[align=center]شفتها جالسه
ولابسه لون السواد
ودموعها مثلها
لابسه ثوب الحداد
شفتها ويا ليتني ما شفتها
يا دموعها ..
آه .. آه يا دموعها
سودا .. يخالطها كحل
على خدها .. صارت تهل
ويومن درت اني قريب
سابقت يدها الزمن
وامسحت ذيك الدموع
وغطى السواد خدودها
وخلى معالم وجهها
كلها حزن فحزن
******
اتبسمت ..
وياليتها ما اتبسمت
كرهتني الابتسام
تبي تخبي حزنها
لكن شفايفها فضحت
وزودت فيني الملام
خانتها رعشات البكى
وضيعت فيني الرجى
اننا فيوم الفراق
ما نسمح لأية شعور
يشوه فذكرانا الفرح
بس للاسف
صار السواد فوجنته
يضحك ويستهزي ويقول
معليش ..
حبيبك انجرح
*******
انهرت .. وخانتني الدموع
وصارت على خدي تسيل
واعلنت للحزن الخضوع
وسلمت نفسي للرحيل
وبدل ما اوسيها انا
صارت تواسيني وتقول:
معليش حبيبي اسفه
والله اني حالفه
ما ابكي انا فيوم الفراق
من غير منته ترتجي
بس ما دريت ان الحزن
حالف بعد مثلي انا
انه فيوم فراقنا
لازم يجي[/align]