصبح صريعــــــــــه
عاد (تدري) لو هــوى كل الخلايق لك تجمـــــع
مايجي ذره مــن إحساسي مدام إنك شفيعــــــه
يازماني دامني مااقوى علـــــى عنادك تشجــع
وإرسم جروحي وأنا باشكي على رب الشريعه
يالله اني طالبك مــــــن قلب صادق ويتضـــرع
لا يجي بيني وبينه بعد وفــــــــراق وقطيعــــــه
يالله إنـــي طالبك وإن ضاقت الدنيا توســـــــــع
لين تفرج والحياه تصير بوجـــوده وسيعــــــــه
.
.
امين

م ن

تقبلوا احترامي

[رحيق الياسمين]

كلمات رائعه
أخوى عبدالرحمن
لاهنت على النقل المميز

[عذبة الصفات]

سلمت يمنآك وسلم لنآ ذوقك

[عبدالرحمن بن سعد]

شكراً على المرور

وربي يحفظكم

[عبدالعزيز العمران]

يالله اني طالبك مــــــن قلب صادق ويتضـــرع
لا يجي بيني وبينه بعد وفــــــــراق وقطيعــــــه

يالله إنـــي طالبك وإن ضاقت الدنيا توســـــــــع
لين تفرج والحياه تصير بوجـــوده وسيعــــــــه


***

اللهم آمين .. اللهم آمين ..

إلا الفراق والقطيعة فهي العدو اللدود للمحبين ولكل شيء جميل في الحياة

ما أقسى لوعة الفراق بين الأحباب أياً كانت طبيعة العلاقة بينهم ..

شكراً لك من القلب أخي الغالي الأستاذ القدير عبدالرحمن بن سعد

فقد أسعدتنا كثيراً بهذه الرائعة التي جلبتها لنا بإحساسك المرهف

تقبل أجمل تحيات أخيك عبدالعزيز .

[علي القديري]

تسلم يمينك والله لايهينك

تحياتي

[بدر ولد ابراهيم]

قصيده ولا اروع تسلم يمينك على النقل المميز

[عبدالرحمن بن سعد]

بيض الله وجيهكم على المرور الطيب

والف شكر لكم

ويااستاذنا وحبيبنا واخو الجميع عبدالعزيز العمران
الله يهديك انا مازلت طالب
وانت المعلم لنا
فاانت للتواضع عنوان وانت الوافي مع الجميع
وانت من يحيي المحبه بيننا
وانت في نظر الاحباب والد واخ ومتأكد ان الجميع يحبك بأذن الله
ولا هانوا الجميع في هذا المنتدى الغالي

يسرني تواجدك وافتخر به

في حفظ الله للجميع

[خفوق إنسانة]

متذوق شعري متميز باختيارك للقصائد
بإنتظار القادم منك ..
مودتــــــــي ..

[عبدالرحمن بن سعد]

شكرا على مرورك

[عبدالرحمن الفهد]

حب وفاء
شوق وغلا لكل متميز ومبدع في مواضيعه

قصيده جميله أبدعت حين اخترت

كل الحب والوفاء لك .