تقرير عن المقناص في الساحل

[اتيكا]

هذا الموضوع مكتوب بقلم أخوي حوران

ولكن بسبب عدم أمكانيه التسجيل في المنتدى طلب مني أن أنزله بالنيابه عنه

فله منا جزيل الشكر على موضوعه المفيد وأن نرى المزيد من مشاركاته القادمه

المشاركة الأصلية كتبت بواسطة   باقتباس من مشاركة حوران اخواني الاعزاء.... قبلل البدء في الموضوع احب ان اجزأه الى عدة نقاط: أولا:الصقور ثانيا: المقناص والطيور المهاجرة ثالثا : مقتطفات من المقناص رابعا : مشاهدات هذه نبذه عن المقناص في الشعبية ليومي الخميس والجمعة 1- سأبدأ بالطيور التي طرحت طرح طير وكري فرخ مزيون بالحيل ابيض الراس \ وانباع بثلاثة الاف عند دعاجين ولحقت قرناسة بحرية في منطقة الزيتية بالشعيبة لكنها روحت فووووق واليوم (الجمعة) قبيل المغرب نزلنا انا وخوي من الموتر ندربل قبل التحلية عند الجزيرة وفكيت برقع الطير عشان يتنفه ويلاحظ لنا الطيور ولاحظ خوي ان الطير يقلب راسه للأعلى وناظر بالدربيل الا هي شيهانة الوقت اللي برقعت الطير وشلنا عفشنا راحت يم البحر 2- بالنسبة للطيور المهاجرة : -السمان يوم الخميس لم يظهر الا قبل الظهر بنصف ساعة بكمية طيبة اما الجمعة فما شاء الله الصيد بالكوم - القمري في اليوم الواحد ممكن تلقى اربع اجواز ولكنها ماتنزل على الشجر - الكروان ماشفنا الا ثنتين فقط - الدرج موجود بقلة 3 - قام بعض الاخوة من القناصين بوضع شبك للسمان والقماري في مساحة 400 م وقام بوضع سماعات ووصلها بمسجل به صوت للسمان لكن كانت اضرار الشبك كثيرة حيث ان عدد كثير من الطيور الصغيرة وغيرها تموت فيها ولا يستفاد منها . كان الجو بارد جدا صباح الجمعة لدرجة اننا بالقوة صلينا الفجر لكن العكس كان في الظهر حيث السافي والعج الشديد 4 -

[المولع]

الشكر موصول لك يا اتيكا و للأخ العزيز حوران على هذا التقرير الاكثر من رائع ...

الله يعطيكم العافيه ......

[المعنّى]

انشهد عااااشو النشااامى
وعشت اخوووي اتيكاااااا على هذي الموووواضيع المتميزه والشكر برضووو للاخ حورااان المرااااسل في الساااحل بس ما ادري ما عطيتونا علوووم دسمه عن الصيد هناااك وهل هي ما يحتاااج او لا يعني نروووح هناااك او الشوووكي ويخب علينا
بس ما اقوول الا ياااحضكم يااا سكااان سدير لاقينها ما شاااء الله عليكم الصيد وافر عندكم اياام الاسبوووع واحنى ما كلينها خابور خميس وجمعه وماا لقينا شي
على العموووم الله يجزااكم بالخير وعلى راااسكم اتيكا انشهد انه شمعه المنتدى وخاااصه منتدى الصيد والله يعااافيه على مواضيعه المتميزه الي تسعد الجميع .......

[هادي]

مشكور يالتيكا وانت ياحوران
بس لي ملاحظات ولا تزعلون

حنا نمدح ولا نبين العيوب وهذا غلط

الصور جيده بس فيها عذروب صغير ودققوا النظر وتدرون

الصورة الاخيره بومه ميته ؟؟؟
ليش مو هي من البيئة ويجب ان حنا نحافظ على بيئتنا ( يمكن يقصد انها ماتت من الشبك ؟؟؟)
المعلومات مصدرها شخصي ولا بين لنا وش يقصد بالضبط مثال ( سأبدأ بالطيور التي طرحت طرح طير وكري فرخ مزيون بالحيل ابيض الراس وانباع بثلاثة الاف عند دعاجين )؟
على العموم جهد مبذول ويعطيكم العافيه وهذا اجتهاد

[مفتون صيد]

مشكور اتيكا على المتابعه المميزه

وسلمني على الاخ حوران على المشاركه والصيد ماشاء الله علومه زينه معه ونتمنى له ولنا صيد وفير ان شاء الله
وتقبل التحيه

[اتيكا]

المشاركة الأصلية كتبت بواسطة   باقتباس من رساله أخوي حوران اخوي الحبيب اتيكا.......اسأل الله العلي القدير ان يرفع قدرك في الفردوس الاعلى والاخوان اجمعين اشكرك على هذا التعاون البناء معي واشكر الاخوان على تواصلهم اخوي المولع :شكرا لك على هذا التقدير الذي لا استحقه اخوي المعنى : الله يعافيك وابشرك ان الأيام القليلة الجاية بيكثر عندنا السمان والقماري والكراوين والعلوم الطيبة لدرجة انك تصيد بالشبك والله يعين الجميع اخوي هادي : شكرا لك اخي الغالي على هذا الكلام الطيب وبارك الله فيك بخصوص البومة حنا اللي صدناها كنا نظن انها نوع من البومة يكون مهاجر يسمونه الكندرة مفيد جدا للصقور لكن لم يكن هو اما بخصوص الطير الوكري فهو مهاجر وقام بعض القنوص بشبكه وهم من الدعاجين(الدعجاني) وقاموا ببيعه هذا هو المقصود 0 اخوي المشرف مفتون صيد : اقدر لك مرورك على الموضوع البسيط الذي تشرفت بزيارة الاخوة له وجزاكم الله خير والشكر موصول لأخي الغالي اتيكا

[ابو صالح]

اخوى اتيكا مشكورررررررر

اخوك ابو صالح