كشتتي لحاااائل

[MOON MAN]

بسم الله الرحمن الرحيم

السلام عليكم ورحمة الله وبركاته

كيف حالكم يا احبابي

اليوم جايب لكم صوره من كشتتي لحائل اخر ايام الشتاء انا وابوي وواحد من اخوياء ابوي

تبي تقولون وش جايبني بين الشيبان صح

امي مرسلتن معه تخاف يكمل على الاردن ويعرس من وراه


يله ناخذكم بجوله بصحاري حائل




هذي صوره للنفود وواضح ورا النفود الجبال يعني شكلها روعه خصوصاً العصر




هذي بعد ما قمنا الصبح وقاعدين يصلحون القهوه



هذي بعد ما قمنا نبي نروح نسير على ديره وسط النفود



هذي صوره ثانيه للديره



هنا قاعدين نعبي مويه من الخزان الي قدامكم



هذا الخزان ما شاء الله



هذي صوره من زاويه ثانيه وهم يعبون مويه ويغسلون القزازه اللي قدام



هذي صوره عفويه صورته وطلعت حلوه شوي



وحنا طالعين من الديره الشيبان شافو سياره قديمه وتهيثت قريحتهم وركبوها
قديمك نديمك لو الجديد اغناك



عاد مشينا شوي ولقينا لنا مكان حلو وقعدنا نصلح غدانا عاد هذي صورت اللحمه



هذي اللحمه بالدزدر . الدزدر = القدر <<< لغير الناطقين باللهجه القصيميه



انا قطعت الطماط



قطعت نصه



هنا قربت اخلص من الطماط



خلصت منه وقاعد اكبه بالدزدر



ما بغي يقضي << ايده اوجعته شوي



خلصت الحمد لله << يرحمك الله



وهنا عمليه التحريك



هنا بالنهايه يبي يخلص



صوره اقرب



هنا نبي ننتسب 1 . ننتسب = نضع الرز في الصحن << ابوك يا الشرح



وكمان ننتسب 2



وكمان ننتسب 3



وكمان ننتسب 4 <<< شكلكم جعتو



خلاص نبي نسمي ( بسم الله )



تغدينا وخلصنا الحمدلله وصلحنا القهوه الشاهي وهذاهن على النار



وبعد ما عينا من الله خير مشينا وحنا ماشين شفنا جذع ما شاء الله كبر راس ابوهاجر قصدي تبي تخش راس ابوهاجر يعني اهداء له الصورتين الجاييات



وهذا يبين كبر الجذع الناس يحطون كوب او يحطون بياله حنا حاطيين رجال




وبعد ما مشينا شوي شفنا بير بوسط النفود ما شاء الله



ومن بكرا رحنا لم منازل حاتم الطائي



وهذا الطريق لمه ممهد تراب



وهذا قبر حاتم الطائي من بعيد وواضح كبر القبر




وهذا هو عن قرب



وبعد ما طلعنا قعدنا نصلح غدانا بعد العصر << عليهم وقت

وهالحين قاعد اقطع البصل << ترا عيونه ما دمعت ابد



وبعد ما خلصت من البصل قطعت الطمام



وهنا قاعد اقطع الطماط , وبس عشان تعرفون ابوخالد الحارثي دايم يقولي يادب منقهر من اني نحيف وهو الدب



وهنا خلصت من الطماط



وهذا الدزدر يطبخ على اللحمه



هنا يطبخ بكل شي يعني نحتريه يخلص ونهمهموه . نهمهموه = ناكلوه باللهجه المونيه



وهذي هي جلستنا



هذي جلستنا من قوقل ايرث << اقعد تعرف قوقل ايرث



وهذي الصوره من قوقل نورث << كفففف على الطاير



وهذي صوره ارضيه بعد شويه جويه



هذا مكاننا من الجويه اللي قلت لكم وواضح روعه الشعيب ما شاء الله



وهذا بعد ما خلصنا متغدين , احسهم يبي ينوون علي وانا على نياتي اصور



وبعد ما شربت الشاهي قلت ابلحق اصور روعه الشعيب قبل ما تغيب الشمس

والله روعه الشعيب ذا سبحان الله



هذا ممر السيارات



وهنا واضح جذوع الشجر مربعه



نقلت لكم عدسه MOON MAN اروع المناظر





اتمنى اي واحد يمر يرد عشان نتحمس وننزل صور لكشتات او سفرات ثانيه
تراي والله قاعد اكثر من اربع ساعات اعدل احجام الصور والرفعهن على النت

اقدم لكم تقديري ومحبتي
اخوكم
MOON MAN
وفي روايه
هاشم