السلام عليكم
( شعراء قد أضلوا الطريق ) فأظلم ( بوح القوافي )
إنها تساؤلاتٌ عِدة
تُبحر بنا في أعماق الشعر
حتى رست على شواطئ ( الغياب )
نعم الغياب .. الذي سيطرعلى أقلامهم
فما عادو( يهيمون في كل واد )
الغياب الذي سلب منا المتعةَ
حتى جعلنا نتوقفُ لحظات
مع ( قصائِدهم )
فهذا يُحب ( الوطن )
وذاك يتغنى بعنفوان القِيم
وامراءةً سكنت ( قلبَ شاعر )
فصار يُطّوع الحرفَ من أجلها
وشاعراً قد دافع عن النبي
صلى الله عليه وسلم بأجملِ الدرر
وأعذب المعاني .. وأرقى الجُمل
وشاعراً أنهكته ( ظروف ) الحياة
فصار يأتِ بالحرفِ على كل إتجاه
وأخر .. قد سكن الحزنُ قافيته بفراق أحبته
أين أنتم ..؟
سؤالٌ يدور في أذهان من يرتاد ( بوح القوافي )
أترككم مع مقتطفات مع شعراء
قد كانوا يصولون ويجولون هنا
وفجأة إختفوا دون سابقِ إنذار
فهل هذا الإبتعاد ( الهدوء الذي يسبق العاصفة ) ..؟
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
الموقف اللي شل قلبي من اقصـاه=ثلاثة أخـوان ٍ بلحظـه يموتـون
قدام عينـي شفتهـم ثـم قلـت آه=والناس وقفوا جنبهم حيل يبكـون
أولاد شيخ ٍ عالـي ٍ فـي مزايـاه=الكل يشهد له على الطيب والعـون
راحوا حشاشة جوفه بيوم ماقسـاه=تالي نهار الأربعاء قبـل يمسـون
عبدالله أكبرهم ترى المـوت لاقـاه=الله يغفـر لـه خطايـاه بالهـون
واخوانه انتثـروا يمينـه ويسـراه=وانقبضت ارواح ٍعلى الخير يسعون
يرحمك يا عبـدالله اللـي فقدنـاه=وعساك تسقى من جنان ٍبها امزون
يبكيك مسجد فاقـدك فـي مصـلاه=وتبكيك سجـاده ويبكيـك مـأذون
ويبكيك شيخ ٍ معتدل فـي سوايـاه=وجماعتك واللي وراكـم يصلـون
وعبد السلام اللي جميلـه مخـاواه=روح وقفـى مـع عبـاد ٍ يقفـون
بطاقتـه فـي يـد واحـد بيمنـاه=يومي لمحته أصبح القلب محـزون
وعبد اللطيف اللي صغيـر ٍبمبـداه=أقفى مع أخوانه لقبـر ٍ يروحـون
الحزن عم سديـر داخـل قرايـاه=والكل صار اليوم يانـاس مطعـون
ظهر الخميس بحوطة سدير ويـلاه=صلو عليهم ثـم راحـو ويمشـون
وتوجهوا للروضه بضيـق ممشـاه=والكل تحت القبر هو صار مدفـون [/poem]
خالد بن محفوظ
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ترى المراجل كايده تصعب على بعض الرجال=صعبه على اللي مامشى في دربها يومه صغير
تصعب على اللي لابغى يعطي تحسّف باالريال=حتى على نفسه وبيته قد بخل هذا الفقير
وناس(ن)تحسب المرجله بالبشت وشماغ وعقال=ولاّ الى منه مسك منصب غدى هو المدير
وبعض الرجال بصيتها تصعد على روس الجبال=واكبر مثال ابوفهد معروف في حوطة سدير
راعي الكرم صالح والى منه فزع جاله مجال=لآمن نخيته حل موضوعك ولو انه عسير [/poem]
محمد السيف ( موادع )
[poem=font="Simplified Arabic,4,white,bold,normal" bkcolor="darkred" bkimage="" border="none,4,gray" type=0 line=0 align=center use=ex num="0,black"]
جمانـة القلـب أنـت الحـسـن أعشـقـه=وأنــــتِ فــيــك الــوفــاوالله حــيــاكِ
كــم هــام قـلـبـي وأشـــواقٌ تـحـرقـه=يـرنـوإلـيــكِ ويـشـدوحـيــن يـلــقــاكِ
