نبي شورك يااتيكا!!

[>نجمة سهيل<]

السلام عليكم ورحمة الله وبركاته،
كيف حالك اخوي اتيكا.
ابي استشيرك لاني يمكن اجي يمكم عن الشحمه والعصل .
وش رايك فيه شي يستاهل اجي والا لا.
وكاني جيت ابيك تخاويني وش قلت!!!

[اتيكا]

وعليكم السلام ورحمة الله وبركاته

وحياك الله أخوي >نجمة سهيل< في أي وقت وأنت تشرفنا بقدومك

وإن كان جيتك علشان تصيد أقميري فاقصر العنوة وخلها مرة ثانيه

لأننا الأسبوع ألي طاف ماصدنا إلأ شيئ بسيط والعالم الله أن وقته أنتهاء


وتقبل التحيه

[>نجمة سهيل<]

مشكور اخوي اتيكا على ردك.

بس انا ابي ماهوب بس عشان القميري . ابجي عشان الصفار والدخل. وان لقينا ضبان.

[اتيكا]

يامرحبا بك أخوي >نجمة سهيل< في أي وقت تريد وعلى المقسوم

أصعب ماعليك هو أنك ترسل رساله خاصه تحدد فيها الموعد

على شان أكون متواجد في تمير وفي أستقبالك

وبالنسبه لطيور فماعاد أهنا أي طيور لا كبار و لا صغار

كل الطيور بأنواعها هاجرت معاد باقي إلى الضبان هي المتوفرة


وتقبل التحيه

[>نجمة سهيل<]

اخوي اتيكا.

مشكور والله يعطيك العافيه. وكان الضبان الي عندكم تستاهل العنوه جينا وكانها ماتستاهل . غيرنا وجهتنا للصمان.

[اتيكا]

وش أقول لك أخوي >نجمة سهيل< هالسنه ماجانا ربيع يستاهل

لذلك الضبان مش ولابد يعني مهيب مربعة بالحيل تلقى وتلقى

لذلك أنت أسئل وشاور ألي جاو من الصمان يمكن ضبانه أحسن

وياهلا ومرحبا بك في كل وقت


وتقبل التحية