بيت القصيد للتعمير

[بنت الاصول]

يمه حبيت لي بدوي وعآإدآإته تهز جبآإل ..~





أبي أحكي حكاية (قلب) .. كتم عشقه وهو مذبوح

بغى يداري حكايةحب .. حزينة .. وسرّها مفضوح
حكاية .. كلها آهات ..اسطّرها بـ سبع أوراق
وجملة تعزف أوتاري .. ( عساني اتقن التصوير )







أنا ياللي تسمعوني .. عشقت فلان ابن فلان

وهو مسكنه بعيوني .. وانا يَمه [عشر أوطان]
وقال لي يابنت لجواد .. أبيك أم لعيالي
أنا أحبك وحبي جادّ .. ومابي غيرك حلالي
طويت "الصفحة الأولى" .. وبدى مشوار أحلامي
قضينا ليلي بطوله .. أنا والشوق واقلامي
كتبت بثاني صفحاتي .. (حبيبي جاي يخطبني)
وكلّمني حبيب الروح .. يقول اهلي على علمٍ
وقالوا شف متى بنروح ؟ لجل ما تصحى من حلمٍ
سألته .. علامهم أهلك .. ينادوني حلم وأوهام
وهُم يدرون بي عقلك .. وباقي الناس تحت لقدام
واثاري .. مايواطوني .. لأني من{حضر نجد**يولا ودهم يعرفوني .. ويبون له من بنات البدو
حنا حضر .. وهذا بدوي .. وعاداته تهدّ جبال
وشرع الله لو نحتوي .. مانلقى لرفضهم مجال
وقالت أمه ياوليدي .. أنا بارضيك واخطبها
تعال وياي خذ بيدي .. وجات وكنّه غاصبها
وبدت أحداث ماانساها .. بثالث صفحة من عمري
طويت ايام ذكراها .. وحرقني نارها بجمري
وجات أمه تّبسم لي .. وداخل صدرها أحقاد
وقالت بالحياة من لي .. سوى (فلانٍ) أعز لأولاد
وأمي تساير الذبّات ..[وتلميح وطعن وجروح]وأخته استرسلت كلمات .. وخلّت ذلّنا مسموح
وآخرها تقول الأم .. "انا جيتك غصب عنّي"
أنااشهد .. مافقلبها دم .. وجاية تنتقم مني
وأمي طبعها تصبر .. وبالآخر تعلّي الصوت
واهانتنا بدت تكبر .. وعالسلام فات الفوت
وصاحت أمي من حرقة .. ترى بنتي ّ أدب وجمالّّ
مهي بين الشباب علكة .. خلوقة وظفرها ماانطال
واذا كنتوا عيال بدو .. وماتبغون البنيّة
ترانا من شرف وأصول .. وروحتكم بلا جية
ومشوا .. ودمعتي تجري .. شهدت الموت على قبري
وهو مسكين مايدري .. شاللي صار من بدري
وكلّمته .. وعلّمته .. وطاح الكاس من يدّه
يصارخ : لااااااااااا وهو يبكي






وسمعت الآآآآهـ في صمته .. واثاري الآه كلماته

حياته بي غصن وردة .. ومن دوني نهاياته






أنا عانيت وهو عانى .. ورابع صفحة معانا

كل الألم سطّرته فيها .. ولا كلمة تحلّيها
كتبت في أول الصفحة .. (بداية) عن نهايتنا
وانا بنص السطر .. ربعه .. جانا الدمع عانقنا
وكلّمني عقب يومين .. وحلف لي لو تمر سنين
أنا بعدي على وعدي .. أبيـــــــك لو كلهم ضدي
وعشت الحلم من ثاني .. وجا كابوس صحّاني
تقول أمي : جاك عريس .. ومالك للرفض حيلة
وبعد الفحص والتشخيص .. طلع مزيون ومن عيلة
قلت : يمه ترى مابي .. عريس مجهول مااعرفه
وحتى ان زادوا خطّابي .. شوفيلك بينهم صرفة
وقالت أمي يابنتي .. أنا ادري وش سبب رفضك
يجوز [حبيتي أو همتي] .. وذاك فلان قضى بختك
ولا تظنين بأفعالك .. بوافق لو رجع يخطب







(يمين الله ماطالك .. وانا حافظ حياتي الرب)

