يا متعب القلب

[فقيدة امها]

يا متعب القلب قلي ويـش غلطاتـي
ان كنت انا اقدر اعدلهـا .. بعدلهـا

لاصرت تجهل عناء الدنيا وضيقاتي
من دون ماشرح لك اوضاعي تأملها

الوقت ضدي حرمني من ملذاتـي
والصد بعدك ذبح روحي .. وكملهـا

لا لايغرك كثير الصمت وسكاتي
خل المشاعر تقول ( الآآآآه ) وإسألهـا

يسكني الحب واضح من عباراتـي
وش عاد لجلك حروفي لـو أدللها

عذبني الشوق واسرفـت بخيالاتـي
روح ٍ تحبك دخيلك ليش تهملها

ياليتك إشوي تشعـر فـي معاناتـي
دنياك يمكن عليك تضيـق باكملهـا

الحزن كنه سفيـري فـي علاقاتـي
والهم خيّم على حالـي وطولهـا

اغديت دربي وتاهت فيـك خطواتـي
كل المواعيد مدري ليـش تجهلهـا

سنين احاول وضاعت كـل حيلاتـي
ماتدري اني ( حيـاة الـذّل ) مقبلهـا

لاجيتك أسال وادوّر فيـك ضحكاتـي
كنك تعمد بيديـك اليـوم تقتلهـا

لا تترك الظـن يلعـب باحتمالاتـي
الكلمه اللي تحزّ بخاطـرك قلهـا

تعال شفني وحـس بحـال لوعاتـي
كن الدقايق بدونـك عـام مطولهـا

متى التباشير بقدوم ( الغـلا ) تاتـي
فرحة زماني بشوفـك مـا تخيلهـا

خلاص صبري تعـدى كـل هقواتـي
اتعبت نفسي ( اعزيهـا وعللها )

ابيك تنسى وتدمـح كـل ( زلاتـي)
بعض البشر صعب مانقـدر نزعلهـا

والحين جيتك ابمسح كـل غلطاتـي
دنياي دونـك وربـي ماتحملهـا

[نور الأصايل]

سلمت الأيادي على الأبيات الرائعة
لا هنت مشرفتنا على النقل
جزاك الله كل خير

[صياد دمشق]

مشكورة على الابيات الجميلة يامشرفتنا وصح لسان قايلها وجزاكِ الله عنا كل خير

[فقيدة امها]

المشاركة الأصلية كتبت بواسطة نور الأصايل   سلمت الأيادي على الأبيات الرائعة لا هنت مشرفتنا على النقل جزاك الله كل خير

الله يعافيك ويسلمك مشرفنا الكريم نور الأصايل
دائما تسعدني إطللتك أخي بين أحرفي بارك الله فيك
أشكرك علي حضور ومرورك
جل شكري وتقديري لك

[عبدالرحمن الفهد]

مسروق الألم من حظـن المسـرات

ومطعون الهوا فـي كـل لحظـات..

ياما عطيتـك ولا قلـت لـك هـات

بصبر على حبك ولو كلـي آهـات..

للـو يحـاول عاذلـي ويـاك مـات

ماقدر يهزني بـك كـل الأوقـات ..

اأدري بقلبك تقول هذي هـي جـات

تسأل عن الماضي وروح الذكريات ..

ماأبي أعيد الولـه وكـل مـا فـات

ولا ابغي أقلّب للمواجـع ملفـات ..

لأن اللي بيني وبينك ماهو بصفحـات

اللي بيني وبينك حـظ وساعـات ..

جابنـي الحـظ عـنـدك بغلـطـات

يوم خطت إيدي هـاك الرسـالات ..

وضيعت قلبي وخذتني ذيك الاتصالات

أصحى على صوتك وأفز لك حزات ..

وياليتني ماضعت في زحمة الأصوات

وياليـت ودّع قلبـي حياتـه بدقـات
...................................
مجرد : شعر
بدون : ز ع ل
ولاحد : يفهم غ ل ط

[خفوق إنسانة]

تسلمين ع الاختيار اختي فقيدة امهآ

[فقيدة امها]

المشاركة الأصلية كتبت بواسطة صياد دمشق   مشكورة على الابيات الجميلة يامشرفتنا وصح لسان قايلها وجزاكِ الله عنا كل خير

حياك الله أخي الكريم أبو هاني

أتشرف دوماً وأسعد بتواجدك الرائع في صفحاتي

بارك المولى فيك واسعدك الله

لك كل التقدير وجل الأحترام