تبي تعرف مدى شوقي وكيف آكون لك مشتاق؟

[فقيدة امها]

تبي تعرف مدى شوقي وكيف آكون لك مشتاق؟
تبي مقياس حبي لك قياسه وين وداني


تعال اجلس هنا جنب الضلوع وراقب الخفاق
وشوف اشلون سوابي غلاك وكيف خلاني


سألت القلب جاوبني بزفراته من الأعماق
وحيفه يسمعه كل من يمر صوبه وعداني


له اصوات الحزن مغنى يترجمها من الأشواق
يسيل ابكبريا دمعه! ولاينقص بها شاني


سألت الروح تواقه بشوفة من لها تواق
تجي بطيوفها حولك تداري بك بجنحاني


تقول إني وهج شوقي مولع صوبكم بشفاق
وحسب إني معك صامد واثاري حبك اعياني


سألت ادروبنا قالت أبي وصل بدون افراق
أبد ماينقطع درب ولابي غيركم ثاني


نبت ودّي على ودّك طريق صوبكم ينساق
عسى امزون الوصل تثمر لقا ما بيننا عاني


ولا تسأل عن اعيوني لأنك داخل الأحداق
رسمتك في حجر عيني نقشتك داخل اجفاني


لو اغمض أو افتح أعانق صورتك بشراق
صبح عمري مسا ليلي تناديني بتلقاني


عرفت الحين ياعمري مدى حبي وكيف اشتاق؟
خلاص ارجوك لاتطول ترى اسمك على لساني!

[مذهل]

يسلم ربي ذووقك الراائع ع الابياات الجميله
ابيا راقيه من انسانه راقيه
تسسسلم الايادي يامشرفتنا المحترمه فقيدة امها
راااقت لي الكلماااااات كثيرا
سعدت بما طرحتي من جماااال وعذوبه
ولك تحياتي وفالك طييييييب

[فقيدة امها]

المشاركة الأصلية كتبت بواسطة مذهل   يسلم ربي ذووقك الراائع ع الابياات الجميله ابيا راقيه من انسانه راقيه تسسسلم الايادي يامشرفتنا المحترمه فقيدة امها راااقت لي الكلماااااات كثيرا سعدت بما طرحتي من جماااال وعذوبه ولك تحياتي وفالك طييييييب

كم اسعدني تواجدك ورقي ردك أخي الكريم مذهل
لا اجد من الكلمات ما يضاهي امام كرم مفردات شخصك واطرائك
الذي ماهو الامن ذوقك الجميل بارك الله فيك
شكراً لك بحجم كل شيء وفالك اطيب

[انثى الجزيره]

***
***


الله الله ي سلام ع هالابيات
ابدع شاعر فنان
الله يعطيك العافيه ع النقل

[فقيدة امها]

المشاركة الأصلية كتبت بواسطة انثى الجزيره   *** *** الله الله ي سلام ع هالابيات ابدع شاعر فنان الله يعطيك العافيه ع النقل

يعافيك ربي ويسعدك على التواجد الجميل منك ي الغاليه
شكراً لك من القلب يليق بمرورك العطر

[بقايا الذكريات]

دائما رائعه ومميزه يالغلا

صح لسان الشاعر وصحت يمينك فقيده

[فقيدة امها]

المشاركة الأصلية كتبت بواسطة بقايا الذكريات   دائما رائعه ومميزه يالغلا صح لسان الشاعر وصحت يمينك فقيده

هلا بك ي الغاليه
التميز اجده في اورقت متصفحي بوجود حضورك فيه
لقلبك الطيب جنائن الورد