معنـآة بنآت حوطة سدير .. ومآذا ينقصهم ومآذا يحتاجون

[إشراقة فجر]

حياكم الله أخواتي ..

الله يفرج لكم ..

اقترح عليكم يا غاليات ليه ماتدخلوون دار التحفيظ ؟
تشغلون وقت فراغكم فيما ينفعكم دين ودنيا
ولا تنسون الأجر العظيم
حديث الرسول صلى الله عليه وسلم: « ما اجتمع قوم في بيت من بيوت الله يتلون كتاب الله- يدرسونه-ويتدارسونه بينهم إلا نزلت عليهم السكينة وغشيتهم الرحمة وحفتهم الملائكة، وذكرهم الله فيمن عنده، ومن بطأ به عمله لم يسرع به نسبه"

وربي يوفقكم

[WALEED]

ربي يوفقكم ويسهل عليكم يارب

اختي احدى الاتي عانن من كلية الظلم والجور كيلة حوطة سدير اغلب الدكاتره يحاولون قد مايقدرون يرسبون عندهم الطالبات
وش ذنبهم ذيك بنت ماجله زواجها عقب دراستها وذيك بنت تبي تتوظف واللي تبي تكمل ماجستير لاكن الدكتور يقف عائقاً امامهم فيجعل طموحهن اضغاث احلام

والمعاهد عانينا منها لايوجد الا التنمية الاجتماعيه بروضة سدير وهي مكتفية الان من طالبات الحاسب

عندي اقتراح واتمنى يكون في عين الاعتبار

هو ان يوضع دورات في دار عائشه رضي الله عنها وعليها شهايد معتمده وخبرات
هل تعلمون انه سيحل الكثير والكثير من مشاكل بناتا واخواتنا

اعذروني على الاطاله
شاكر ومقدر لكم

شكراً لك اختي والله يوفقك

[مليت من البيت]

دلوعة اهلها / والله حاسه بمعناتك لأني مجربتها شخصيا
اغلب الدكاترة ماعندهم ضمير ولا خوف من الله
وفيه بعضهم بالعكس يراعي الله بالامتحانات والتصحيح ونسبة الرسوب ???????????????
ولكن الغالبيه العظمى العكس ولما تروحين تشكين لاحياة لمن تنادي الطاقهم ثلاث ارباعه غير سعودي
وصعبه توقف معك ضد بنت او ابن بلدها وماراح تخليها غلط بس راح تعطيك كم كلمه تواسيك فيها
لحد ماتخلص السنه ؟
ياعالم اتقوو الله كل راع مسؤول عن رعيته ومادرسنا الا عشان شهادة
ونتوظف مثلكم يادكاترة انتو وباقي الموظفين بالكلية الموقرة
كل شخص يحط نفسه مكان هالطالبات
اللي لا كليه تفتح النفس ولا تعليم صح يجبرونك على حفظ الكتاب كامل بدون اي رحمه
والبعض يطالبك بالاجابه نصا وكأننا اجهزة ولسنا بشر ننسى ويصعب علينا الفهم في بعض الأمور ؟؟
هذا غير القوانين بالخروج والحرمان والامتحانات والاعذار انظمة فاشلـه
لكن ربي يمهل ولايهمل
كل من يصعب امر على شخص راح يجي من يصعب عليه امور حياته كلها ربي يكون بعونك ويفرجها علي وعلى كل طالبات هالكلية

ميسم العطاء / اتوقع ببداية الموضوع انكتب هالكلام
دبلوم .. المجمعه فيها معهدين فقط
والروضه التنـميه .. يعني يكفي عليــهم بنآتهم
يعني ماقلنا ان بنات هالمناطق عندهم رفاهيه بالتعليم وكل شي متوفر لهم ؟؟ بالعكس قلنا يكفي عليهم بناتهم
وانا وطفشنا بما اننا من حوطة سدير شي طبيعي بنتكلم عن الحوطة وليس الروضه او خطامة
ومحد منع اي بنت من اي منطقه انها تشكي او تتكلم
بالعكس المجال مفتوح كلنا من سدير ونبي الحلول لبـــنات سدير اجمع وواحنا مانشكي احنا نطالب بأبسط حقوقنا
حياك ربي
مجنوونة الهـلال / صـدقتي والله لازم طلب قبل تدخلين الظاهر تحسين انك بتقابلين الملك ..
وياليت لما تدخلين وتكلمينهم تحصلين رد او جواب شافي
يسكتونك بكم كلمه ويقضبونك الباب لأنهم عارفين محد بيسوي شي والكل ساكت
وخايف من تهديد حمل المواد او تصعيب الامتحان .. ومن ابسط حقوق الطالبات الشاي والقهوه وساعات الراحه والخروج
وقت ما يبون هذا اللي نعرفه عن النظام الجامعي
لكن مثل ماقلتي حسسسبي الله والنعم الوكيل على كل شخص مايخاف الله