بكيت .. مابيه أو غيره .. ولا شرّه ولا خيره
أنا يمه أبي الوحدة .. ورضاكي ياأهم وحدة
وطوينا صفحة العرسان .. وخامس صفحة تبدا الآن
رسل لي في مسج خلّي .. عيوني وقلبي وكلّي
تراني سجين أحزاني .. ودمعي أحرق أوجاني






أبيك يمي وبدمّي .. تزيحي بكلمةٍ همّي

أحبك .. ودي أسمعها .. وأبد مابي أودّعها
ودق جوالي وصديت .. ثواني وعقبها ردّيت
وقال ألووو .. بكى صوتي .. "وشهقت الموت قبل الصوت"
شهد ويّاي على موتي .. وكلّمني بصمت وسكوت







وقال أرجــــــــــوكٍ لا تبكين .. أنا مااستاهل الدمعات..!

وعدتك في الهوى وعدين .. وفيت الحب بلا جمعات
ولكن ربّك العالِم .. على اصراري مانيب نادم
ومحد بيلبسك الخاتم .. سواي .. ومع أمي بتفاهم








وجا باكر وكلّمني .. وخيبة جديدة تصدمني

يقول أمي اغضبت مني .. ومن هالبيت طِردتني
ومرّت أيااااااام وشهور .. وأملنا باللقا يركد
جناح الحب (غدا مكسور)..
وكلٍّ للأمل يفقد وبالآخر تقول أمه::.
[على جثماني تاخذها] رضاي عليك ماتشمّه ..
لو إنك باقي تطلبها
وقال يمّه .. انا مابي في هالدنيا سوى فلانة
أعيش العمر عزّابي .. ولا أظلم معي انسانة
أنا قلبــي نطق بيها .. وأحلامي تناديها
أجل وشلون باتزوج .. جسد .. والروح بيديها.. ؟
وعلمني بكل تفصيل .. مسيرة حبٍ أصيل
وهذاني أطوي الصفحة .. بسادسها بديت أصحى






صحيت اليوم من حلمٍ .. لدنيا عدلها ظلمٍ

قبل أيام أمل راكد .. واشوفه اليوم غدا بائد
وقلت .. دام إني أحبه .. باضحّي من أجل حبه
ويومه [يتصل فيني] .
. يقول إنه يبي يجيني
وهو باقي على عهده .. يبي باكر يجي وحده
بدون أمه بدون أهله .. يظن المسألة سهلة
يظن أهلي كذا يرضون .. وهم بيقولون ذا مجنون ؟؟
على باله ! دام امّه على جيته بتمانع
عقب خطبتنا رح تسكت .. وبتكون فأمر واقع
وعاتبته على فكرة .. بيندمها مدى عمره
تبي تخسر رضى أمك ! لجل حضني أنا يضمك ..!
زواجٍ في شرع ربك .. وشوله الخفية والأسرار
اذا مو أمك بجنبك .. ترى مابي زواج العار
ولو عند الملا إشهار .. علم أمك علوم إكبار






عجّب..!! من جفا ردّي .. ومن هجماتي وصدي




وقال والله مو بيدّي .. هذي أعراف وذا حظّي

سنة واحنا بهالمشوار ..
(زعل وعناد جد واصرار)
وكل أهلي علي حصار .. وعقلي من هواكي طار






وهذي آخر حلولي .. دخيلك لاتصديها

باجربها وعقب قولي .. علي مجنون وعدّيها
بكيت وقلت يا خلي .. دخيل الله تنساني
"ماراح في يوم توصل لي" .. لأن الحظ عاداني
وابد لاتقول أنا آسف .. عطيتِك كم وعد زايف
ترى وفيتني وكفّيت .. ولا ثغرة أبد خلّيت
ولكن .. ماهو بيدينا .. وانا وياك مااخطينا
خطانا .. هو أمل مذبوح .. كِبر فوق الجبال سفوح
وهوى ذاك الأمل والحين .. بدى عقلي يفكّر زين
خلاص ارحل وخلّ أمك .. تجيب عروس وتضمّك
أبيك تروح تخطبها .. عروس الكل يطلبها
تعجبك وانت تعجبها .. وامك تودها وتحبها ..
قال : وش تقولين .. مابي غيرك .. انا.....
قلت .. تكفى لاتقاطعني .. وبس هالمرة طاوعني
سألتك .. [بربي وربك] .. اذا بعدك على حبك






