على البركه رجع المنتدى

[أبو داحمـ]

حي الله الجميع الشهر عليكم مبارك أبارك للجميع برجوع المنتدى بعد غيب طويل ولا يدرا ما سبب تأخر رجوعه هل هو من الأدارة أم لأسباب أخرا ولكم خالص تحياتي;) ;)

[المولع]

الحمد لله ان المنتدى رجع للعمل مره ثانيه ;) ;) ;) ..

[تأبط شرًا]

نبارك للجميع ونهنئهم أن بلغنا الله شهر الرحمة والمغفرة والعتق من النار .. ونعتذر عن إنقطاع المنتديات لأسباب خارجة عن إرادة الإداره والحمدلله على رجوع المنتديات حتى نتمكن من الإجتماع بإخوان لنا قد لانتمكن من لقائهم خارجها ..

[مفتون صيد]

الشهر عليكم مبارك وايضاً رجعت منتدانا

والحمدلله على رجوع الامور الى مجاريها ;)

[اتيكا]

السلام عليكم ورحمة الله وبركاته

ومبروك عليكم دخول شهر رمضان وعسانا وإياكم من صوامه وقوامه وعتقاءة من النار

والحمد لله الذي رد المنتدى مرة أخرى وكل ذلك بفضل الله أولاً ثم بجهود أخوي تأبط شرًا فجزاة الله عنا كل خير وعظم الله له الأجر والمثوبه في هالشهر الفضيل


وتقبلوا التحيه

[تأبط شرًا]

أشكر الجميع على مشاعرهم الطيبه والصادقه ..
وكل شيء جميل يحدث في المنتديات فهو بفضل وقفات الجميع وأولهم بدون مجامله مشرفي منتدى الصيد والرحلات والأعضاء المشاركين معهم من أمثال أبوداحم والمولع وأبوصالح والجارح 2000 وهادي وغيرهم ممن لايحضرني إسمه ولايعني ذلك تقصير البقيه ولكن كان هؤلاء الأخوه على إتصال معي سواءً بطريقة مباشره أو غير مباشره طوال فترة توقف المنتديات وهاهم من أوائل المشاركين بعد العوده ولم يصابوا بخيبة أمل أو فتور ..
فهنيئًا لمنتديات سدير بهؤلاء الأخوة الحقيقيون ..
وكل مجهود يبذل لبقاء أمثال هؤلاء ليس بخساره بل هو المكسب الحقيقي والفائدة الجمّـه ..
فلهم مني فائق الإحترام والتقدير ..

[مفتون صيد]

اخوي تأبط شراً تأكد اننا معك قلباً وقالباً

انت رح وين ما تبي وحنا وراك ومطمأنين لك ولعملك

وتقبلوا التحيه

[ابو صالح]

السلام عليكم ورحمة الله وبركاته.

مبروك عليكم الشهر الكريم واسئل الله العظيم ان يجعلكم من العتقاء من النار فى هذا الشهر الفضيل .

والحمد لله على رجوع المنتدى .

اخوكم ابو صالح

[رحّــــــــــال]

اقول الله يلبسكم العافيه نروح ونجي وانتم فيذا ماعمري فقدتكم
والله لو تدرون وراي ابطيت تسان تضحتسون علي
كل يوم افتح الانترنت واناظر ويلاه ما رجع المنتدى لين اليوم العصر رايحن لواحدن من الربع اتميلح عنده ابيه يعزمني على الفطور وقعدنا نسولف عن الانترنت وخرابيطه والمنتديات وامدحله منتدى سدير قال انه داخله البارح بس ما سجل فيه قلت ياكبر الارنب الحقها قال وراك وش بلاك منت مصدقني قلت يابوالشباب المنتدى مقفل له شهر ومابعد رد قال الا موجود شفه وقام فتح عليه ويلاه فاتح قلت وجع وراه عندي صاك الى هالحين قام يخربط علي مدري وش يقول قلت اقول ما ينفع الحتسي ماهوب لازم تفطرني تعال زين كمبيوتري والله وننقز لبيتنا واجيبه عند رادوي اللي اسميه كمبيوتر <=== ما شافه من لزقات سنتوب
ويوم فتحناه ويطلع المنتدى مصكوك قلت هاه شفت لادحجك قال وجع يوجعك ما شفتا جهازي تو المنتدى فيه مفتوح قلت ايوالله نسيت اجل وراه تسذا قال انت حاطن المنتدى الصفحه الرئيسيه وصاكه اخر مره وحاطن العمل دون اتصال على نفس هالصفحه والله واثره صادز سوا تحديث وفتح المنتدى ومن الفرحه قلتله الله يعافيك يالله مع السلامه اباكتب معهم قبل يجي ابوي والله مار ويزعل خويي واقوم وامصع السلك من الفيش وانا ما طفيته بس عادي تعود <=== منيب اقولكم رادو
واقعد اراضي رفيدزي واقوله اني اتسذب بس اباشوف هو صحيح والا ملكع وصدق هالمخفه وقعدت انا وياه لين جا ابوي جلدني والرجال راح لبيتهم ===> هذي حركه بيني وبين ابوي يجلدني يسوي نفسه حندز ويحرج خويي يخليه يروح علشان ما يقعد يفطر معنا خخخخخخخخخخخخخخخخخ