للمقناص نكهته الخاصة التي تميزه عن غيره وخصوصاً عندما تتذكر مواقفك التي لم تمحها الأيام من ذاكرتك 00
إليكم هذا الموقف وهو من شعر خضيرالمدعج عام1415هـ بعنوان قصة صقار وسياره خرده وهو هديتي لكم وأتمنى أن تحوز على رضاكم وتنال إعجابكم
[c] صقّـار وسيـارة خـردة [/c] [poet font="Simplified Arabic,14,black,normal,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]
روتين يومي بالمـلل فـي ما صار=امسيت واصبح بالملل دون تغــيير
من ضـيــقتـي هجيــت للبــــر دوّار= حتى اسلي خاطري بالمـــــداويــر
من شـان تفرج ضيقـة منه محتـار= مالي جدى بقضاه كود التعــــابيـر
يازيــن بـرّ0شيّخ القور واشجـار=اخـير من اهل الصوبنه المـزامـير
ترويـح نفسي غبـته ياهــل الكـار=من صمته المسموع عسى الامل خير
لعــل تاتــي بالفــيـافـــي لي اشعــار=في خلوتي يسطع بها الشعر وينيـر
وركـبــت ددسـن ضفقــها كنه الطار=وشيش راسي سبته رخوة الســيــر
مثل الجــراده مشـيـها يمـين ويسـار=ومن فوق هذا مابها جـيــك وسبيـر
وزامت وزامتبـــي وبها الكــفـردار =وغنّت لي اللجه وهيجن لي القيـــر
يممتها يم الرهاريه عن قار=أخشى عليها تنثبر بالمثابير
وراحت تدهدى وتنتفض مابهاانـوار = قبل عتام الليل امشي بها مسـير
أمسيت انا في صحصح قبل الافطار=قبل غياب الشمس في حزة اعصـير
ماغير انابوسط الخلا وطير سنجار=حزة غروب ورذرذت توّها مطير
بفاروع افطح حفرتي كنها وجار =وشبيت ضوي بالخلا كالصقاقير
ضوِِّ يصوت بالخلا لباغي النار=نار تلظى بالدجا للخطاطير
من شان ياتي ساري الدو سّيار=ويرزقني الله بالوجيه المسافير
وجوني نشـاما شاقهـــم منـي اخبــار=عن الحباري شاقهم هدت الطـير
من جودي الماجود من بن0 وبهار=بقدر الثلاثه درتها للمناعير
وساْلت وقالوا كلها سيول و امطار =كل الشغايا بدربنا سيلها يزير
الارض لانت من عطا ربنا البار=رحمة كريم باْول الوسم تقدير
شعبانها من سيلها عدها انهار=تبل.ومظلّه .وواد المحافير
واستاذنوا طرالهم كم مشوار=على جديد ينعبي للمشاوير
اقفوا على اللىنوضته كنها اعصار=عتوى زعوج من عتاها المعاصير
زيزوم برٍ0يطوي البعد فكس آر =ياباني التجهيز أطرم مسامير
اقـفـى أخيله بالنظر يـشّر اشّار=لمعة اسطبه بالمداقر له تشير
وذكت ربي ألا يالله ستار =الله يفكه من صدوف ومعاثير
اصبحت برضي بين ظني والافكار=الصبح ضاح وغردت له عصافير
ونويت اسير بقدرة مقدّر اقدار=في حكمة المعبود من دون تخيـير
احد انا الددسن عن السيـل وحجار=مع العزازه انتحي عن عـــــواثـير
وصدفه لمحت الي تذرى عن اخطـار=برقا تددسس بالشجر عن مشاهـير
بطراف روضٍ به نماميص واخضـار=بعد الندى من شرقة الشمس له نـير
قــومتـــها لحســـام والحقتـــــه طيار =واوما جناحه خلفها مومي الســير
صـــايـم ثــلاث أيــام من جورنا جار=وشاف الحبارى ناوي دمها مـــير
كــامـل0 مكمــل قــوبعـــيّ ليـا طــار=يحوّل بها من غيهب الجو تصخـير
اجسـر0 جسـوربالهــدد تقل مغـــــوار=ياقل جنسه بين عوج المنــاقــقير
كبير كـف ا حتـوت باربع شطـار=موت الحباري لمسته بالمـواخير
بياض راسه زبـــــدة الضان لانـظار=حتى الاباطــــــي مثل راسه مغاتير
القوبعـــه من ريشـها تقــل مخـتـــار=خفي مقفى ماتحوشه منـــاظــير
طـلاّع0 لحـــّاق اْبرق الريـش نثّـار=ياويويل من هي بالسماء صابها ذير
قطعة غضب ان شافهابالغضــب ثار=الجو ملكه والحباري مخـــامـــير
الطـير اقفـى بالحبـارى ورى الطـّار=وفزيت خلفه بالقرنبع انا مغـــير
وخانتني اللي خوضعت كنها حـمـار=بارض الليانه غوصها للمــداقـير
حوّلـت0 عنها وخالي العقل منــهار=الطير ولّى وانا شبوحي مباصير
كنّي مريــض ضيّع الميــز بشـهـار=ثورت جنونه ماحتوتها الدكاتـير
عدو عيني بالولع0 صار صــقـار=سوّى سواتي وانقــرد كنه خضير
[/poet]
17-11-2002, 09:35 PM
العرض العادي