ابي باكر يجي ردّك .. وقرار امك يكون عندك

ولاتحسب عنك اتخليت .. انا لجلك .. بك انت ضحيت
يقولوا التضحية في الحب .. بكرامة .. مبدأ .. وحتى فلوس
وانا تضحيتي "كانت قلب" .. دفنته وجيت فوقه ادوس
أمانة لاتكلمني .. سوى يومك تودعني ..
ابيدك باكر او عقبه .. تسمّعني خبر خطبة
وانا حلّفتك بحبي .. واي نقاش .. ابد مابي
وودعته فمان الله .. وصدري يحترق بالآآآهـ
بكيت وشكيت احزاني .. ودمع القلب واساني






واقول مدري وش سويت.. ؟ كذا صح ؟ ولا اخطيت.. ؟

انا صارحته عن حالٍ .. مصيرٍ بيننا محتوم
ولا استسلمت لآمالٍ .. وخليته يعيش محروم
ومر اليوم وثاني يوم .. ولا كلمني بالمرة
وحبي له غدا مظلوم .. مثل مسجون في جرّة





(وذي صفحة رقم سبعة .. بها صفعة ورا صفعة)




بأولها انتهى عمري .. وآخرها انحفر قبري

وكلمني حبيب الروح .. بصوتٍ خافتٍ مجروح
وقال انتي طلبتيني .. نخلّي حلمنا ذكرى
بحبي لك حلفتيني .. ورح اخطب بعد بكرة
بنت خالي او بنت العم .. ولابي ميولٍ محدد





ولكن

كان رأي الأم .. لبنت أخوها تتودد
صحت وبكيت ( ألف مبروك ) .
. عساك مستانس يا خلّي ..؟
وردّ علي بصوت مربوك .. سؤالك ذا موجه لي ؟؟
سألتيني ان كنت مبسوط .. وتدريني بها مغصوب
ودونك الفرحة يتيمة .. حياتي عقبك عديمة
وقلت أرجوووك قول مبسوط .. لجل ارتاح واتطمن
وقال بكذبةٍ وصمود .. انا مالفرحة باتجنن
ونزلت دمعة من عيني .. وجسمي يرتجف حرقة
وبدت بسماتي تجفيني .. وعيشتنا غدت ضنكا
وقلت بنغمة المكسور .. عساك تتهنى بحياتك
وحتى لو كنت مجبور .. اعتبرني من ذكرياتك





بكى .. [تكفـــــــــين] لا تقولي .. بإنك ذكرى فـ حياتي

تظلّي يمّي وحولي .. وحبّك "ينبض بذاتي"
وكلما تهزّني الأشواق .. رح اوقف عند باب بيتك ؟؟
واصيح بكل صمت مشتاااااق .. واهنيك في يوم عيدك
لعلّي لو وقفت هناك .. المح طيفك المحسون

[بنت الاصول]

يمه عساني ما أزعجتـك يـا يمـه

أحس في صدري عذاب وحرقه

يضمني حزني وأنا حيـل أضمـه

كنه ضناي وشوفته شوف ضيقة

يمه وأنا بنتك وإذا قلت يمه

شوفي لحزنـي والمواجـع طريقـة

ضمنيني لصدرك ثمانين ضمه

ضمة عشيـق ٍ مايفـارق عشيقـه

وكانك سألتي خاطري ويش همـه

بعلمك وأبي جواب الحقيقة

ليه الزمن اليوم مافيه ذمة ؟!!

وليه الطعون اللي بظهري عميقة ؟!!

وليه الولد يبوق في بنت عمه ؟!!

وليه الرفيق يخون عشرة رفيقه ؟!!

وليه أنخدع في ناس كانت مهمة ؟!!

ويوم أكتشفها وهم ماله حقيقة ؟!!

وليه الذي وقت الرخا كان قمة ؟!!

ووقت الشدايد مالقينا طريقه ؟!!

وليه الحسد يمي من عيون عمه ؟!!

وليه الخطأ لو قلت كلمة رقيقة ؟!!

أزيد يمه ولا كافي مغمه ؟!!

أشوف عينك من هماها غريقة

يمه دخيلك آسف آآآآآهـ يمه

كـنـي جرحتك وأنتي أغلى رفيقه ...