جـمـانــة الـقـلــب نـارالـوجـدمـوقـدة=بأضلـعـي وحـــروف الشعـرتـهـواكِ
وتطـرب العاشـق الهيمـان فــي ألــقٍ=ضـــمَ الــســرور ودارالعـزمـغـنـاكِ
تــزورفــي روضـةغـنــاء يـأسـرهــا=وجــهٌ بـشـوشٌ مضـيءٌمـن مـحـيـاكِ
أضحت تناغي زهورالروض يطربها=صـوتٌ نـديٌ يسلـي البلـبـل الشـاكـي
يـنـسـاب مـــن شـفــةٍ حسنايعـطـرهـا=ريــقٌ رضــوبٌ ولـفــظٌ رائـــقٌ زاكِ
عيـنـاكِ سحرهماسـهـمٌ أصــاب فـتـى=أقـــضَ مضـجـعـه شــــوقٌ لـلـقـيـاكِ[/poem]
( عبدالله الغانم )
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا اشهد ليلي ألبارحه طويل ولا عرفت النوم=تغربي هجوس غيـر وللمشـرق هجوساتـه
أفكر في زمـان فـات وأفكـر بحـال اليـوم=عسى الله يفرح الخاطر ويفرج كـل كرباتـه
تقاذفني بحور الهم واحسبني نسيـت العـوم=على خبري أجيد العوم ما اتعب من محيطاتـه
على خبري قوي ألباس و عزومي قوي عزوم=بعون الله يزول اللي جرى وأنسـى معاناتـه
هجوسي ماله ساحل هجـوس حدهـا معـدوم=ويتعـب خاطـر الرجـال تفكيـره وسجاتـه
قضى ليلي على فراش العنا ومسامره مظلـوم=يا طول همومها ليلي معه يـا ثقـل ساعاتـه [/poem]
( عبدالله بن سعود )
[poem=font="Simplified Arabic,5,white,bold,normal" bkcolor="darkblue" bkimage="" border="none,4,gray" type=2 line=0 align=center use=ex num="0,black"]
جتني تودعني تقول بطوي معك صفحه مضت=جتني تقول ان الوفا هـو الأسـاس بدنيتـي
بفارقك غصبٍ وانا نفسي وربـي مارضـت=بفراق محبوبٍ سكن بين الظلـوع بمهجتـي
قالت ترى قسوة ظروف ابحكمهافينافرضـت=تنهي معالم حبنـا وابقـى اسيـرة عبرتـي
وقْفت تناظرني بحزن ومن عينهادموع نزلت=تبكي قهرهـا قايلـه الوقـت عثرخطوتـي
اسف حبيبي عشرتك من دنيتي كيف انقضت؟=يا للأ سف هذا الزمن خلاك نزفـة دمعتـي
قلت اتركيني وارحلي وبوقتها عينـي بكـت=مدري اعيش ابهالزمن والا اموت بحسرتـي
فاضت مدامعها بألم من عقبها عني رحلـت=تحمل المهـا بقلبهـا وانـا وحيـد بعلتـي [/poem]
( ناصر الحنو )
[poem=font="Simplified Arabic,5,teal,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا لليل ضافي والقمر فيـك صافـي=ليلة عشر واربع من ليالنـا البيـض
فيك السوالف مـع صديـقٍ اسنافـي=تطرد هموم القلب وتهيضه تهييـض
وفيك الشعر يحلـى ونظـم القوافـي=لا هب نسناس الهـوى زاد بالفيـض
بأعلا عـروقٍ مـا يجيبـه سوافـي=وسط النفود الرمل ممحوض تمحيض
فيـه الهبـوب مدغـدغٍ بالهفـافـي=يطفي براده حر في جمـرة القيـض
خاطر خطـر للفكـر وللبـال لافـي=وفزت قريحة اجهضت خوش تجهيض
يالليل ضافي والقمـر فيـك صافـي=ليلة عشر واربع من ليالنـا البيـض [/poem]
( عبدالله الشويمان ) الرعد
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
يبوسنـي والمـوت بينـي وبينـه=تخيلوا بوسة على جمـرة المـوت
اخـوي خلاهـا نهايـة سنيـنـه=وخلا لها في داخلي دايـم صـوت
عزاه يا هـاك العيـون الحزينـه=يوم اغمضت والحزن جواي مكبوت
وتخيلونـي يـوم غطيـت عينـه=تدرون كيف الحزن بالصدر منحوت [/poem]
( سليمان بن سريع )
