ღ .:. مســـــــــابقة التحــــــــدي بين الشعــــراء والاعضــــــــــاء .:. ღ

[عبدالعزيز]

السلام عليكم

شنير (شدة على النون) في اخر البيت الاول

طوفرية في الشطر الاول من البيت الثاني

[مثل النخيل خلقت]

يسلموا شيخ شمر على هالكلمات ..

[أبو ريان]

بحثت في قوقل مـن أمس العشية &&& ابفـهـم المـقـصد بكـلـمة شنير

ولقيـتهـا شـي ويــشـبه طـوفـريـة &&& والاسـم والمعني صراحة يحير

والـيـوم ابـذكـرها وعـنـدي سوية &&& لو كان معـناهـا القـديـم متغير

[حمد]

صح لسانك ابو ريان

[مثل النخيل خلقت]

صح لسانك ابو ريان ..


بس صدق معناة شنير طوفريه ..

ترا يسويها شيخ شمر ..

[عبدالعزيز]

شنير << نوع من انواع الطيور مثل الكروان وطقتها

صح لسانك ابو ريان

[أبو ريان]

[frame="1 80"]يا شيخ شمر يا حفيد السناعيس = يا مرحبا بك طيب الله فالك
اهلا هلا بمحمس البن تحميس = اهلا هلا بك عد ما اشرب دلالك
حيثك كريم ولا تعرف الدنافيس = ومتميز بالطيب يومه صفا لك
والطيب فيك اليوم ماله مقاييس = ويكفي من اطباعك تجود بوصالك[/frame]

[سديراوي عسل]

مشكورة أختي على إقامة المسابقة ....

وللأسف توني بشارك ممكن ....


واذا امكن ابي مع فريق الملكعين ..... أبي اجيب كلمات بدري على الشعراء حتى المتنبي يجيبها ...

[أبو ريان]

سديراوي عسل وملكع هذا المطلوب وابشر بالمردود وعطني من قاموس اللــكـاعة يا عسل واستلم الترحيب


أسمـك سـديراوي عـسـل ومـتـلكع &&& وتبي تضيف أسمك مع فـريق التحدي

ضـيـف جــديد ومـل كــثـر التسكع &&& ومــتـعـود فـي كـــل قــســم يــــردي

وكـانـك تـبـي ردي كـلام مجـمع &&& عـطـنـي مـن القـاموس جــزر ومـــدي

ولا تـنـبهـر لـو شـفـت رد ي مـلمع &&& يمـكـن يكــون الــرد وصـف مـتـعـدي

واحـذر يجــيـك هـبـال والا تروع &&& ولا تـنـزعـج لـــو جــاك مـنـي مـردي

وانا من طروق الـقـصـيـد متـشـبع &&& ولـجــلـك ابـكـتـب رد مـالـه مــصـــدي

وكانك تحـداني ونجـمـك تـسطع &&& فا ارحب وانا لـك بالـفـضـاء مستـعـدي

[( عابرة سبيل )]

::
:

السلام عليكم ورحمة الله وبركاته
عــــذرا لـ تاخري ...

شاعرنــــــــا القديـــر .. ابوريـــان

المشاركة الأصلية كتبت بواسطة   بحثت في قوقل مـن أمس العشية &&& ابفـهـم المـقـصد بكـلـمة شنير ولقيـتهـا شـي ويــشـبه طـوفـريـة &&& والاسـم والمعني صراحة يحير والـيـوم ابـذكـرها وعـنـدي سوية &&& لو كان معـناهـا القـديـم متغير

صح السانكـ،،/ ودام نبضكـ
دائما تمتعنــــا .... وتكسب التحدي ..

::
:

دمت بـ خيرات اخي

::

[( عابرة سبيل )]

المشاركة الأصلية كتبت بواسطة   مشكورة أختي على إقامة المسابقة .... وللأسف توني بشارك ممكن .... واذا امكن ابي مع فريق الملكعين ..... أبي اجيب كلمات بدري على الشعراء حتى المتنبي يجيبها ...

:
:


ياهلا111 وسهلا111بكـ وحيا1111كـ المولى
اخوي (سديراوي عسل ) ..
اخ ومع فريق المتحادين ..

::
:

والله الله بـ الكلماتـ ...

:::

وبالتوفيق للجميع

::
:

اختكم / دمعة ألـــم

[هرمنا]

تصدق عاد يابو ريان

لوجمعت انا القصايد اللي في الموضوع هذا كان طلعت لك ديوان

نعنبو ابليسك نطلب كلمتين ونتوقع بيت او بيتين ..وتجيب لنا قصيدة محقق فيها الشروط وزود عليها تكون قصيدة مكتملة وهادفة وابياتها كثيرة ..ماشاء الله تبارك الله

اما سالفة الالفاظ الاجنبية اللي نشب لك فيها جنون ومثل النخيل ..والله اني كنت متوقع انك ماتجيبها

بس جبتها ..لا وفي الثمنيات

والله ان عواطفي مع فريق التحدي وودي يفوزون عليكم يافريق الشعراء...بس ماش شكل المباراة محسومة

============

[color=#000099]لكن شف في الموضوع القادم (( اقتراح موضوع قادم ))..ابي منكم يالشعراء تكتبون ابيات شعر وتطلبون من فريق التحدي يكملون القصيدة بنفس عدد الابيات اللي تحطونها. . ثم تردون انتم يالشعراءعلى القصيدة اذا اكتملت بنفس عدد الابيات

يعني مثلا ..تحط يابو ريان ثلاث ابيات شعر ..والمطلوب من فريق التحدي يكملها الى ان توصل الى 6 ابيات

يعني بس يحط فريق التحدي ثلاث ابيات


الان صار المجموع 6 ابيات....

ثم.تجون انتم يافريق الشعراء وتكتبون قصيدة غيرها عدد ابياتها لايقل عن 6 ابيات بنفس الوزن والقافية



عشان تطلع المواهب المدفونه عند فريق التحدي .. ويمكن لحظتها نقدر نجاري فريق الشعراء ونفوز عليه



اما كذا عز الله ما راح نفوز عليكم يافريق الشعراء ابد

[مثل النخيل خلقت]

اقتراح رائع اخوي السبعين ..

بس بالنسبه لي ماعندك احد ..

ولو تبي اجيب لك شطر ماقدرت وشلون عاد ثلاث ابيات ..

[سديراوي عسل]

هلا هلا




مشكور أخوي أبو ريان .....



تولم وأنا قد التحدي

[سديراوي عسل]

طيب نبي نسخن معكم شوي ...


عطني كلمة (أبصايز ) في نهاية الشطر الأول ....وكلمة (خنفوشاري ) بداية الشطر الثاني ...


هذى التسخين ..