مصير الحي يتلاقى .. ولو هي طالت الأيام

[فقيدة امها]

مصير الحي يتلاقى .. ولو هي طالت الأيام
ولو طالت بنا الفرقا .. وغابت شمس امانينا

تمر سنيننا .. واحلامنا تبكي على الأحلام
تفارقنا كذا فجأه .. وحنّا ما تلاقينا

خطاوينا بلا سكّه .. ونتحرى الفرج قدّام
نمنـي نفسنا في يوم تتلاقى خطاوينا

يجي عام .. بلا لقيا .. يجي عامٍ ويرحل عام
يضحكنا الزمن مرّة .. ومرّات يبكينا

رسمنا في السما لوحة .. وعشنا داخل الأوهام
وضعنا في دروب العمر .. نسأل عن ليالينا

بسيطة يا زمن .. واللي على صوت الجروح ينام
يجـي له يوم بالدنيا .. يعيش احلام ماضينا

أمل لكن بلا معنى .. وليلٍ كل أبوه آلآم
وحزنٍ فيه كم عشنا .. وحزنٍ عاش كم فينا

بوسط قلوبنا لوعة .. محت فرحة سنين قدّام
كرهنا الحب ..أو حنا كرهنا ليه حبينا

على الله خلّها .. لا تقلب اوجاعي تعبت هيام
واحس ان العمر كلّه .. غدى بحرٍ .. بلا مينا

[انثى الجزيره]

الله الله وش هالابيات الثمينه
راقت لي الله يسعدك
كل الشكر فقيدة امها

[المحارب]

سلمتي ودمتي مشرفتنا الكريمة اكثر من رائع وذوق وفقتي للخير دائمآ

[فقيدة امها]

المشاركة الأصلية كتبت بواسطة انثى الجزيره   الله الله وش هالابيات الثمينه راقت لي الله يسعدك كل الشكر فقيدة امها

ربي يسعدك ويوفقك ياجميله
منوره دوم فديت هالحضور الجميل
شكرا لك من القلب

[فقيدة امها]

المشاركة الأصلية كتبت بواسطة المحارب   سلمتي ودمتي مشرفتنا الكريمة اكثر من رائع وذوق وفقتي للخير دائمآ

حياك الله أخي الفاضل المحارب
عطرتي صفحتي بمرورك الجميل
الف شكر لك بحجم كل شيئ

[بقايا الذكريات]

ابيات جد رائعه وقويه

دمتي بتالقك ورقي ذوقك يالغلا

[فقيدة امها]

المشاركة الأصلية كتبت بواسطة بقايا الذكريات   ابيات جد رائعه وقويه دمتي بتالقك ورقي ذوقك يالغلا

تسلمين ي الغاليه بقايا
حضورك دوم في صفحاتي هوى الذوق والرقي
لك من قلبي كل الحب والتقدير

[مساء التغريدة]

على الله خلّها لا تقلب اوجاعي تعبت هيام
واحس ان العمر كلّه غدى بحرٍ بلا مينا .

رائعة ! . سلمتِ .

[فقيدة امها]

المشاركة الأصلية كتبت بواسطة مساء التغريدة   على الله خلّها لا تقلب اوجاعي تعبت هيام واحس ان العمر كلّه غدى بحرٍ بلا مينا . رائعة ! . سلمتِ .

سلمت وسلم حضورك أخي مساء التغريدة
حضورك هو الاروع
شكراً لك