...؟.....رحلتي الربيعيه.....؟....

رااس الحيه · 17-02-2007, 07:35 PM

السلا م عليكم ورحمة الله وبركاته....[/color][/size]

هذه بعض الصور من رحلتي يوم الاثنين 24/1/1428
إلى يوم الخميس27/1/1428

إلى شعيب النخيل الواقع قرب محافظة المجمعه

وروضة نوره والحقاقه

وروضه قريب من قرية بوضاء لا يحظرني اسمها

واخيرا إلى روضة الخفس
وكانت رحلتنا كالتالي...
(وهو لازم فصحى)
طلعنا يوم الاثنين بعد الظهر من الرياض متوجهين إلى روضة نوره قلنا نبي نتغدا فيها

وبعدها نتوجه للمجمعه لأن فيه واحد من عيال عمي هناك
وبعدها توجهنا إلى شعيب النخيل
لأن اثنين من عيال عمي موجودين في هذا الشعيب
ولأن الخيمه موجوده هناك

وصلنا لم عيال عمي الساعه 9مساء
صلحنا عشانا وعينا من الله خير

في فجر يوم الثلاثاء صلينا وشبينا على القهوه والحليب والشاهي

وتقهوينا وصحصحنا وضفينا معنا الخيمه..

توجهنا إلى الروضه القريبه من بوضاء

تغدينا فيها وشربنا الشاهي..

وبعدها توجهنا إلى الحقاقه الواقعه بقرب روضة نوره

صلينا فيها المغرب والعشاء

وكان الجو فيها خيااااااال

ويوم وصلت الساعه 10مساء إلا وهذاك الهواء اللي يهب علينا (هب علينا شمال)

وتورطنا لأن الرواق ما يزبن

قلنا وش السوات

قال واحد من عيال عمي مالنا إلا نطق الخيمه قلنا صعبه اننا نطقها لأنها كبيره وهواء قوي
قالوا اجل مالنا إلا اننا نزبن في السلابيق[/color](جمع سليب باق)ونخمد فيها
وفي فجر يوم الاربعاء صلينا الفجر وشبينا على القهوه والحليب والشاهي وصلحنا الفطور

وقعدنا نتمشى في الفيضه

قالوا اللي معنا وش رايكم نروح لم الخفس الشماليه
قلنا توكلنا على الله وبالفعل وصلنا هناك الساعه10 صباحا

وماكان فيه احد ابد وكان فيه عج قلنا خلونا اطق الخيمه ازين لنا قالوا توكلنا على الله ,,

ونطق الخيمه ونعين من الله خير

ويوم جت الساعه12 بدو الناس يتخاطفون من عندنا وصارت الفيضه تقل حديقة الفوطه من كثر اللي فيها
(اشوا اننا عزاب ندبر اعمارنا)

قلنا اجل من اللي بيتولى الطبخ اليوم قال ولد عمي
ابو عبد الله ازهلوها قلنا كفو والله

ويضبط لنا هاك المضغوط والقرصان

تسلم ادياتك يا ابو عبد الله

نسييييييت اقول لكم عن الخروف اللي لقاه عبد الكريم ولد عمي

لقا له نجدي حول ما يموت من البرد(لقاه في الحقاقه)

خذه وشربه حليب وضبطه ونظفه

وصار كنه واحد من عياله

نرجع لموضوعنا بعد ما تغدينا شبينا على الشاهي وبدت السواليف تروح وتجي إلين المغرب

صلينا المغرب والعشاء
وبدينا نصلح ما جنيناه من حندقوق(بابونج)

يوم الخميس الصبح صلينا الفجر وشبينا على القهوه والشاهي كالمعتاد.
قلنا طيب وش نسوي اليوم قالوا نروح نتمشى في الفيضه ونتمشى على شعيب محرقه الواقع قرب الفيضه الشماليه من روضة الخفس.......

فيه بزبوز نسيت اقوله لكم مخترعه ولد عمي الصراحه اختراع رهيب

هذي لقطه وداعيه لخروف عبد الكريم

هذه الرحله بإختصار وارجو ان تنال اعجابكم

واعذرونا على القصور.....
*·~-.¸¸,.-~*محبكم: مصعب بن خالد العبيد*·~-.¸¸,.-~*[/QUOTE]