~*(عبدالرحمن بن مساعد)*~

[هوجاس]

[c]الــــنظــره الخـــجـــــوله [/c]

[poet font="Simplified Arabic,14,teal,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]

مـا سـألتـوا صـاحـب النظـرة الخجـولـة=كيـف يـسـهـرنـي ولـه وجـه ٍ صبـوح
كيـف يظـلـمـني وله طـهـر الطـفـولـة=كيـف يـفـتـنـّي وهـو دايـم يــروح
وكيـف أنـا ألقـى ربـيـعه فـي فصـولـه=دام كـذبـه صـادق وصـدقــه مـــزوح
لـه صـفـات ٍ تـورد العـاشــق ذهـولـه=مسـتـكـيـن صـامـت وكـلـّه جـمــوح
أصـعـب الأشـيـاء و أكثـرهـا سهـولـه=أغـمـض الأشـيـاء و أكثـرهـا وضــوح
سهـل تـغـرم بـه وصـعـب إنك تنـولـه=غـامـض ٍ طـبعـه وواضـح فـي الجـروح
أسـعـد بشـوفـه ولكـن مـا أطـولـه=كنّـي الـوادي وهـو أعـلى السـفـوح
يـبتـسـم لا مـنهـم عنّـي حكـوا لـه=ولا حكـوا لـي عنه أعـمـاقي تـنـوح
لـي بقـلبـه شـيٍ لكـن مـا يقـولـه=ولـه بـقـلبـي كـلّ و لكـنّـي أبــوح
كنّـه الغيـمـه و أنـا أرجـي هطـولـه=مـا نـزل غـيثـه ولا بـرقـه يـلــوح
مـا عـرفـتـوا ليـش تسهـرني فعـولـه=وليـه يـسكـنّـي وهـو دايـم يــروح
هـو يـبـيـني بـسّ أطبـاعـه خجـولـه=وما يـبـيـني أغـفا وهو وجهـه صبـوح

[/poet]

[c] [/c]

[هوجاس]

[c]عـــجب عجـــــاب [/c]

[c]عجب عجاب

طيبة قلبها أبيض سحاب

أخلاقها مامثلها .. أخلاقها

أخلاقها تنتظر عشاقها

ومايجون

ياهي جريحة طيبة .. لكن جريحة



عجب عجاب

وسيم أنيق شاب ..

كسبه حلال مشروع ماجرب الجوع

ناجح مركزه مرموق

ورغم هذا الحزن ساكن عيونه

ماتت أمه .. وحبيبته كانت

تخونه



عجب عجاب

كثر الفقر ماله

كلاً يبي قربه ورضاه

رغباته قوانين وزلاته صواب

الناس حوله من شمال ومن يمين

يأمر يطاع

الدول تحسب حسابه

والكل يخشاه ويهابه

لكن مريض ياعذابه

ممنوع يأكل لو أكل جايز يموت



عجب عجاب

مرتاح الضمير

لا سرق .. لا ظلم .. لا حسد

عنده قليل أصحاب

قلبه كبير بيته صغير

والمرض عن صحته بعيد

عنده ثلاث أطفال

أحمد وإيمان ويزيد وأمهم

وكثر السماء يحبهم

لكن فقير مالقى لصوته مسامع

مايملك إلا طيبته وملح المدامع

ولو مادفع مبلغ حقير

ينطرد هو والعيال وأمهم في الشوارع



عجب عجاب

عبقري في الطب ملحد



عجب عجاب

شاعر عظيم داخله فارغ



عجب عجاب

أمير كذاب



عجب عجاب

ملايين البشر تعبد بقر



عجب عجاب

ماتصلي فرضها وتلبس حجاب



ياصاحبي عطني يقينك والظنون

من ودك تكون ؟ ..

[/c]

[هوجاس]

[c]الـــعاده جـــرت


قصيده تعرض بعض القضايا في حياتنا الاجتماعيه [/c]

[c]
العادة جرت

كل طالب مجتهد دمه ثقيل


العادة جرت

كل مخلص في الهوى حظه قليل


العادة جرت

العطوف اللي كريمٍ في الجرايد

في الأزقة والحواري له عوايد ..