[poem=font="Simplified Arabic,5,green,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
توبة فلاندخل بسـوق الهواميـر=وان كان خالفت العهـد ربطونـي
ياسوق ساقتني عليـك المقاديـر=والمجرميـن بداخلـك نتفـونـي
واليـوم بعلنهـا بليـا محاذيـر=هروب من سوق البلا صدقونـي
حتى ولو عيـن محمـد مهاتيـر=السوق منهك من كثير الطعونـي
صعبٍ علاجه قطعتـه الصواطيـر=سراقتـه فـي غيهـم يسرقونـي
ماخافوا المولى حكيـم التدابيـر=الله عليهـم دامهـم يمكـرونـي [/poem]
( مشعي بن بريكان )
[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالو تزوج قلـت ويـن الدنانيـر=العرس يبغى مال والجيـب خالـي
بذات في ذا الوقت وقت المخاسيـر=وشلون تعرس دون دفـع الريالـي
المهر خمسين ألف من دون تقصير=وإن قصر ألف يقال مالك مجالـي
ذولي ميبغـون الستـر للغناديـر=ماهمهـم إرخــوم وإلا رجـالـي
يالله تـقللهم بــدار المناعـيـر=ولا تكثـر سقطـهـم والحثـالـي
أنا أشهد إن العـرس أول تياسيـر=مابه تكاليـف ٍ علـى كـل حالـي [/poem]
( ناصر العبيد )
[poem=font="Simplified Arabic,4,white,normal,normal" bkcolor="teal" bkimage="" border="none,4,gray" type=0 line=0 align=center use=ex num="0,black"]
الناس عندي مثلهـم فـي الابجديـه=لاخان الفي على البا شـدت ركابـي
درب مشيته اليـا تعبـت خطاويـه=ماشيه ماشيه لو مشيي على اهدابـي
وان كان حت الهدب من هالشقاويـه=معذور لو انتهى دربي علـى مابـي
ماكني اللي وضع شمسك تحت فيـه=ولا كني اللي وضع قلبي تحت نابي
واصرف عليك العمر والصحه والنيه=قصرت لابس من همومي على ثيابي
ليت الليالي لهـا الاشـراق ماريـه=ماهوب حزني ولا همي ولا عتابـي
وكان الخباثه بتجبرني علـى الجيـه=مع السلامـه وذيـب مفـارقٍ دابِ [/poem]
( ساجي ) ابراهيم الخميس
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الوقت يسرقني مع الزيـن بالهـون=مدري سحر والا مع الزين جـذاب
لوراح عمري ياهوى البال بيهـون=مادمت راضي يابعدكل الاصحـاب
حلفت باللي خالق النـاس والكـون=ماشفت مثلك بالوطن و الا الأ قراب
هجرتني وأنت لك القلـب مرهـون=والهجرمايصلح ترى بين الأصحاب
أقرب ترى بعدك يسبب لنا طعـون=انا شباب والشعر شوف بي شـاب
أبنتظر وباطلـب مـن الله العـون=كودك تجي عندي ولك نفتح البـاب
الله وكبر ياذاب أريش العين وشلون=تبعد ولاحتى توضـح لـي أسبـاب[/poem]
( محمد العبيد )
[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بس وتصد وكن ماعندك أحبـاب=ناسٍ تحبك فرض ماهوب سنـة
لا علم لا توديع لا لوم لا عتـاب=لا رسالةٍ تشرح سبب مـا تكنـه
قلبي تحرى فراقكم يطرق البـاب=لكن على هالحـال ماكـان ظنـه
فرقاك مثل الموت لو صد ماغاب=لابد للمخلـوق فـي يـوم منـه
والموت أرحم عقبه كتاب وحساب=وأنت فراقك نار مـا فيـه جنـة
لا حب يشفع لا وفاء خافـقٍ ذاب=لا اخلاص خلٍ باع منهـن يبنـه
ليتك معلمني الدوافع والأسبـاب=كود الهمـوم بخافقـي يرحمنـه
يومك تمنْ بكلمة الحب ماارتـاب=لكن بتوديعك بعـد فيـه منـة !!