[مليت من البيت]

مطربقه / كلامك سليم وماعليه غبار والله الحلول كثيرة وموجوده لكن من يفهم ؟؟
نورتي الموضوع ويعطيك العافيه


للصمت حكمه / آميييين جزيت خيرا ومشكور ع الرد
عيون عسليه / اللي عندنا مثل ايش الكليه وخلاص اصبحت مستحيله والدورات مكتفين حتى اشعار آخر
نتعبر بايش بالله نورتي الصفحــه وحياك ربي


إشراقة فجر / جزيتي خيرا على كلامك ونصيحتك .. والحمدلله الكل يقرا ويحفظ ببيته وعارف امور دينه مع الاعتراف بالتقصير بحق الله
لـكن هذا ليس حل احنا مانتكلم عن الفراغ فقط احنا نتكلم اننا من حقنا نتوظف ونصرف على انفسنا بعد
السالفه لو سالفة فراغ كان هانت نورتي ولاحرمتي الأجر

WALEED / اختك ومازالت المعاااناة مستمرة مع بنات غير
واعداد فااادحه ظلم وحمل مواد واعادة سنه
وتجميد وغيرها طيب يارجـاااااااااااال انتم بيدكم الحل
اللي يعرف احد بالجريدة يكتب عن الكلية والظلم اللي فيها ويكتب عن التخصصات الي ملينا منها ويكتب عن ضرورة فتح معااااااااهد
بمدينة حوطة سدير الصناعيه > تضحك من القهر
والحل اللي قلته حل سسسهل ورااااائع والمكان وربي عمره مـاكان عااااائق نورت وحياك ربي

[طفشنا من الكلام]

اختي مليت من البيت كفت ووفت بالرد يعطيها العافيه

الحلول اللي قلتوها المفروض تصير من اول
وعارفين هالشي
ولو قدرنا نوصل للتجار مادخلنا هنا وكتبنا كان تصرفنا
بس احنا بنات مابيدنا حيله
نروح نحاكيهم احنا مثلا ؟!
يمكن يشوف الموضوع واحد يقدر يوصلهم ويقنعهم
بتجيهم دعوه من البنات ومن اهاليهم بعد

**بخصوص اللي ارسلولي وش مانعك تروحين الروضه والمجمعه فلوس سواق ؟!
انا اتكلم بلسان حال اغلب البنات
وبعدين كلها كم مقعد يالله يكفي بنات ديرتهم
من نكلم اننا بنشترك بهالدوره يقولون مكتفين هذا وهي مو معتمده

نبغا دورات معتمممممده
**ووش ناقصنا تطرقنا له في الموضوع

أشكر كل من مر بالموضوع منورينه يالغوالي

[طفشنا من الكلام]

[بدر ولد ابراهيم]

السلام عليكم اختي ممكن سؤال ؟؟



كم اسعار النقل من الروضه لكليه الحوطه

وبنات الحوطه كم يدفعون للباصات ؟؟

[حـــور]

الله يكون بعونكم يااارب

أخوي بدر بن إبراهيم النقل حكومي من 3 سنوات

أختي طفشنا من الكلام حبيت أوضح لك إن التنمية هالسنة صارت معتمدة من المؤسسة العامة عشان كذا صار عليها زحمة لكن أنصحك تسجلين إسمك من الآن عندهم للسنة الجاية الله يلحقنا خير يارب, بتستبعدينها لكن كلها كم شهر وتبدأ

[عذبة الصفات]

الله يكوووووووووووون في عووووونكم

فعلا كليه الحوطه يسبوونها وحده من اقاربي كانت تدرس وكانت تعاني من انواع الظلم فيها واخرتها اعرست وجت للرياض
كل من يشوفنا يقول مادرستي ؟؟ ماكملتي ؟؟ ماتوظفتي ؟؟ ماقدمتي ؟؟
وماعرستي ؟؟<<!؟

