والله وقااااحه..

[مشــاعر]

السلام عليكم..

هذه قصة سمعتها واحببت ان ارى تعليقكم على هذه المسخره ..

القصه ومافيها هذه مدرسة ثانويةفي الدرعيه تدير عليها مديره سعوديه الاصل(( قصدي مو متجنسه ولا شي))

وفي يوم الثلاثاء .. كان المفترض على كل مدرسه في الصباح اي في الاذاعه المدرسيه.. الطلب من الطالبات انشاد النشيد الوطني..
فطلبت المديره منهن الانشاد فانشد البعض والبعض الاخر لم ينشد فطلبت المديره اعادته والكل ينشد فاعادوه ولم ترضى بالمره الثانيه فطلبته للمره الثالثه فلم يتغير شي.. لكن الصوت كان مرتفع ومسموع والطالبات لم يقصرن فيه ..

فقامت وطلبت من احد الطالبات المصريات ان تنشد النشيد فانشدت احداهن النشيد الوطني لبلدها ورفضت ان تنشد نشيد وطننا .. فقالت (( هذي وهي بنت مو من البلد انشدت النشيد وافتخرت
في بلدها وانتوا ماانشدتوا نشيد وطنكم الي الكل يفتخر فيه))

بعدما قامت بتوبيخ الطالبات السعوديات طلبت من كل الطالبات الاجنبيات بالصعود الى فصولهن ومباشرة الدروس ..
لكن السعوديات جعلتهن واقفات لمدة ساعتين من الساعه 7 الى 9 حاملين شنطهم واي طالبه تتخلف في ذلك تقوم بتوبيخها .. لكن البعض من الطالبات الحمّل.. سقطن على الارض واصبن باغماء لانهم لم يتحملوا الوقوف لساعات وفي الحر الشديد..ولم تأبه بذلك وامرت الكل بالوقوف حتى ولو انهم مصابين باي مرض كان ..
واثناء وقوف الطالبات كانت تقوم وباستهزاء في الطالبات(( انا وراي ظهر محد يقدر علي))..
وجعلت الطالبات بعد الساعه 9 الصعود الى الفصول لكن بدون دراسه.. ولم تنزلهم الى الفسحه الا في الساعه 11 ..
ومن المفترض من الطالبات الحمّل الافطار لكي لايصيبهم الارق والتعب.. ولكن لا رحمة في قلبها تلك المديره..

والان بعد هذه القصه ماهو رأيكم في هذه المديره؟؟هل تستحق منصبها في التعليم ؟؟ هل تتحلى بالاخلاق الاسلاميه؟؟ هل يتحمل ذرة تواضع؟؟

انا عن نفسي لاتحمل اي صفه من هذه الصفات

والله الموفق ..

[جمانه رائعه]

لاحول ولاقوة إلابالله حسبي الله ونعم الوكيل

يعني لها الدرجه هي عبقريه وقاست وطنيتهم من صوت تأديتهم

وبعدين من هي علشان تحكم عليهم بحبهم لوطنهم ولا لا

مع الأسف هي الي أسأت لوطنها بهالتصرفات السخيفة والوقحه الي سوتها


وعلى فكره انا سمعت عنها هالمديرة اشياء كثيرة بس ماتوقعتها توصل لهالدرجة

ولا نقول الاإنالله وانا اليه راجعون

[مشــاعر]

المشاركة الأصلية كتبت بواسطة جمانه رائعه   لاحول ولاقوة إلابالله حسبي الله ونعم الوكيل يعني لها الدرجه هي عبقريه وقاست وطنيتهم من صوت تأديتهم وبعدين من هي علشان تحكم عليهم بحبهم لوطنهم ولا لا مع الأسف هي الي أسأت لوطنها بهالتصرفات السخيفة والوقحه الي سوتها وعلى فكره انا سمعت عنها هالمديرة اشياء كثيرة بس ماتوقعتها توصل لهالدرجة ولا نقول الاإنالله وانا اليه راجعون

الاخت جمانه .. مشكوره على المرور والتعليق اولا..

وثانيا : صدقت في قولك هي التي أسأت لوطنها ..

وثالث: والذي قهر السعوديات اكثر واكثر قول المصريات للسعوديات (( هذي وهي سعوديه)) يعني قمة القهر ..

واذا سمعتي فيعني يأكد الكلام .. وخت مرة خالي هي الي فيها وهي الي حكت لنا هالسالفه..

تحياتي لك

[مشــاعر]

المشاركة الأصلية كتبت بواسطة وادي أبا المياه   اول شي مايحق لها تسوي فيهم كذا . ولو رفضو الوقووف وعصوها . بس ماعندك احد والله . والشرهه على ابوان البنات ليه مارفعو عليها شكوى ؟؟؟؟ والله ان ترووح في خرايطها . تشكرين سديراويه على الموضوع . والله يفك بناتنا من امثال هذي المريضه .

الاخ : وادي ابا المياه


مايحق لها ونص....‍‍‍‍‍

والله ينخاف منها والبنات مو صغار عشان يتهزأون يعني ثانوي واغلبهم متزوجات ..بس هي متخلفه..