الله حسيبك عشت بك وهم كذّاب=يومه عرض لي ليتي أبعدت عنه [/poem]
عزيز
[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
متى علـى الله نعـاود للسعوديـه=ارضاً بها الخير والاسلام موجـودي
بالله حاول وقرب حجـزى اشويـه=معاد نبغى ديار البيـض والسـودي
الشمس تغرب ونا من فيّـه إلفيّـه=الصدر ضايق ونوم العين محـدودي
والبن ما عاد إلـه طـارى ولازيـه=شهرين اواكثر ونا صابر وموعودي
الدلـه أللـى علـى نـارً ومركيـه=وأيضا بها الهيل والمسمار مزيودي [/poem]
ابو لافي
[poem=font="Simplified Arabic,5,skyblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قبل سنتين وفوقها اربع شهور =كان الحزن في وقتها في انتظاري
ناديت باسمي دون احساس وشعور=وقلت اسمعي يانوض آخر قراري
مااستاهلك يانوض والقلب مقهور =وادري اني بفراقك بشوف العزاري
القلب فار ودمع الأعيان منثور=وسليت أنا بصمتي في عز اضطراري
وش لون أعزي خاطر ٍ فيك مكسور=وأنا أهذريبك مع كل طاري
أصبح خفوقي عقبك اليوم مهجور =أنكرت أنا أهلي وأنكرت داري
ياقلب ليتك تسمع النصح والشور=ولاتتبع الغلطه هجوم انتحاري
وبعد السنين اللي مضت ظلم ٍ وجور =جاني يبي قربي ويبغى جواري
وحسسته أني فارشه دربه زهور=وإن القطار اللي لفابه قطاري
وأيام عقب أيام والخافق يثور=إلين صبري ماقوته الذراري
كم كنت أحبه صادقه قبل لايبور=ذاك الزمن ويصير ليلي نهاري[/poem]
نوض سدير
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الشعـر فلـس بـي ولحٍـد درا بـي=راحت فلوسي في الصحف والمجلات
وفي ذات يومٍ رحت أبكـوي ثيابـي=حصلت جيبي فاضي إمـن الريـالات
كابرت ثمن قلـت لـه كـم حسابـي=وش رايك أعطي لك من الشعر أبيات؟
( وهز رأسه ) وقال لي شعر مابـي=صديق أنا يبغـى دراهـم وهلـلات
مافي يجيب فلـوس أنتـه (ارهابـي)=أحسب حسابك لاشتكـي (للولايـات )[/poem]
مبروك بن ماضي
[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ركبت بحر الحب وارسيت مرسـاي=وهاج البحر فيني وهـز السفينـه
دام الهوى ما طاع يسري بمسراي=أطـوّعـه ولاّ أعـانـد سنيـنـه
ودام البحر ماطاع .. بضرب بيمناي=إن طاعنـي ولاّ اطـوّع جبيـنـه
ياعشقتي يا نور عينـي وسلـواي=الضيم مـا طيقـه ونـاري دفينـه
دوني ودونه حالواأعـداه واعـداي=واقفت وأنـا قلبـي تزايـد ونينـه
ردي علي الصوت قولي وش الراي=الراي من عندك وروحـي رهينـة
لو تطلبين الموت للمـوت شـراي=أشريه أنا يـا بنـت لـو تطلبينـه [/poem]
وارث الطيب
[poem=font="Simplified Arabic,5,white,bold,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
لياك تسألنـي عـن اللـي أكنـه=أقرب وتقراء في عيوني جوابـي
