شوفو وش قالت ذي المعلمة علي.. أشيروا علي

فرفوشة · 02-10-2005, 08:07 PM

في يوم السبت الحصة الاخيرة كانت علينا معلمة دين
أنا جالسة طول الحصة هادية ما احرك ساكن
المهمة وهي تشرح قلت كلمة لخويتي اللي بجنبي وابتسمنا
بعدين ناظرتنا بنص عين وقالت: قومي انتي وياها وقولي لي وش اللي يضحك
أنا وقفت وخليت نفسي نادمة وأناظر في الأرض << وهذي ميب عادتي
وبعدها بدت تهزيء كأني أصغر عيالي
ومما قالته:
الحين بأي نفسية الواحد يكمل الدرس
وهو يناظر هالملامح !!!!!!!
الحين لو توقفين بجنبي تطلعين أطول مني
المشكلة اني أشرح لناس عقولهم تافهة
للأسف اني اكلم ناس ما عندهم احساس
للأسف يقولون ان فلانة أختس << وحطوا تحت (يقولون) عشر خطوط
المشكلة اني اتكلم من ناس سخيفين زيك

بعدين اشرت براسها وقالت:
ارجعي ورا انتي وياها
يالله اذلفي اذلفي

وطبعا اللهجة اللي تكلمني فيها والصوت
كأني وحده

وفي عدة امور ودي أوضحها:
أول شي: ان فيه بنات في الفصل مستهترات ويضحكون ويمرحون
وعادي ولا كانهم مسوين شي يعني بالعربي حاقدة علي
ثاني شي: انا صار لي ثلاث أسابيع من بداية الدراسة وانا ما عمري سويت حركة بايخة
بعدين عشان ابتسامة قالت كل اللي قالت
ثالث شي: مهما كنت مسوية ما تتلفظ علي بهالالفاظ البذيئة
ان شالله قمت بنص الحصة وقعدت اصارخ
وللأسف انها من معلمة دين ومدرسة تحفيظ

الشي الرابع: تقول كلام علي عشان اختي كانت مدرستها اول وهي هادية
وانا والله كذا طبعي عندي طاقة كامنة ولا أعرف اوقف عن الحركة
ومن الأشياء اللي قالتها تقارن فيها بيني وبين أختي:
أنت متاكدة انت انتي وأختك طالعين من بيت واحد!!!!!!!
<< يعني كأن اهلي جايبيني من الشارع
يقولون ان فلانة اختك
<< يعني وش ما نيب اختها قلة أدب

قولوا وش اسوي لها الحين
انا مقررة اني اطلع لها وجهي الثاني
ناس ما يمشون الا بالعين الحمرا
لان ما فيه فايدة تأدبت ما تأدبت راح تعاملني نفس التعامل
أشيروا علي لأني ما نيب طايعة إلا كلامكم
وخاصة من اهل الخبرة في التدريس
وشكرا

ابو فيصل · 02-10-2005, 08:23 PM

مشاكل

الله يعينك

بس فهميها انها اول مررره تصير

وفيه معلمات عند التفاهم تتغير النظرة
يعني الصراحة زينه

فدائي · 02-10-2005, 09:59 PM

بسم الله الرحمن الرحيم

انا اقترح عليتس
انتس تروحين وتكلمينها على جنب

وتعطينها سلبياتها وأخطا أها

وانتس تعفين عنها

قال الله تعالى(( والكاضمين الغيظ والعافين على الناس))

واصبر الصبر مفتاح الفرج...

