--(( ياحمامه كفّي الله لا يجزاك خير))--

[سعود الخليل]

[poem=font=",6,,normal,normal" bkcolor="transparent" bkimage="" border="double,4,darkred" type=0 line=0 align=center use=ex num="0,black""]
ياحمامه كفّي الله لا يجزاك خير = من صلاة الصبح وانتي تجرين النياح
كان من جور المحبه غدا شرك شرير= والله اني ذايق قبلك السم الذحاح
وكان لوعاتك من الوقت ومفارق عشير =والله ان قلبي من فراق خله ماستراح
وكان مفجوعه على فقد عش مستدير = والله اني فاقد شوف نجد والفياح
من سمعتك ياحمامه وانا ماقول غير = لي متى هذا الشقا واردف الونه صياح
ماعليك خلاف عندك جناحين تطير = مير انا وشلون ابنزح وانا مالي جناح
مالي الا اسوق قلبي مع الغربي عصير =واسهر عيوني ليامن شعاع البرق لاح
اتذكر واتوجد على مافات مير = ماورا زود التوجاد والذكرى صلاح
قبلنا شالح توجد على اخوه الصغير = راح اخوه وعقب ماراح ذيب الخيل راح
واتوجد وجد من صار شره مستطير= وجد سعدون العواجي على طيور الفلاح
كل ليل وعبرتي تبتدي عقب الاخير = تبتليني دمعة العين لا حد الصباح
والبلا لاصاح قلبي ورا الضلع القصير = عوية الذيب المذير مع الحزم البراح
لابغيت ادله من الهم وانسى واستخير =حدني من حده القوم بزنود السلاح
من بعد نجد العذيه وانا ماني بخير = التفت لااقفيت عنها تلفات الطياح
واتثاقل خطوة الرجل واقدامي تحير =وكن صدري باجداته زواريق الرماح
ويوم اجيها مثل ورد الضوامي للغدير=اتعجل في المجي واتباطا فالمراح
دبرة الله مجري الفلك فالبحر الغزير=جاري حكمه علينا مثل مجرى الرياح
واتعبتني حاجة وردتني كل بير = وارتو ي هماج والناس يروون القراح
واحدٍ حضه يشيله على شداد البعير = واحدٍ حضه لاشاله تكرسع ثم طاح
من ثلاث سنين وانا اتحرى للبشير = والبشير ابطا وانا سدي من البعد باح
يابشير الخير عجل عسى دربك سفير = لا تخلي للسهر جفن عيني مستباح
كل يوم نقول يجي منك نذير = وانقضت الايام والحين ماصار اللقاح
ما تورّد جمة البير بسلوك الحرير = ولا اطلق المسجون هرج التعلل والمزاح
مالقينا فالزمن كود ما يلقى الفقير = طامع فالمال والمال في يدين شحاح
يدري الله والعرب ما دروا باللي يصير = مير نوحي ياحمامة واجاذبك النيايح
[/poem]

للشاعر المبدع خالد بن مدعث الدوسري ،،، من شريط المقناص 2

[$همس$]

::

تبارك مولاي

ذائقة مميزة وانتقاء رائع

بارك الله فيك أخي الفاضل ..

[أنــ(تويمي)ــا]

مير نوحي ياحمامة واجاذبـك النيايـح

صح لسان الشاعر الرائع ابن مدعث

وعشت يا ابو عبدالعزيز على النقل والإختيار الموفق

تحية طيبة

[سعود الخليل]

$همس$

حياك الله ... والف شكر على تواصلك ..

[سعود1111]

صح اللسان الشاعر ولاهنت اخوي على الطرح المميزوالجميل
ارق تحية

[سعود الخليل]

أنــ(تويمي)ــا

حياك الله طال عمرك ...

والف شكر لك انت على اهداء الشريط الجميل والذي انتقينا منه هذه الرااائعة ..

[سعود الخليل]

سعود1111

يعطيك العافيه على تواصلك ،،،،

[القيصـــر]

السلام عليكم




الله الله ... عليك
لا أجدني إلا مذهولاً مما قرأت
لا أجدني إلا متربعاً بين الصفحات
هنا ... فقط ... هنا المتعة والجمال
قلم وارف ... وأحاسيس مبتهجه
وأنامل إعتادت .. الأناقة
لك إحترامي وتقديري
أيضاً أنت يا ( راعي الأوله )
دمت بخير

[طالبة المعالي]

ماشاءالله قصيدة رائعة .. بوركت أخي القدير على نقلها وجزيت خيراً ووفق الله
الشاعر خالد الدوسري وبارك فيه ..

[عمر بن عبدالعزيز]

صح لسان شاعرها

وسلمت يمنى ناقلها

سلمت ياراعي الأوله

[سعود الخليل]

القيصر


ياهلابك يابو عبدالله ... ومشكور على مرورك وتواصلك المميز دائماً ..

[سعود الخليل]

هند السبيعي

مشكوره على تواصلك الكريم ،،،

[أبوعدي]

راعي الأوله

صح لسانك ولسان خالدالدوسري

وكان لوعاتك من الوقت ومفارق عشيروالله ان قلبي من فراق خلـه ماستـراح
وكان مفجوعه على فقد عـش مستديـروالله اني فاقـد شـوف نجـد والفيـاح
من سمعتك ياحمامه وانا ماقـول غيـرلي متى هذا الشقا واردف الونه صيـاح


كلمات في في قمه الأبداع

[سعود الخليل]

عمر بن عبدالعزيز

حياك ربي ومشكور على تواصلك ...

[سعود الخليل]

ابو عدي

حياك الله ومشكور يالغالي على تواصلك ،،