معجم الكلمات القديمة

[تأبط شرًا]

[shdw]ههههههههههههههههههههههههه [/shdw]


وهو اللهم عافنا يشري تسيسة برميت ====> مدمن برميت وحلاو عسل
ثمين عاد معه تسيسه ولا يعطي احد ولا يجي بين عشوين الا ويهره بطنه والا قعد يزوع اجل زارطن كل البرميت هالبحام

وش هالإبداع يارحال وين طلعت هالكلمات منه . أنا أشك أنك تكون من مواليد أو سكان الرياض وأتوقع أن هالسوالف لك بس ملزقها في دحيم .
والدليل هاللهجه السديراويه الصميم .
بس صراحةً فيه كلمات كنت متوقع أحد يقولها ولم تذكر وأنا ما أبغى أقولها لأن فيه ناس أسلوبهم أفضل مثل رحال وأبوريان وسنمار وكم واحد غيرهم .

وين السلمان عن هالموضوع وهو يحب الأشياء القديمه . كلنا في إنتظار مشاركة البقيه .

[أبو أنــــــس]

عليكم بتحري ليلة القدر لا تفوتكم تراها مرة في السنة لا تضيعونها........

الكلمة اللي ودي أقولها(أنهج) بمعنى دوس بمعنى أسرع
(أها عاد) بمعنى أركد أعقل....

[سنمار]

هههههههههههههههههههههههههههههههههههههاي
والله انك مصرقع يارحال
ياشيخ احلق شنبي ان كانك مولود في الرياض
موضوعك هذا المفروض يبروزونه ويحطونه في الجنادريه
لانه والله كنز من الكلمات المنقرضة
الله يعطيك العافية وانحن ( وفي رواية الحن ) في انتظار جديدك

[أبو ريان]

تراة ستض يا سنمار بس هقوتي ان شنبك مسلوت ولا هوب لاقين شي يملطه لااني اشوف عكسك مافيه ولا شعرة

[سنمار]

اسمع يا ابوريان خل عنك الحتسي بس
شف انا مانيب حالق شنبي وبس انا بطب في برميل نير مرتن وحدة اذا هالادمي مولود في الرياض

[غريب الدار]

رحّال..ابصم باصابع جدتي ..إذا ماصرت احد شياب سدير (بس مثقف) ..لو اعصر جدتي عصر ما طّلعت ربع اللي قلته ( عيني عليك بارده)..

[رحّــــــــــال]

انا والله داخلن المنتدى اباقولكم قصص صايره لدحيّم الهليمه بس لقيتكم والله ظالميني تقولون اني مالودن في سدير بسم الله علي يا ويلكم من الله ان تسان كل هالثقافه واللباقه والنعومه وتقولون تسذا وشلون لوني احرش . بلاكم ما تدرون وش يسموني في سدير . تدرون انهم يغنون إذا شافوني يقولون ( يالاحيلس يالاميلس ) لأني املس =====> يعني زبيده اسيح
وإذا حاتستني حرمه اغدي موية اديتر ماصيّخ
لكن بأخربها وأعلمكم ويني مولود فيه ووش قصة ولادتي .
بس المشكله إذا علمتكم بتدرون من انا بتعرفوني .
المراد
كان ابوي يشتغل في وزارة الخارجيه ونقلوه في السفارات برا السعوديه كل سنتين ثلاث قالعينه لديره لعبو به ذالحجز . المراد ويتعرف له على واحد في الوزاره يقدر يحل ويربط ويتوسط لأبوي يروح لسفارة السعوديه في دوله عربيه عنقز ===> شقيقه
وهي لبنان
والله مار ويقعد فيها سنين طوال =====> لعنبو الواسطه تسوي اكثر
قام ابوي وشرا بيت فيها . وحياله حط فيها نخيلات وكم شرب كراث لأمي عشان إذا جنّها الصبايا عقب عصر وتحمل أمي ويوم أضنت ====> ولدت
وتجيبني حلو أمور زي البغل
بس تقول أمي أني حوري يومني صغير إذا جن الصبايا يقهونها وهي في الماجب ===> النفاس
أصيح وأغلق وأغشى من الصياح لين تشيلني وحده منهن ولاعاد ابي أمي ولاعاد أرضع منها وأقعد أسبوع وكل ما جت وحده تقهوي أمي وشافتني عايل ودرت أني ما أرضع من أمي قامت تجرب تشوف أنا أقبل أرضع منها وإلا ما أقبل . المهم ما أصدق خبر ألقط والديه وأرضع رضع ألحين أتمنى لو أنه شاهي وتلقيمه بعد .
والله مار وتمرض أمي وتنشف مره وتمسك معي صياح وتاخذني جارتنا شويخه الزغبي وترضعني مع بنتها نوال أسبوع =====> نوال ما غيرها المهستره
ثم خذتني جارتنا مويضي عياش ورضعتني مع ولدها رامي ====> على فكره ترا تسنه دحيم ولد خالي بس هذا يحتسي فرنسي ودحيم يتعتع في العربي .
وهذي قصة ولادتي ومتسانها . عاد يوم تسبرت ورحنا مره زياره لأهلي من الرضاع مر بي ابوي على الصحيه اللي فيذاك اللي ولدتني أمي فيها .
متى ما بغيتوني أكمل لكم قصة دحيم قولو لي .