بسمة فرح · 02-10-2005, 10:11 PM

اهلين اختي العزيزه

اقترح عليك الاتي

اولا<<<<

انتبهي تروحين لها انتبهي تراي حذرتك وقولي ماقالته الدلوعه لانها استاذه ماتجي بالتفاهم زين لا تروحين لها

ثانيا<<<<

خليك على مانتي عليه بنت بين عليك شاطره وذكيه كثري مشاركات حلي واجباتك وكان ماصار شي okياحلوه

ثالثا<<<<<<<

وقبل كل شي تكفون يابنات الله يرحم والديكم لاتكلمون اثناء الحصه تراء الاستاذه تنسى وش بتقوووول

يعني لا عاد تتكلمين تراى مو زين الاستاذه تصير ماتحبك وتعطيك في المشاركه اثنين من خمسه باخر السنه زين

ولا تكررينها ولا تروحين تتأسفين لها ماتستاهل

ok

أبو إبراهيم · 02-10-2005, 10:48 PM

اللي مايحترم

مايستاهل انه يُحترم

مشــاعر · 03-10-2005, 02:03 PM

خخخخخخخخخخخخخخخخخخخخخخخخخخخخ

ترى ان مارديتي عليها يكون افضل لانهم ينقهرون من الي ماترد عليهم وتصير ابرد من البرود<<===مثلها..

والي ترادهم هي الي عادي عندهم..

والله يعينك اذا كنتي مشاغبه..

خليك مؤدبه مثلي خخخخخخخخخ

الأم الحنون · 03-10-2005, 02:43 PM

[frame="8 80"] الأخت الفاضله فرفوشه

اسعدك الله بكل خير ...اتمنى ان تكون نفسيتك مرتاحه بعد هالموقف

انا بصراحه كثير تضايقت لك ..والمفروض اللوم والتوجيه اللي وجه لك مايوجه

وخاصة وان من وجهته معلمة دين .مااحب اضيفه فقط هو اننا نعلم .عادة ان الطالبه يجب ان تلتزم اثناء الحصه

بالهدوء والتركيز والأنصات والمشاركه اذا تطلب ذلك .وهنا ..الومك على حركتك وابتسامتك

صدقيني المعلمه تتعب في الشرح ومثل مانقول تقطع قلبها علشان توصل المعلومه ..

ومحتاجه الى الهدوء علشان تركز في القائها للمعلومه ..ولكن هذا التعب لايبرر لها الوقوع في الخطأ

والتلفظ على الطالبه ..فهي قدوه ومربيه ..وموجهه ..لذلك من باب اولى ان تطبق هذا

من خلال تعاملها الراقي معكن ..

اتمنى ان تقدمي لها هدية لأحد الأشرطه الدينيه والتربويه التي تتحدث عن حسن التعامل ..

او اذا حسيتي انك مازلتي متضايقه افتحي حوار عقلاني وهادف ومتزن بينك وبينها ..

المهم لاتتركين شيء في نفسك وانا اختك ...

كل الشكر [/frame]

فرفوشة · 09-10-2005, 12:37 AM

مشكوووورين
وآرائكم مأخوذة بعين الاعتبار
مع انها متعارضة
ألف شكر لكم

مثل النخيل خلقت · 09-10-2005, 01:14 AM

الله يعينك ..

وانا اويد كلام البنت الدلوعه ..

بس باسلوب ثاني ..

الصحافة · 09-10-2005, 11:40 PM

الاخت فرفوشة
بما انها معلمة دين........ خذي العلم من الام الحنون
.
.
.
.
وانا من رايي ان تتأسفي منها ولو كانت هي المخطية
ترى بعض المعلمات تفشل على تصرفاتها اذا جت الطالبة تتأسف منه
وقولي ما قاله ( التربوي اخيك والسلام)

أبو يزيد · 10-10-2005, 12:29 AM

أضم صوتي لصوت الأم الحنون

فرفوشة · 10-10-2005, 01:09 AM

مشكوووورين والله
بس بكرة ان شالله
بتجي ماماي الحلوة وتكلم المديرة
وتوريهم شغلهم
ناس ما تمشي الا بالعين الحمرا

المنتظر · 10-10-2005, 04:59 AM

[move=left][align=center]؟؟؟؟؟؟؟؟؟؟؟؟
؟؟؟؟؟؟؟؟
؟؟؟؟
؟؟
؟
!
.[/align][/move]

~~البــاطن~~ · 10-10-2005, 05:22 AM

تم التحرير من قبل الادارة

نتمنى الالتزام بأدب الحوار