¨° بوح القوافي °¨ خاص بشعراء المنتدى النبطي والفصيح (يمنع المنقول) . |
|
أدوات الموضوع | انواع عرض الموضوع |
27-09-2009, 08:51 AM | #1 | |||||||||
شــــاعــر
|
يا سهيل قمّ هات الحطب وإشعم النار
يا سهيل قمّ هات الحطب وإشعم النار
الراس معمـوس ولـدري علامـه ؟ وهات الدلال وهات هيل(ن) ومسمار وبن اليمن يا سهيـل خـلّ القمامـه ثم سوّ فنجال وصل ريحـه الجـار ودوك العقال أبغى أعصب العمامـه وهات القلم ما عاد للهاجس أعـذار هاته ودوك البـوك وإكتـب كلامـه إكتب عن إهموم(ن) كما ضلع سنجار ولا هـان ضلـع النيـر للهم هامـه الصدر لهمومي معسكـر ومضمـار هم(ن) يسلـم هـم حـان إستلامـه والمشكله يلبـس بريهـه وبسطـار وتحضيـر للقايـد ويرفـع تمامـه والحال ناحل مـن تراديـد الأفكـار حالي كمـا شوفتـك حـال الندامـه مدري سببها فقر وديون(ن) إكثار ؟ وألا سبايـب حـب راع اللثامـه ؟ وألا كتب ربي يصير إللي ثم صار ؟ وألا سبب حظ(ن) مطـول منامـه ؟ مدري يا مشكايـه وتايـه ومحتـار والظاهر إن الوقـت غيـر نظامـه نسمع مثـل معـروف الوقـت دوار وأنا توقـف عنـد همـي علامـه ! |
|||||||||
مواقع النشر (المفضلة) |
|
|