[ابن ماضي]

ههههههههههههههههههههههههههههههههههههههههههه

والله انك منتب صاحي يا رحال كم فتق في راسك بس كمل الله لا يهينيك

[تأبط شرًا]

[c][shdw] هههههههههههههههههه [/shdw] [/c]

تصدق يا رحال إني حاس من أول من لهجتك أنك رابي بعيد ولو أنك ما قلت بنفسك أنك سديراوي ما جبنا خبر .

[c][shdw] هههههههههههههههههه [/shdw] [/c]

[فهد المنيع]

حيا الله اهل سدير ...


يا زينكم ويا زين حتسياتكم بعد ...


المهم ابعطيكم كمن مصطلح من مصطلحات الاولين ...


سحله .... وعاء يوضع فيه الماء او اي سائل اخر


محيميد يواحن .... يعني محيميد يعاند ...


يتزحر الله يكرم الجميع معناها يظر صوت اثناء قضاء الحاجه


صويلح يخمج بريهيم ... يعني صويلح يسفه او ما يرد على بريهيم


والكثير الكثير لكن نبي نعطي غيرنا فرصه ...


فمان الله

[kaleed]

ياليت مانطلع عن موضوع المشاركة وهو الكلمات القديمة

بالنسبة لي عندي كلمة وهى :

أنجز يعنى بسرعة وفيه كلمات بعد كثيرة بس هذا اللى أذكره الحين


وسلامتكم

[هادي]

والله وطالت وشمخت لكن اصبروا الين يطيب راسي من هالناغوز اللي فيه واتفرغ لكم واعلمكم علوم سفره توسع الصدر والجايات اكثر
وسلامكتم

[هرمنا]

قام ابوي وشرا بيت فيها . وحياله حط فيها نخيلات وكم شرب كراث لأمي عشان إذا جنّها الصبايا عقب عصر وتحمل أمي ويوم أضنت ====> ولدت
وتجيبني حلو أمور زي البغل

[هادي]

تعرفون الحويط والمقشوع والمتحدرات والطرف والمجرى والمنحات والبطحاء هذي اسامي المحلات في المزارع منول وفيه اسامي كثيرة بس ذولي هن المشتهرات في سدير واللي حولها
والجاي اكثر

[سنمار]

فيه كلمة جديدة صدتها قبل شوي اللي هي :

يماطق : معناها ان الواحد يطلع صوت وهو ياكل وخصوصاً اذا اكل موز