قصيدة عن الصديق

[نور الأصايل]

يا صعب والله ما تحصّل لكْ بهالدنيا صِديق
تزرع كثيره للأسفْ ياقلّ ما تحْصّل ثَمر

بعض العرب صداقته من وين ما جيته يطيق
اليا نصيته فزّ فيكْ وقال تآمرني آمر

لا قال كلمة تمّها والا اعتذر عذرٍ يليق
اليا وقف وقفة بطل وإن هدّ هدّأة نمر

وبعض العرب صداقته ما هي على طول الطريق
يقطع صداقة واحدٍ تقول شايل لك جمر

أما الرفيق اللي يلوذ اليا تنصّاه الرفيق
اضرب على علاقته اكسين بالخط الحمَر

وش لك بلحْية خوةٍ تمشي على خيطٍ رقيق
مادام ما هِي خوةٍ تبقى على مرّ العمر

ياهيه ياللي مستوي عندي زفيره والشهيق
إن جيت أردّ أخشى الندمْ وليا سكتْ أدهى وأمرّ

ماني مفرّح شرذمة ولا مزعّل لي فريق
الصبر مفتاح الفرج والسوسْ ما ضَرّ التمر

مادام يمكن طمرها هو ليه أولعها حريق
بعض السوالف ما لها عند الرجال الا الطمر

منقول

[خفوق إنسانة]

نتذوق الإبداع دائماً من ذائقة عذبه ..
دمت اخي ودام تألقك ..
تقييمي ..

[نور الأصايل]

المشاركة الأصلية كتبت بواسطة خفوق إنسانة   نتذوق الإبداع دائماً من ذائقة عذبه .. دمت اخي ودام تألقك .. تقييمي ..

اشكـ اخت خفوق على مرورك ــرك
وجزاك الله كل خير

[نــــــورهـ]

اسمحلي اخوي نـــــور بهذه



عانيت من الاصدقاء كثير وصحيح نادر الوفي منهم ,,, مبدع باطروحاتك

[لووكآ]

ماني مفرّح شرذمة ولا مزعّل لي فريق
الصبر مفتاح الفرج والسوسْ ما ضَرّ التمر

الله الله
صح منطوق شاعرها
وصح ذووقـج مليـــون
ابدعتي بهالإنتقاء ان دل على ذوقــج
وقواج الله
ولاهنتي

[لووكآ]

ماني مفرّح شرذمة ولا مزعّل لي فريق
الصبر مفتاح الفرج والسوسْ ما ضَرّ التمر

الله الله
صح منطوق شاعرها
وصح ذووقـك مليـــون
ابدعتي بهالإنتقاء ان دل على ذوقــك
وقواك الله
ولاهنت

[بنت الاصول]

جرح الصداقه ما تداويه الايام

لمن جرحني صاحبي وش بقالي

لصار اعز الناس بزيدك الام

من ترتجي يا قلب تشكيه حالي

عزي لقلب دايم الدوم منضام

ما شاف فهالدنيا رفيق موالي

ياحظ من مثلك هنا العمر له دام

يا حظ منهو قاسي ما يبالي

ابكي على جرحي وداويه بوهام

والقلب لزادت همومه شكالي

دمعه ورا دمعه والاحزان قدام

والحب كلمه عشتها في خيالي

شكرا لك ذائقة رائعة بارك الله فيك

وجزاك الله خيرا على انتقلؤها

[نور الأصايل]

المشاركة الأصلية كتبت بواسطة نــــــورهـ   اسمحلي اخوي نـــــور بهذه عانيت من الاصدقاء كثير وصحيح نادر الوفي منهم ,,, مبدع باطروحاتك

اشكر مرورك وإضافتك
جزاك الله كل خير