أقر الجواب اللي تظنـه واظنـه=فيما مضى .. واليوم سبب عذابي
حبٍ بفرقاء .. نار ما هوب جنه=منها تذوب الحال والقلـب ذابـي
الهم لـي بعـض الليالـي تفنـه=كم ليلةٍ هم الولـع بـك سرابـي
لا غمضت عين الخلي مرجهنـه=عيني تنقّض ما اندمل من صوابي
اسهر مع التنهيـد واجـر ونـه=اسهر وغيري غافيٍ .. ماد رابي
أول احسـب الهـم للقلـب سنـه=لاشك صار الهم .. فرضٍ مجابي
ويلاه وين الطب لـو فيـه منـه=وين الدواء للي سقي سم دابـي؟
تعال واقراللـي أخافـه واكنـه=العين ما تكذب .. وفيها جوابـي [/poem]
راعي الروضة
[poem=font="Simplified Arabic,5,seagreen,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الشمس غابت واقبل الليل بسكون=والنفس ضاقت من لهايب شقاهـا
زادت غرابيل الزمن..يالله العـون=وضاق الحشا من جورها في مداها
في داخله حزن ٍ.. ثقيل ٍ ومكنـون=وفي داخله.. لوعات هم ٍ..لواهـا
كنّه غريق ٍ في بحور ٍ..بـلا عـون=وش حيلة الغرقان من كثر..ماهـا
يضحك وقلبه بين الاضلاع مطعون=ويخفي طعونه عن عيـون ٍ لفاهـا
يضحك وهو من جور الايام مغبون=ويكتم عن الأحباب نارن لضاهـا
يمشي على كف القدر وين مايكون=ويصبر على المكتوب لامن عناهـا [/poem]
ابو عمار
[poem=font="Simplified Arabic,5,deeppink,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يانور عيني في خطاياي سامحنـي=القلب مايصبر على البعد لو ليلـه
خل الزعل ياغض الانهاد صافحني=طّول جفاك وضيّع الحيل والحيلـه
تعوذ الشيطـان بالقـرب ريحنـي=ياصاحبي راجيك عنك الجفا شيلـه
قبل امس يومنك مع الدرب ناطحني=سلمت ما رديت يا لابـس الشيلـه
جفاك يا سيـد العماهيـج ذابحنـي=ياويل قلبي منك يا زين يـا ويلـه
ماتدري ان البعد يا زين جارحنـي=لولا غلاك ان كان ماشلت هالشيله
عن ما يكن القلب يا زين صارحني=القلب من هجران الاحباب عزي له[/poem]
مريح الفرحان
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لبستك الحب في ثوبـه وجلبابـه=وأثرك خساره لقلبٍ يلتفت يمـك
ياقلب من صد تكفـى لاتشقابـه=لوكان غالي وحبه سار في دمـك
لايشغلك من نساك وغير احبابـه=لاتشتقي منـه لاخالـك ولاعمـك
الحب مايستوي مع نـاس لعابـه=تمشي بوجهين بين الناس وتذمك
منه أنتهينا وكلن سكـر ابوابـه=ودلوي جذبته قبل لايغرقه جمـك
بحاول ارضى بغيـرك وأتسلابـه=مادام حبي ليا مـن راح ماهمـك
وأنته بتلقى سواتك نـاس كذابـه=سقيك من سمها وتذوق من سمك [/poem]
نياف
[poem=font="Simplified Arabic,5,white,bold,normal" bkcolor="gray" bkimage="" border="none,4,gray" type=2 line=0 align=center use=ex num="0,black"]
غاب القـمر وانطـفـت شمعة البيت = يــوم تــــبـدل نــورها بالــظـلامي
