وش برنامجك ايام العيد؟؟

[جنون]

السلام عليكم..
كل عام وانتم بخير وصحه وسلامه..
وتقبل الله منا ومنك صالح الاعمال..
حبايبي موضوعي باختصار كل واحد يقول لنا وش برنامجه ايام العيد..
تسافر لاهلك والا كل وقتك نايم..
تعيد في الصبح والا في الليل..
والا ماعندكم عيد ابد..
واذا لك نيه سفر على وين؟؟
ومن هالكلام..
يعني الموضوع ومافيه دردشه وسواليف وسعة صدر..


يالله ابي تفاعلكم معي..
انتظر اخباركم وعلومكم..

[يـــزيـــد]

السلام عليكم

انا برنامجي باختصار بروح لسدير ليلة العيد

وبتعيد هناك وربك يحلها ماندري مع الشباب !

[أبو إبراهيم]

أنا أول أيام العيد في الرياض

ثم ثاني أيام العيد في سدير إلى ماقبل الدراسه بيوم إن شاء الله

[جنون]

المشاركة الأصلية كتبت بواسطة يـــزيـــد   السلام عليكم انا برنامجي باختصار بروح لسدير ليلة العيد وبتعيد هناك وربك يحلها ماندري مع الشباب !

عليكم السلام..
هلا وغلا باخوي يزيد..
الله يكون في عونك..
اجل ماتدري وش اوضاعك..
تروح وترجع بالسلامه ياغالي..
والله يهينيك ويسعدك في ايامك كلها..
شاكر لك ياغالي المرور والرد اللي نور موضوعي..
عسى الله لايحرمني منك..

[جنون]

هلا فيك اخوي الغالي ابوابراهيم..
نورت موضوعي بطلتك..
وياجعل افراحك دااااااايمه..



******

لكل واحد رد على موضوعي وانحذف الرد..
الله يعطيكم الف عافيه..
والله لايحرمني منكم كلهكم..
وياجعل ايامكن كلها فرح وسعاده..
انا اعتذر ودي اذكر كل واحد باسمه بس اخاف انسى احد..

للجميع..
الف شكر لكم..
والله لايحرمني منكم..

[مرهف]

[frame="1 80"]السلام عليكم

أخي الغالي جنون

موضوع أكثر من رائع ..

بالنسبة لي ..

فترة النهار هي استقبال الضيوف ( المسيرين ) علينا ..,,

أما الليل ، فيمتلئ بالزيارات الخارجية والعزايم ..

تحياتي الحارة !![/frame]

[مشــاعر]

.
.

والله برنامجي اول يوم كان الصبح عيدنا عند عمي الكبير,, وفي الليل عيدنا عند جدتي,,

اليوم الثاني كان عيدنا عند جدتي برضو وتجمعنا كلنا,, لكن خرب عيدي الساعه9 الليل ومرضت ,,

وثالث يوم في البيت لاني باليالله اتحرك ,,


مشكور جنون على الموضوع

.
.

[حمد]

يا هلا بك جنون

معليش توني اقدر اكتب رد


المهم

اليوم الأول طبعا في الديره ما نطلع من الصباح نصلي العيد مع الجماعه


ثم نروح للمعيد . وبعدها ارجع للبيت واصفطها نومه


بعد العصر راحه ما نطلع

بعد المغرب نشغل السياره ونروح لقرايبنا خصوصا الكبار و نسلم عليهم

ونتعشى عند واحد من الأعمام دائما كل عيد العشاء عنده .

ثاني العيد تبدأ اللخبطه بالنسبه للخطامه في دوره رياضية تبدأ العصر وفيه مباراه ثانيه بعد المغرب

يعني اللي يبي يتابع الدوري الانجليزي يجي الله يحييه


في الليل الملتقى


ثالث العيد اليوم ولله ما ادري ما بعد خططت وش بسوي



لكن اقرب شئ اني بتصل على بعض الشباب ونشوف لنا طلعه يمين او يسار



رابع العيد .. نحزم الشنط وعوده للعاصمه الرياض

[مجنووونه]

السلام عليكم و رحمة الله و بركاته
يوم العيد بدايته في ال الرياض. ثم انتقل ياللاسف إلى سديير لكي اتعيد بين غسيل القدور بعد ما ينبسط الرجال و بين غسيل العوده من الملتقيات ( للرجال فقط ) و شعار البنات يقول: ( عيدنا بين قدووورنا احلى ).
الثياب بعد

انااااشد المسؤلين عن هذه الملتقياااااات الرجاليه بغطااااء الدين .
ان للنساااااااااااء حق في المشاركه في هذه الملتقيات فلا تحرمووها . وتجعلون عيدها فقط استقبال اوسخكم بعدما تفرحون و تمرحون.
اشكر مشرفي المنتدى على حريه التعبير





اعذروني مجنوووووووونه

[جنون]

المشاركة الأصلية كتبت بواسطة ميشو   [frame="1 80"]السلام عليكم أخي الغالي جنون موضوع أكثر من رائع .. بالنسبة لي .. فترة النهار هي استقبال الضيوف ( المسيرين ) علينا ..,, أما الليل ، فيمتلئ بالزيارات الخارجية والعزايم .. تحياتي الحارة !![/frame]

عليكم السلام ورحمة الله وبركاته..
الله يعطيك العافيه على البرنامج الرائع..
والله يسعدك في دنياك وآخرتك..
شاكر لك الرد اللي نور موضوعي..