يصبح القاسي البخيل


العادة جرت

جُل من يصبح ثري .. يكتب شعر

والقصائد تحتري أغلى سعر

الشعر اصبح مجلة .. جلها غث وهزيل


العادة جرت

لمّا نسافر كلنا في الصيف .. نمشي مخشبين

كلنا نحكي بفخامة ..

نمشي بفخامة ..

والإبتسامة لما نسّلم ..

نبتسم كأن فيه مصورين

ورغم إننا نسافر لجل نلقى بعض ..

ونعرف بعض ..

الا إننا لما نتقابل نلتفت متجهمين

ماهو جنون .. ولا عبط

تظهر أغاني من نمط ..

أربع سنين نتطالع بالعيون

وفي المواعيد اللي ماأدري منهو كان

العبقري اللي عطاها

نجلس في نفس الاماكن .. ننتظر نفس الوجيه

تظهر بكامل بهاها

ويبتدي ذاك الحوار السرمدي :

- شف هذاك شلون لابس .. ماهو صاحي

- شف هذاك موجود في كل النواحي

- شف هذيك شلون تضحك .. ياخزياه ياعيباه يالله

- شف هذيك شلون تمشي .. شف هذاك شلون جالس

- شف رفيقك .. ليش عابس ؟؟ خل نروح ونسأله

- لا انتظر هذا ماشي مع هله

وينتهي هذا الحوار السرمدي


فينا نقول : وش هالصخب .. هالديرة مليانه عرب !!

كأننا متفاجئين

ولما نرجع بالسلامة ..

العادة جرت .. إنا نكون متنكدين

ومافي سبب غير اننا ما كنا حنا

غير إننا لما نسافر .. دايم نكون ممثلين

ولجل نطلع من تقمص دورنا .. لما نرجع

نحتاج نقعد ناطرين أسابيع وأيام ..

ونظهر من الإنفصام


العادة جرت

إنّا نجل الأجنبي .. ونقصي القريب


العادة جرت

انها الايام تمضي ومسجد الاقصى سليب


العادة جرت

كل ما جو الخليج صفي وراق

يبتدي العم سام .. عزف موال العراق


العادة جرت

كل ما أكتب قصيدة .. أوصف الواقع بها

ألقى جاهل ما أريده .. يعتقد إنه لها


العادة جرت

كل ما أكتب يقيني أو ظنوني ..

يكاد المريب أن يقول خذوني

[/c]

[هوجاس]

[c]أٌجري مع صاحب السمو الملكي عبدالرحمن بن مساعد..عده لقاءت

تلفزيونيه...اذاعيه...وصحفيه


من هذه اللقاءت الصحفيه كان مع مجله فواصل

العدد 81 فبراير 2001م

وقد اجرى الحوار : محمد علي الحربي

[/c]

[c] [/c]


[c] وهذا عنوان المجله

لمن اراد الحصول على نسخه من ذاك اللقاء

http://www.fawasel.net


كذلك أُجري مع سموه لقاء مع مجله المختلف

العدد 117 ابريل 2001م

وقد اجرى الحوار : علي المسعودي


[/c]



[c] [/c]

[c] وهذا عنوان المجله لمن اراد الحصول على نسخه من ذلك اللقاء

http://www.mukhtalif.com
[/c]

[هوجاس]

[c] الـــسفينه [/c]

[c] [/c]

[c]ماقد سمعتوا عن سفينة .. قويةٍ دايم عظيمة

بحرها هو الحياة والسفينة هي بلدنا

والفهد ربانها
[/c]