من عقب فقـد آمي بكيت وتماديـت = بــبكاي مخـطــورا تـكـسرعـظامي
وهيضت عــبراتي دموع وتـناهيت =مــن بـعـــد ما غـابـت تكـدرمنامي
هجـرت كـل الخلـق ولجـله تمـنـيت =اذكـر فـضــل امــي ولـو بالـكلامي
كانت عـزيزة وفي حـشاها تـربـيت =من كنـت طـفـل في سنين الفطامي
كانت ترد الصوت لا اقبلت واقفيت = ودعـواتها كانـت بصـدري وسامي
مـن بعـدها في مجـلسي ما تهـنيت = وجنـبت حلو الزاد وامسيت ضامي
وان قـالوا النـسيان نعـمة تناسيت = كل الـبشر والخـلق من دون اسامي
وان قالوا اصـبر قلت ياما ترجـيت = ويامـا دعــيـت الله يـخــفـف الا مي
وطلـبت ربي في صـلاتي وعـزيـت = نفسي واعــزيهـا بكــل اهـتـمـامـي
هـذا قـضاها والقــدرما فيه يا ليت =والـرابح اللـي نال حـسن الخـتامي[/poem]
ابو ريان
[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الـفٍ الـف النـت عرضـه وطولـه=واخـذ علـى مواقـع الشعـر جولـه
وابحـث عـن الإبـداع والـي ينولـه=عقـب التعـب ودي انـوّخ ركـابـي
والبـا بديـت انشـد ولاتـاه نـشّـاد=ودرب التمـيـز مافرشـنـاه سـجـاد
ولايـردك عــن نـوايـاك جــلاد=والـي يريـد الخيـر عـنـه يثـابـي
التـا تبـون الحـق ملـيـت ملـيـت=كـم منتـداً سجلـت فيـه وتعنـيـت
فتـره بسيطـه وادري انـي تبنـيـت=طفـلٍ مهـو منـي ولامــن ثيـابـي
الثـا ثـلاث سنيـن والحـظ مـالـي=والبوصلة ترشـدك صـوب الشمالـي
والنـاس ترحـل للمعيـن الـزلالـي=وانا كمـا العطشـان خلـف السرابـي
الجـا جلسـت اقلـب الفكـر محتـار=كل البشر يمنـا وانـا صـرت بيسـار
هاتـوا لنـا علـم و تباشيـر واخبـار=قالـوا لفـاك العـز عقـب الخرابـي
الحا حمدت الله سجـودٍ علـى الارض=وصلّيت له ثنتين شكـرا مـع الفـرض
ناديت باعلى الصوت بالطول بالعـرض=غرد حمـام الـدوح عقـب الغرابـي
الخـا خسـارة ذيـك الايـام يـانـاس=راحت مثل حبرٍ على غيـر قرطـاس
بس العـوض مقبـل ولابـاس لابـاس=كنـي لقيـت المـاس عقـب الترابـي
الـدال دوى صيـت مـوقـع بلـدنـا=ياسديـر نجمـك سـاطـعٍ ماجحـدنـا
والمنتـدى ماهـوب حـكـر لولـدنـا=مـن كـل فـجٍ فيـه عالـي الجنابـي
الـذال ذلـت منـك ياسديـر فالحـال=مواقـعٍ فيهـا مـن الزيـف مكـيـال
تطايحـت مثـل المبـانـي بـزلـزال=كم واحـدٍ مـن هيبـة سديـر هابـي
الراء (راعي الاولـه) قايـد السـرب=هـادي ومتفهـم حكيـم وبـعـد ذرب
والذوق (حالم ليل) فالشـرق والغـرب=الفـارس المجهـول وقـت الصعابـي
الـزاي زانـت بالمراقـب (كحيـلان)=وايضا معـه (ورا الكواليـس) تعبـان
اثنيهـم عينـيـن فــي راس فـنـان=لهـم مـع الاشـراف فعـلٍ يـرابـي
السين (سقم سدير) في منتدى الصـوت=مهنـدسٍ بـارع وتفويتـتـه مــوت