[بنت الاصول]

أبيات للشاعر محمد بن احمد بن محمد السديري يقول:



قصر يذلك لا تقابل مبانيه
خله عسى شامخ طويله هدامي

خله عسى ما صاب اغادير يفنيه
يودع منازله الطويله رجامي

لو زان مدخاله وطالت حواميه
شيد على الخيبه قليل الرحامي

وحي يوريك المذله وتغليه
انا اشهد انك ميت القلب عامي

من لا يودك لا توده وترجيه
ارفع مقامك يا عزيز المقامي

ارفع مقامك عن عدوك وتوذيه
ويلحقك من تركة رفيقك ملامي

حق الرفيق وواجبه لا تخليه
يلزمك مثل الوالدين الحشامي

اختر عزيز الجار والحق يعطيه
شبل على هرج يقوله يحامي

ومن قارب الاجرب بالامراض يعديه
عدواه تسطي باللحم والعظامي

درب السلامه بينات مماشيه
ودرب العطب يرث عليك اللكامي



* ومن قصيدة أخرى يقول فيها:


لا خاب ظني بالرفيق الموالي
مالي مشاريه على نايد الناس

لعل قصرٍ ما يجيله اظلالي
ينهد من عالي مبانيه للساس

لا صار ماهو مدهل للرجالي
وملجا لمن هو يشتكي الضيم والباس

بحسناك يا منشي حقوق الخيالي
يا خالق اجناسٍ ويا مفتي اجناس

تجعل مقره دارس العهد بالي
صحصاح دوٍ دارس ما به اوناس

البوم في تالي هدامه يلالي
جزاك يا قصر الخنا وكر الادناس

متى تربع دارنا والمقالي
وتخضر فياض عقب ماهيب يباس

نشوف فيها الديدحان متوالي
مثل الرعاف بخصر مدقوق الألعاس


* ومن رائعة اخرى يقول السديري:


لا تقرب الأجرب بالامراض يعطبك
يصير جسمك مثل جسمه عليلي

ممشا الخطا من صافي العقل يسلبك
ويصير لك يم الرذيله سبيلي

وعن ما رد الانذال نزه مشاربك
واشرب نظيف لو ورادك طويلي

وياك تنسى يا ابن الاجواد واجبك
واللي يروم المجد حمله ثقيلي

يالادمي وان كان كبرت مصايبك
ازبن على محي البلاد المحيلي

أزبن على رب بعرشه يراقبك
وناجه وبعد العسر يسره جليلي

[فقيدة امها]

لا تزيد الجرح ماقصر زماني
شايلٍ بالقلب أحزان السنين
لاتزيد الجرح مافيني كفاني
لا تصير اليوم مع وقتي معين
ياحياة الروح ربي بك بلاني
بالحشاء لك جرح يالغالي مكين
في زمانٍ فات يالغالي تراني
أخفي الأحزان والعبرة تبين
عمري اللي ظاع باحلام وأماني
شوفتي لك يوم والفرقا سنين

[فقيدة امها]

مابين مر الحقيقه وسكر الكذبه
ذابت شموع الصراحه في ليالينا
يادنيا راحت معاني حبنا العذبه
طارت طيور المحبه عن موانينا
ارهقت نفسي وذقت المر من حبه
عيت حروف الغلا ترسم خطاوينا

[فقيدة امها]

ماقلت أبي قربك ولا قلت مابيك
افهم شعوري وانت حدد قرارك

ان رحت عني بدعي الله يحميك
وان جيتني بقول بالقلب دارك

اوقات مايطري على البال طاريك
واوقات من شوقي اناجي جدارك

واوقات اخلي كل هالناس واجيك
واوقات رجلي تنحرف من مسارك

[فقيدة امها]

وتمر في بالي
توقد مصابيح الحنين بـ صدري الخالي
وأشتاق لك وأشتاق
واغص في دمعة وله لا مر طاري فراق
يا سيدي
راحوا كثير .. إلا أنت
واقف على بالي

[مذهل]

ياشاري الهم تكفى تشتري همي .