[c] ماقد سمعتوا عن سفينة في بحر
والبحر موج متلاطم .. والخطر فيه متعاظم
ماسلم منه احد .. ماترك شيٍ ابد
كودالسفينة وحدها
ماهزها موج البحر .. وان هزها
امسك بها ربانها
وابعد عن حماها الخطر .. بدينها وقرانها
ماقد سمعتوا عن سفينة .. قويةٍ دايم عظيمة
بحرها هو الحياة والسفينة هي بلدنا
والفهد ربانها
ماقد سمعتوا من بنى هذي السفينة .. وكيف؟؟
كانت غبار .. كانت جروح متناثره في كل صوب
ورغم الجروح جمّع شظاياها بيده
بامر العزيز
وافنى العمر ليل ونهار .. وارخصلها قلبٍ وروح
عبدالعزيز
عبدالعزيز اللي بنى هذي السفينة
اتعبت منه الدروب .. واشتكت منه الحروب
بالسيف ارسى شراعها
وبالحب قوى حبالها
ومن يومها .. رغم السنين .. تمضي السفينة في دربها
ماقد سمعتوا عن سفينة
قويةٍ دايم عظيمة
بحرها هو الحياة والسفينة هي بلدنا
والفهد ربانها
ماقد سمعتوا عن اهل هذي السفينة
عن كرم اهل السفينة .. عن وفاء اهل السفينة
وماقد سمعتوا عن قهر حسادها
وكيف انها لاللي نواها بالغدر ماتمهله
تجعله ذر هشيم مايمهله طوفانها
ماقد سمعتو عن سفينة
ارفعت قدر البحر
ماقد سمعتوا عن سفينة
قويةٍ دايم عظيمة
بحرها هو الحياة والسفينة هي بلدنا
والفهد ربانها [/c]

[c] [/c]

[هوجاس]

[c]ستكون لي وقفه بأذن الله تعالى

مع المحبين لشاعر الانسانيه عبدالرحمن بن مساعد

وسيكون هناك عرض لبعض القصائد عن طريق تصاميم اعدها جمهور ومحبين عبدالرحمن بن مساعد


فانتظرونا [/c]

[هوجاس]

[c]قصيده حكايه


من ابداع شاعرنا المتميز دائما والشامل دائما بن مساعد

تحدثت عن مشاعر الطفوله .. والامومه باحساس رائع

وتغنت بها فنانتنا .. اصاله بصوتها الهادئ فاعطتها جمالا اخر


[/c]

[c]
نحكيلك أجمل حكاية ..

عن قصة حب وقلبين

صارت بك دنياهم أجمل ..

يا أغلى من ضي العين

جيت ِ وصرت ِ إنت ِ الأبدا ..

إنت ِ الدنيا والأيام

إنت ِ الحاضر .. إنت ِ باكر ..

إنت ِ العذب من الأحلام

ربي يخلي هذي الضحكة ..

تملا عمرك فرحة ونور

ربي يخلي .. ربي يسلّم

ويحميك ِ من كل شرور



بكرة لما الحلوة تكبر ..

والقامة تطول شبرين ..

لما تمسك قلم و دفتر ..

وتدرس علم وعربي ودين

ولما تكبر .. أكثر وأكثر

ويتمّم ربي بالخير

ولما نشوف الأم الحلوة ..

تحكي حكاية عن قلبين
[/c]

[هوجاس]

[shdw][c]تصاميم رائعه [/c] [/shdw]


[c] [/c]


[shdw][c]الـــوداع [/c] [/shdw]


[c] [/c]


[shdw][c]أستاهلك [/c] [/shdw]


[c] [/c]

[shdw][c]رحــــل [/c] [/shdw]

[shdw][c] [/c] [/shdw]

[shdw][c]البـــحر [/c] [/shdw]

[c] [/c]

[shdw][c]غــــلا أمــــي [/c] [/shdw]

[c] [/c]

[shdw][c]النـــــظره الخــجوله [/c] [/shdw]

[shdw][c] [/c] [/shdw]


[shdw][c]أتمنى أنها تحوز على رضاكم [/c] [/shdw]

[هوجاس]

[c]تجــــاعـــيد [/c]


[c]
تجاعيد ..

في وجه الزمن صاروا ..

تجاعيد ..

رماهم حزنهم أوراق ..

خريف وعاث بالعشـّاق ..