صوتٍ حسين بصفحة المجـد منحـوت=سمـاع صوتـه للملايـيـن طـابـي
الشين شمعة منتـدى الديـن والشـرع=(شمعة سدير)الي من الاصل والفـرع
شمعـة ولكـن دمعهـا ينبـت الـزرع=يالله عساهـا الفـوز يـوم الحسـابـي
الصاد صدري منشـرح مامعـي هـم=و(الملتمـس) بالمنتـدى طيبتـه عــم
فـي منتـداه العلـم للتربـيـة ضــم=مـع منتـدى الديـره ولا قـال مابـي
الضاد ضـوء الشمـس فـي منتدانـا=(ربـى الجنـان) الـي تنـور سمانـا
في منتـدى الاسـرة لهـا زود شانـا=تفرق علـى كـل الزهـر والروابـي
الطا طبيـب القلـب لاصـرت شايـق=تراه (راعي الروضة) ان كنت ضايـق
الـي بشعـره داخـل القلـب وايــق=شعـره يفـل النفـس مثـل السحابـي
الظاد ظـرف التوصيـه فيـه توقيـع=(لبـو دحيـم) كـان بـالارض تربيـع
بخيـص فالبـران لايمـكـن يضـيـع=يحفـظ مجاهيـل الخبـب والشعابـي
العين عنـدك بالشعـر شاعـرٍ طـاف=على جميـع الجيـل عالـي و(نيـاف)
ببـلا قصـورٍ فالبقيـه والاطــراف=اسمه علـى فعلـه عـن الغيـر نابـي
الغيـن غابـات التصاميـم واللـمـس=(ببو عبدالمحسن) تشعشـع كمالشمـس
ابصم على روعـة تصاميمـه بخمـس=والخمس الاخرى بصمةٍ فـي جوابـي
الفـاء فريـق فـاز بإحـرازه القـول=و(القيصر) ابخص فالرياضي على طول
مامن تعصب يشغـل الفكـر ويجـول=ماهـوب مـع ناديـه دايـم يحـابـي
القاف قلي مـن هـي اللـي تفرحـك=واقول (سمسومه) معاهـا بعـد صـك
ترسـم مـع البسمـة فوايـد بلاشـك=بيـاض قلـب وفكربالعـلـم رابــي
الكاف كانـك جايـع وتجهـل الطبـخ=تعطيك (مس سديـر) بالطبـخ والنفـخ
درسٍ يدوي وسط راسك كمـا الشـرخ=متخصصـة بالطبـخ ويـا الشـرابـي
اللام لك (يالسنبلـة) حـرف مـوزون=والكل عـن فكـرك وطبعـك يقولـون
لـك منبـرٍ بالمنتـدى العـام مصيـون=والظاهـر انـك بيـن علـم وكتـابـي
الميـم مـن خـلا تراثـة يضيـعـي=يصير بيـن النـاس جاهـل وضيعـي
لاشك (ذيـب سديـر) قـدره رفيعـي=يجمـع تـراث اجـدادنـا للشبـابـي
النـون ناظـر فـي شـؤن البلاديـن=بسدير كلـه واجلـب الزيـن والشيـن
في ركـن (ابـو يزيـد) نقـد وتثميـن=اصلاح مـع تطبيـب جـرحٍ مصابـي
الهـاء هاتـوا نشـرة بـلاد صــدام=من عند (ابوعبدالعزيز) ابـن الاكـرام
اخبارهـم بالمنتـدى طــول الايــام=كليـوم يبشـرنـا بـذبـح الكـلابـي
الـواو وينـك يافهـيـم الحواسـيـب=(يالوحـش) يافاهـم جميـع المطاليـب
بالنت راسـك مـن كبـار المعازيـب=الله عطـى صـدرك وسيـع الرحابـي
اليا يقـول الـي يبـي ختمـة القـاف=صلّوا على المختـار ماطايـفٍ طـاف
احمـد نحبـة دون نقـصٍ وإسـراف=الـي فتحـلـه للسـمـاوات بـابـي [/poem]
دفين الجرح ( عبدالله الصالح )
كتبه القيصـر
2/3/1429هـ