ببيع باقي[رصيدي] وبكسب الراحه

[فقيدة امها]

أبي أكتب رسالة شوق تهزك كل معانيها
أبيها تدخل بقلبك وتوشم اسم راعيها

أبي اكتب معزتنا وارسم حبنا فيها
أبيها تبقى لك ذكرى ولاتنسى طواريها

أبي اكتب وانت تقرا حلومر لياليها
وتذكر فيها انسان يحبك ويذكرك فيها

[فقيدة امها]

ياظروف الوقت ودموع الرحيل
خففي الصدمه ترى النوم انسرق
عادة الدنيا على الغالي تميل
تتركه والشوق في كفه برق
دمعة الفرقا على خدي تسيل
والزمان المر في وجهي شرق

[مذهل]

تعبت اطوي مسافاتي تعبت من العنا ياصاح
تعبت اركض ورى المجهول واحد فية غاياتي
تعبت اضحك على نفسي واقول ان الصبر مفتاح
تعبت وحيل خانتني سنين العمر بسكاتي
تعبت وضاعت ايامي على باكر يجي وارتاح
تكاثرني الزمان اللي بدابأول معاناتي

[بنت الاصول]

للشاعر الكبير / عبد الله بن فهيد بن راشد الغيداني الحربي

هـــــب الــهـــواء غـــــرب (ن) وســـــاق الــخــيــالاقــــامـــــت تـــســـوقـــه زاعـــــجـــــات الــعــواصـــيـــف

مـــــــزن (ن) مـــــــن الـمــنــشــا بــــروقــــه تــــــــلالاقــــامـــــت تـــــلاعـــــج بـــالـــبــــروق الــكــواشـــيـــف

مــزن (ن) عـظـيـم (ن) مـظـلـم (ن) كالـجـبـالاســــــــود (ن) مــقــاديــمــه مــــزونـــــه مــقــانــيـــف

يــــــســـــــوقـــــــه الـــــمـــــعـــــبـــــود رب الــــــــــجـــــــــــلالايـــــــــــم الــبــعــيــثـــه هـــــــــــل مـــــزنــــــه ذواريـــــــــــف

ســـــكـــــر هــــــــــواه وصــــــــــب مـــــاهــــــا وســـــــــــالاسيل (ن) غزير (ن) ينبت العشب بالصيف

ســـــيـــــل (ن) يـــــعـــــم طــعــوســـهـــا والـــســـهــــالاتـلــقــى الــزبـــد عـــقـــب الــمــطــر كـالـقـطـاطـيـف

يــــــــــــروي مــــطــــرهــــا مـــعـــطـــشـــات الــــــرمــــــالاتـــلـــقــــى الـــفـــقــــع فـــيـــهــــا بـــلـــيــــا مـــغــــاريــــف

تـــــاخـــــذ ثــــــــــلاث أيــــــــــام عــــــــــد (ن) كـــــمـــــالاحـــتـــى تـــشـــوف الــعــشـــب مــنــهـــا مـــواريــــف

مــــــــن بــعـــدهـــا ذعـــــــــذاع نـــســـيـــم الـــشـــمـــالانــســـمـــة هــبـــوبـــه كــنـــهـــا نــســـمـــة الــطـــيـــف

والـــــطـــــيـــــر غـــــــــــــــرد ســـــــبــــــــح الله تـــــــعــــــــالاوالــــصـــــوت شـــالـــنـــه طـــــيـــــور الــخــواطـــيـــف

والـــغـــصـــن الأخـــــضـــــر بــالــذعـــاذيـــع مــــــــــالاقـــــــــام ايــتــمــريـــع مــعــجــبـــه قــــــــــده مـــــريـــــف

تــــلــــقـــــى الـــبـــخـــتــــري والــــنــــفـــــل والــــثـــــمـــــالاوالــــربـــــل والـــخـــزامـــى غـــصـــونـــه مــنــاكــيـــف

والــــشــــيــــح والـــقـــيـــصـــوم طــــلــــعــــه جـــــــــــــلالاوالــقــحـــويـــان الـــــلــــــي شـــبــــيــــه الــمـــراهـــيـــف

والــــــنـــــــار مـــشـــبـــوبــــه عـــلـــيـــهــــا الـــــــرجـــــــالافــي فيـضـة (ن) نلـقـى بـهـا الأنــس والـكـيـف

والــــبـــــن مـــصـــبـــوب (ن) بـــصـــفـــر الــــــــــدلالامــــــــع زعــــفــــران (ن) صـــبـــتـــه كـالــمــراعــيــف

ونــــشــــرب مــــــــن الــــغـــــدران مـــــــــاء (ن) زلالامـــثــــل الــعـــســـل طــعـــمـــه ولابــــــــه عــــواذيــــف

مــركـــوبـــنـــا جـــــيــــــب (ن) حـــــــــــلال بـــــحــــــلالايـــــــــا زيـــــــــن غــــــــــرة كــشــنـــتـــه يــالــغــطــاريــف