عطاهم الأمل لحظات ..

ورسم أوقات الآلام ..

وللذكرى مواعيد ..

وتجاعيد ..

في وجه الزمن صاروا ..

تجاعيد ..



جروح تؤلم الإيلام ..

عذاب يضج باستفهام ..

متى قد كانت الدنيا مع العاشق ؟

متى قد كانت أعظم خاتمة للحب ..

ما هي افراق .. !!

هذا طبعها الأيام ..

كذوبة كانت الأحلام ..

بالتأكيد..!



تفاؤل زاد في الإغراق

وصدّق بهجته عشاق

خذلهم .. بدّل ضحكهم تنهيد ..

وتجاعيد ..

في وجه الزمن صاروا ..

تجاعيد
[/c]

[الجريوي]

أخي الكريم هوجاس . . .

قلت في مرة أنك في أكتوبر عام 1996م حضرت أمسية للأمير عبدالرحمن بن مساعد أقامها نادي الطلبة السعوديين بالقاهرة ، وأنك في القاعة فوجئت بحضور عدد كبير من الكتاب والشعراء والإعلاميين والفنانين تذكر منهم :

الأبنودي

أنيس منصور

أدريس الدريس

عبادي الجوهر !!

علي الحجار

محمد فؤاد

أصالة !!

أنغام !!

إضافة ً إلى حوالي 1500 طالب خليجي وعربي وأنَّ نخبة الحضور وعامته اتفقت آراؤهم على أنهم استمتعوا بالأمسية وأذهلتهم !! !

انتهى كلامك حفظك الله . . .

فقلت ( في نفسي ) مُعقباً على كلامك : الله المستعان . . . لا حول ولا قوة إلا بالله . . .

[هوجاس]

[c] [/c]



[c]ملـــحمه

كــتاب مــجد بلادنا


تأليف


الحقيقه والــواقع


كتب سطوره


الســعوديون


جميع الحقوق محفوظه


لكل من يحب هذه البلاد واهلها [/c]

[هوجاس]

[c] اللـــوحه الاولى [/c]

[c] [/c]

[c]عبدالعزيز ..عبدالعزيز
وحول اربعين .. يوم الفطر .. أدى الزكاة .. وصحّى الفجر
لجل الصلاة
وخطب فيهم :
لنلبس اليوم أحسن ما لدينا ..

فإما أن تكون ثياب العيد نخطر بها بين أهلنا وذوينا.

وإما أن تكون أكفانا لنا.

ولا إن متنا فجزاءنا جزاء أهل بدر وأحد.

الذين ماتوا في سبيل الله
وكني أشوف ذيك الجباه في سجودهم
واسمع دعاهم .. يا عظيم .. يا كريم :
رد أرضنا .. يا ربنا
وكني بالتراب تحت أقدامهم .. يقول : أمين
واستجاب ربي لدعاهم .. استجاب
وجهوها وافتحوا فيها الكتاب
كتاب مجد بلادنا
الصفحة الأولى
الملك لله ثم لعبدالعزيز.. الملك لله ثم لعبدالعزيز
[/c]

[هوجاس]

[c]اللــوحه الثانيه [/c]

[poet font="Simplified Arabic,14,teal,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
وارتكز صقر الجزيرة بالرياض =واندحر كيد العدو مايغيض
ما حسب للعمر او للافتراض =سل سيفٍ يبري الراس المريض
مع رجاله خاضوا وسط الموت خاض
أشهد ان اللي تجنبهم حضيض

عاد حكم ناصع ينطق بياض =انبنى بالدين والمجد العريض
بايعته الشمس وجبال وفياض =والضماير والمشاعر والقريض
بامتثال الشرع فاض الخير فاض
عزه المولى وخيره مستفيض

اضهر المخفي وبرق العز ناض =مقصده توحيد والنية تبيض
ما لخو نورة معزم اعتراض =من تصداله هوى تحت الحضيض
من جمع مثله نقيض مع نقيض

[/poet]

[هوجاس]

[c]اللــوحه الثالثه [/c]

