أطلب من اللي بعدك ... شيء من التراث

[بقايا الذكريات]

اطلب من الي بعدي صوره مخراز

[بنت الاصول]

المخراز ويستخدم اكثر في الجلديات اي الشي المصنوع من الجلد مثل الغرب والرشاء والقرب وغيرها



طلبي صوره
للمبرم

[بقايا الذكريات]

الصوره مو واضحه بنت الاصول

[بنت الاصول]

الرسم بمخراز الجلد:

استعمال المخراز محدد على الجلد لتعليم خطوط التصميم , ويمكن استعماله لخلق تصميمات ذات تفاصيل وخطوطا رفيعه ودقيقه وهو يتميز بسنه المدبب.
وهو يستخدم على الجلد مثل مايستخدم قلم الرصاص على الورق .
وكمثال : لعمل منظر طبيعي يستعمل المخراز لرسم الفروع والعروق . وتوضع قطعه الجلد فوق سطح املس صلب .

يالله لقيته ارجو ان يكون هو المطلوب

[بقايا الذكريات]

وش قصة هالمخراز مو حاب يطلع ؟


الصوره ما طلعت بنت الاصول حاولي تحطيها مره ثانيه ممكن من التحميل


ماعليش تعبتك يالغلا

[بنت الاصول]

هههههههههههههههههاي


ولابيض صعو يالله حصلته
اسفه ياقلبي على التاخير

بس يالله عرفت اصغره مافيه غيره
قلبت راس قوقل وكرهته في عيشته لين جبته

والحين دوري

صورة للمخيط =بتسكين الخاءوفتح الياء

[بقايا الذكريات]

من جد

يسعد صباحك بنت الاصول وهذا طلبك دخلت علشانه

[بقايا الذكريات]

( المخيط):



أداة حديدية تشبه الإبرة لكنها اكبر حجما منها يبلغ طولها ثمان سم تقريبا .

ويستخدم لخياطه بيوت الشعر وعمل الخوص ونحوه

[بقايا الذكريات]

ابغى صوره وتعريف للخلال والمريره

[فقيدة امها]

الخلال قطعة من الحديد يكون أحد طرفيها مدورا وتشبه المخيط لكنها اكبر حجما.

ما أدري هذا طلبك ولا لا ؟؟! أختي بقايا الذكريات
أطلب من اللي بعدي اذا كانت إجابتي صحيحه
صوره التنور قديماً

[بنت الاصول]

ننتظر اجابتك يالغاليه بقايا

[أبو حمـد]

بعد بحث وتقصي .. أتوقع المقصود بالخلال هو الرطب لونه اخضر قبل يستوي

والمريره هي عشبه تظهر بمزارع النخيل يسمونها المزارعين المريره لأنه طعمها مر ،، وهي تشبه نبات البقرا اللي يظهر وقت الربيع بالبر ،، بس ما حصلت على صوره لها ،، وهذه صورة مشابهه لها ،،

وأيضاً البعض يسمون ثمرة نبات الحنظل - الشري - اللي يظهر بالبر .. المريره

[بنت الاصول]

اخي الكريم حمد ولد ابو حمد شكرا لمحاولتك الرائعة

ولكن اعتقد والله اعلم ان المطلوب شي يستخدم في الغزل او الخياطة

[فقيدة امها]

أستاذ حمد ولد أبو حمد
يالغاليه بنت الاصول
هههههههه خليتوني في حيره من أمري
ماهو الجواب الصحيح ؟؟!
اين أنتي أختي بقاياالذكريات
لتخبرينا الجواب

[أبو حمـد]

اممم معك حق ،، وحسافه البحث والجهد


طيب معنى ذلك أنتي عارفه المطلوب ،، بس استخدمتي ذكائك وما ذكرتي الإجابة عشان تتهربي ما يصير الدور لك

وبعد البحث وفق إجابة الأخت بنت الاصول الصحيحه الخلال والمريره: هي قطعة من الحديد تستخدم لخياطة بيوت الشعر وأحد طرفيها مدورا ،، وهي تشبه المخيط لكنها اكبر حجما ،،

وما فادك ذكائك .. الأخت بنت الاصول توصلت للإجابة الصحيحة وألف مبروك هههه