وعن الشكوى اشتكوا عليها بس مابعد صار شي لان هالسالفه توها يمكن الاسبوع الي راح..
لكن المشكله تقول ان عندها ظهر.. يعني مايندرى وش يصير؟؟

مشكور اخوي وادي على المرور والتعليق..

[مـــداد الأمـــل]

فيه مديرات كذا تحب تتسلط اعوذبالله مثل مديرتنا يعني الصراحه تحطيم من جد ليش تخلي الاجنبيات يروحون السعوديات توقفهم حرام بس يمكن مستانسين احت الحصه الاولى عليهم ,,

[مشــاعر]

الاخت الكرستاله..

والله شي غريب هالمديرات.. بس وين مستانسين منه بنات في ثالث يضيع عليهم يوم دراسه كامل على حساب هالمديره..
بس والله لاقت الدعاء من البنات الي من جد بيطيرها مره وحده

بس حسبي الله عليها والله ماصارت مدرسه .. عسكريه على غفله..

يعطيك العافيه على المرور والتعليق

[بسمة فرح]

والله لوانه انا اني لاشوتها وخلي رجولها متعلقه بباب الشارع واقول لها روحي لابارك الله فيك مديره ياقليله الادب يابايخه


ماعاد الاهي مديره نفسيه لا ومتسلطه على البنات بعد


ومشكوره سدراويه مزيونه على موضوعك

[مشــاعر]

المشاركة الأصلية كتبت بواسطة البنت الدلوعه   والله لوانه انا اني لاشوتها وخلي رجولها متعلقه بباب الشارع واقول لها روحي لابارك الله فيك مديره ياقليله الادب يابايخه ماعاد الاهي مديره نفسيه لا ومتسلطه على البنات بعد ومشكوره سدراويه مزيونه على موضوعك

خخخخخخخخخخخخخ

الله يرجك يالبنت الدلوعه..

العفو اختي الدلوعه

يعطيك العافيه على المرور والتعليق..

[ريناد]

مشكوره اختي سديراويه مزيونه على الموضوع

والله لو اني من الطالبات المسكينات

اول شي امسك المديره على جنب<<منيب طاقتها لا تخافون:

بس اتناقش معهاو استفسر ليش سوت كذا

وان كان ردها مثل وجها

كان اقوم الدنيا واقعدها

واشتكيها

واخليها تعتذر لنا قدااااااااااااااااااااااام الطالبات

وان كان على قولتها وراها ظهر فكلنا ورانا ظهر

ياهي يا احنا في المدرسه

تحياتي

[مشــاعر]

المشاركة الأصلية كتبت بواسطة ريناد   مشكوره اختي سديراويه مزيونه على الموضوع والله لو اني من الطالبات المسكينات اول شي امسك المديره على جنب<<منيب طاقتها لا تخافون: بس اتناقش معهاو استفسر ليش سوت كذا وان كان ردها مثل وجها كان اقوم الدنيا واقعدها واشتكيها واخليها تعتذر لنا قدااااااااااااااااااااااام الطالبات وان كان على قولتها وراها ظهر فكلنا ورانا ظهر ياهي يا احنا في المدرسه تحياتي

العفو خيتووو

بس ياقلبي في ذاك الوقت ماراح يجيك ولافكره من هالافكار وبتصيرين لاهيه في عمرك..


ولاتسوين قويه .. لان بعض الاحييان تسوين قويه وفي الاخير تتورطين بس هي دواها انو يشتكون علييها ..ولايكلمونها هم ولايعطونها بال ..والمفروض انهم يقهرونها ولايستضعفون قداامها لانها على كذا بتستقوي اكثر واكثر..

مشكور اختي ريناد على المرور والتعليق..

[المنتظر]

سديراااوية ..

مشكورة على هيك مشاركة

تحياتي

.

[الأم الحنون]

[frame="8 80"] الأخت الفاضله سديراويه مزيونه

اسعدك الله بكل خير ...

بارك الله فيك ..موضوع قيم وقصه تحدث كثيرا ...

الخطأ هنا مشترك بين هالمديره وهالطالبات ..من وجهة نظري

كيف الطالبات وصلن لمرحلة الثانويه ولايستطعن الدفاع عن حقوقهن الأنسانيه ؟؟

نحتاج الى ان نربي من> الصغر على مبادي الخلق ..مباديء الحقوق والواجبات ..

للاسف لا اعلم متى سنصل الى درجه نشعر بها بحريه للتعبير عن الرأي ؟؟؟

مثل هذه النوعيات من المديرات استخدمت سلطتها في غير محلها ..

كل الشكر ..

عذرا على التاخر في الرد لظروف خاصه

وفقك الله [/frame]

[مشــاعر]

العفو اخوي المنتظر..

وشاكرتك على مرورك..
****************************

اختب الغاليه الحنون..

اهلا بك ..

وعن وجهة نظرك..

اريد التعليق:

ان الطالبات في ذلك الوقت تآمروا عليها وارادوا انا يشتكون عليها في وزارة التربيه والتعليم.. ولاارادوا انا يجادلوها في ذلك الوقت لكي لاتجد حجه عليهن انهن تكلمن او تلفظن بكلام عليها.. فسوف تستغلها فرصه للدفاع عن نفسها..








ولكن هذه المديره تستحق في هذا الامر الى مجلس تأديبي وبعدها الفصل..



مشكوره اختي على المرور والتعليق..