[c] [/c]


[c] الله أكبر مالك الملك العزيز
الله أكبر من مثل عبدالعزيز
شاد للإسلام دولة ... تحكم بشرع الإله والرسالة الأحمدية
بالعلا أطلق خيوله تجمع قلوب وحياة

وتهديه الدنيا هدية
دولة لله تخلص في العبودية
دولة بالحق قامت السعودية

الله أكبر مالك الملك العزيز
الله أكبر من مثل عبدالعزيز

أمن الحجاج للبيت العتيق
يقبلون أفواج ما شي يعيق
لا ألم .. لا خوف .. لا قاطع طريق

شاد للإسلام دولة
مؤمنه بالله تخلص في العبودية
دولة بالعدل قامت السعودية

الله أكبر مالك الملك العزيز
الله أكبر اسمعوا عبدالعزيز

يقول الملك عبدالعزيز :
على كل فرد من أفراد رعيتنا .. يحس أن ظلم وقع عليه..
أن يتقدم إلينا بالشكوى .. وعلى كل من يتقدم بالشكوى
أن يبعث بها عن طريق البرق أو البريد المجاني على نفقتنا
وعلى كل موظف في البريد أو البرق .. أن يتقبل الشكاوى من رعيتنا
.. ولو كانت موجهة ضد أولادي أو أحفادي أو أهل بيتي ..
وليعلم كل موظف يحاول أن يثني أحد أفراد الرعية عن تقديم شكواه
مهما كانت قيمتها أو يحاول التأثير عليه ليخفف من لهجتها
أننا ستوقع عليه العقاب الشديد

الله أكبر مالك الملك العزيز
الله أكبر من مثل عبدالعزيز
[/c]

[هوجاس]

[c]اللـــوحه الرابعه [/c]

[c] وفي ليلة من ذيك الليالي .. من ليالي الاولين..كان الامام ابن الامام .

والخلايق هاجعين .. يتفقد أحوال الرعية .. من غير أصحاب ومعية..

ساهر وغيره ينام .. متخفي بالظلام

بان له ضوٍ يقيد ... صوت يبكي من بعيد
راح يمه .. لين هاذيك العجوز .. وطفل تضمه
سمعها تشتكي لله الهم اللي طال .. الفقر والجوع ودموع العيال
وأكرم الله به ضناها .. وزال عنها ماعناها
وارفعت يديها فوق .. ودمعها ماهي تعوق
وقالت الدعوة العظيمة .. دعوة الأم الكليمة
أدعي الله الكريم..وشكر النعم له فرض ..

يفتحلك المعطي الرحيم .. خزاينة في الأرض

[/c]

[poet font="Simplified Arabic,14,teal,normal,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]

وزاد الله لـ ابو تركي الجمايل =ولبى دعوة الأم وطلبها
من إيمانه ومن طيب الفعايل =عطاه الأرض وأخرج له ذهبها
بفضل المقتدر مجزي الفضايل =تتم النعمة ويظهر سببها

عطاه الله من صافي الشمايل =وهيبه ما لاحد غيره وهبها
الا هوبه لبو تركي مثايل=حشا واللي ميسرله صعبها
له الله كيف وحد هالقبايل=وكيف قلوب خلق الله كسبها

له الله كيف لثقيل الحمل شايل =وكيف أقصى عن بلاده تعبها
له الله كيف جنبها الهوايل =وعن جهل ومرض جفني حجبها
له الله كيف عدل كل مايل =وكيف الأرض أرخت له حصبها

ملكها من حرم مكة لحايل =ومن دمامها لمابعد أبها
ألا سبحان من في الوحي قايل =جزى الاحسان جناتها كتبها
الا يارازق معسر وعايل =ومفرج هم هالدنيا وكربها

الا ياخالق قيض القوايل =وخالق بردها وخالق حطبها
تجازيه بعطاياك الجزايل =كثر مارحمتك قبل احتسبها
تجازيه بنعيم ماهو زايل =وتجيره من لضى النار ولهبها
[/poet]