قصيده عن القيل والقال ابداع للشاعر خليل الشبرمي ويوجد فيديو

[المهند التميمي]

هلا مرحبا واهلا هلا عد ماهلي
سحابا على سلمى واجى دوم همالي
وحي الرفيق اللي علومه يجوزا لي
وحي الكتاب كتاب غالي ومن غالي
ولا والله الا مرحبا بالرفيق اللي
مضرا على كسب النوامس والبالي
صديقا صدوقا صادق الود صافيً لي
نقيا تقيا ماله اجناس وامثالي
كريما حجاجه طلق ولسانه يهلي
وهالطيب طبع معرب الجد والخالي
ومن بعد ذا يااحمد برسل وحولي
وشرواك ذيبً موجته تلقط الارسالي
وهات اذنك الله لايهينك وقرب لي
ابهمس فيها بس لايدري الوالي
انا يالحميدي شف وسمي على بلي
علام الوسوم على بلك اشكالي
وش اللي جرا وش السبب يافتى قلي
علام العلوم علوم وجزلات وهزالي
اليا صرت فوقي منت ملزوم تنزل لي
ولا صرت تحتي منت كلوف ترقالي
وانكان تقول الناس قالوا فدور لي
من اللي سلم من القيل والقالي
وانا مثل غيري لاتجود وتحسب لي
قليل صدقاني وياكثر عذالي
وكم من حقودا لانطحني تضٌحك لي
وحده دفينا ماله اول ولا تالي
وكم من مريضا مخرث القلب ومغلي
حقودا على كل البشر بالخلا الخالي
ولاتبعد ابدا بس من لك ومن لي
تحسس ودور كم حقودا ومحتالي
بلانا بلانا بس بأنا دوم مسلي
واشين ورخوم وانذالي
وبالناس يين الناس طامن ومتعلي
وانا ماارفع الطامن ولا طمن العالي
ولاابلي المستور ولا واستر المبلي
ولا اقول هليل ويش قال هلالي
وقلبي دليلي يالحميدي يربلي
اميز هماجه قبل اذوق من الحالي
وزبنً يترك الشين مايتكي الحملي
وان داس راس الداب ماهاب الاذيالي
تب الهبوب من شمال وقبلي
وملقا محله ماتحرك ولا مالي
وانا احمد الله ماخبرت القدم زلي
مشيه دوم دغري وطوالي
ونفسي عزيزه بالردا ماتسولي
وسود النوايا ماتشوش على بالي
وانا ادري انك يافتى الجود وافي لي
ولاهي غريبه منك ياطيب الفالي
وعلى كل حال ان جيت كلي على حلي
وخذني شقيقا لك على كل ابو حالي
ابلبس على ماتشتهيه انت فصل لي
وضبط عسى الله مايعريك تفصالي
وقل واهني اللي عن الناس متسلي
دليخا فضيخا دالها خاليا سالي
وانا يالله انك ياإلاهي تيسر لي
اموري وتنجيني من النار والصالي
وتستر عيوبي ياإلاهي وتغفر لي
ذنبوي وسيئات الاعمالي
إلاهي ولالي غير عفوك ملاذا لي
رحيما حليما خالقا رازقا والي
وصلوا على سيد البشر عد ماهلي
سحابا توالا نور براقه يلالي



ولمن اراد مشاهدتها يضغط على الرابط

http://youtube.com/watch?v=ZHjuDXBHjew


ولكم التحيه