هههههههههه والله انك صااادقه هالكلمات محد يسلم منها والمشكله وش دخلهم فينا سواء درسنا او توظفنا او اعرسنا ))اللي يشوف يقوول يكدوون علينا ولا بعد ضيفي عليهم للمتزوجات كلمه((ماحملتي))

بس ماالومكم جلسه البيت ممله سهر ولخبطه النوم
الدراسه والوظيفه تنظم كل شي

الله يفرجها عليكم يارب

[طفشنا من الكلام]

المشاركة الأصلية كتبت بواسطة بدر ولد ابراهيم   السلام عليكم اختي ممكن سؤال ؟؟ كم اسعار النقل من الروضه لكليه الحوطه وبنات الحوطه كم يدفعون للباصات ؟؟

عليكم السلام والرحمه

هلا اخوي .. النقل للكليات ع حساب الحكوم زي ماتفضلت اختي حور

لكن النقل اللي تكلمنا عنه بالموضوع نقل عشان نروح المعهد او ناخذ دوره

بس اخوي انت بعدت كثير عن محور الموضوووع

كل اللي نبيه ونطالب فيه يكون عندنا معهد او دورات معتمده زينا زي غيرنا من المدن الصغيره اللي مجاورتنا

<< مادري حسيت ان مو من حقنا نتكلم ونطالب ونقترح

نورت اخوي

[طفشنا من الكلام]

المشاركة الأصلية كتبت بواسطة حـــور   الله يكون بعونكم يااارب أخوي بدر بن إبراهيم النقل حكومي من 3 سنوات أختي طفشنا من الكلام حبيت أوضح لك إن التنمية هالسنة صارت معتمدة من المؤسسة العامة عشان كذا صار عليها زحمة لكن أنصحك تسجلين إسمك من الآن عندهم للسنة الجاية الله يلحقنا خير يارب, بتستبعدينها لكن كلها كم شهر وتبدأ

يكون بعون الجميع ان شاءلله

اختي قبل تبدا كنت مسجله انا و ثنتين من االبنات
وكنت ضامنه بدخل بها لان مسجله من بدري
بس تفاجئت راحت علينا
وكلمت وعاتبت وقالو ان شالله بالجايه .. ننتظر ونشوف
الله كريم

منوره المووضوع خيتو

[طفشنا من الكلام]

المشاركة الأصلية كتبت بواسطة قمر الزامل   الله يكوووووووووووون في عووووونكم فعلا كليه الحوطه يسبوونها وحده من اقاربي كانت تدرس وكانت تعاني من انواع الظلم فيها واخرتها اعرست وجت للرياض كل من يشوفنا يقول مادرستي ؟؟ ماكملتي ؟؟ ماتوظفتي ؟؟ ماقدمتي ؟؟ وماعرستي ؟؟<<!؟ هههههههههه والله انك صااادقه هالكلمات محد يسلم منها والمشكله وش دخلهم فينا سواء درسنا او توظفنا او اعرسنا ))اللي يشوف يقوول يكدوون علينا ولا بعد ضيفي عليهم للمتزوجات كلمه((ماحملتي)) بس ماالومكم جلسه البيت ممله سهر ولخبطه النوم الدراسه والوظيفه تنظم كل شي الله يفرجها عليكم يارب

هههههههههههههه فديتك صاادقه مادري هم يصرفون علينا محسسينا اننا عله عليهم
امين يارب
منوره غناتي

[بدر ولد ابراهيم]

طيب انتو الحين تطالبو بمهعد في الحوطه صح ؟

او الروضه او الحوطه ؟ واهم شي يكون معتمد صح

[مليت من البيت]

بدر ولد ابراهيم / ايــــــــــــــــــــــــــــه صح حتى لو بالروضـه او الحوطه مو مشكله
على الأقل مكان قريب وشي معتمد وبالعكس المفروض كل منطقه له معهد
عشان الضغط لكــن الله يفرجهـا ويرزقنا باللي يحس فينـا ويساعدنا
وربي مثل ما قالو بتجيكم دعوات من البنات واهاليهم لأن جلسة البيت تضايق

[مليت من البيت]

المفروووووض يتثبــت الموضوع عشان الكل يشووووفه لو لمدة اسبوع

>> تتشررررط