إلـــــيـــــا مـــــشـــــى يـــشـــبــــه ســـــريــــــع الـــــغــــــزالاوإلــيــا وقــــف ذيـــــب (ن) نـحــيــل الـسـراجـيــف

مـــــصـــــنـــــوع بـــالــــيــــابــــان كـــــــمــــــــل كـــــــمــــــــالابـيــك أب حـــوض (ن) فـيــه كــــل الـتـواصـيـف

إلـــيــــا دعــــســــت الــبـــنـــص زمــــجــــر وصــــــــالاغــــــنـــــــت شــكــامـــيـــنـــه بــــلــــيـــــا شـــفـــاشـــيــــف

إلــــــيــــــا لــــــقـــــــم بـــاثـــنـــيــــن غــــــنـــــــى هـــــــــــــلالايـــــــفـــــــز فــــــــــــــزات الــــطـــــيـــــور الـــمـــعـــاكـــيـــف

يـــقــــطــــع صـــــحــــــاري نــــــجــــــد صــــــبــــــح ولالاجــــــــــرت كـــفـــراتــــه كـــــمـــــا ســـــلـــــة الـــســــيــــف

هــيـــكـــل جـــمـــيـــل وفــــيـــــه جـــمـــلـــة خــــصـــــالايـفــحــط بـخــامــس مـــــع طــريـــق الـمـراصـيــف

اســــــمــــــه عــــــلــــــى خــــشــــمــــه امــــــدلــــــل دلالاحــــطــــوه صـــنـــاعـــه رجـــــــــال (ن) عــــواريـــــف

جــســـمـــه رشــــيــــق (ن) مــكــتــمــل بــالــجــمــالاوصــوتــه كــمــا صـــــوت الــريـــاح الـشـواعـيــف

إلـــــيــــــا ركـــبــــتــــه مــــــــــــا تــــــعــــــرف الــــمــــحــــالاجـــيـــب (ن) مـــجـــرب لـلـطــعــوس الـمـهـايـيــف

إلــــيـــــا فــــحـــــط فــــــــــي مـــاقـــفــــه ثــــــــــم جــــــــــالاخــلــى الـحــصــى روســـــه مـقــاطــع شـغـانـيــف

مــوديــلــه أربــــــع وتـسـعــيــن مــــــا بــــــه مـــقـــالاتـصــديــر مـجــيــوب (ن) بـــغـــال الـمـصــاريــف

وصــلـــوا عـــــدد مـــــا هــــــل وبــــــل (ن) وســــــالاعــــلــــى رســــــــول كـــــــــرم الــــجـــــار والـــضـــيـــف

[بنت الاصول]

كل جرحن بها الدنيا ولو ماينوح

ينخر القلب من جوا بسكات

كاني غريب وسط ديره كلهاجروح

انفاسها تنثر والقلب يجمع شتات

في صبحها ترقب امانيها وين ماتروح

وبدمعها توقظ مشاعر عايشه بسبات

تضم نسماته بين المحاني تداريه لا يفوح

لين يحيي قلب من شذى الذكرى ويخضرالنبات

يروي نداه ضامي الشوق واحساس يبوح

بهم (ن)يكسر القلب ويجر الصوت بسبته ونات

من عقب جرحه كانه يتيم على سكة الباب مطروح

تبكيه جدران حضنها بكف(ن) يواري الدمعات

وتبكيه الشوارع يوم قفى والخوف بالعين مفضوح

يرجع ويلقى الالم في داخله حي ما مات

[مذهل]

هلآ بآإلي يفز آإلقلب لآإمني سمعت آإسمه
ولآإمني كتبت آإلشعر طيفه مصدر إآلهآإمي
هلآبآإللي رسمته في معآإليق آإلحشآإ رسمه
رسمته بآإلخيآإل آإلخصب مآإهو رسم رسآإمي

[بنت الاصول]

يقول ابن تويم رحمه الله :


اليوم انا غادرت سوق الطايف
متوجه لجده مع المندوب

سلام ياربع خبركم جانا
التلفون اسرع من المكتوب
مير اسمحوا لي واسمعوا جوابي
بغى يضللي ضارب ومضروب
ركبت لي في موتر(ن) سواقه
مركي عليه الساق والعرقوب
يدعس على البنزين دعس بقوة
واللي معه واللي وراه ركوب
رغم انهم يقلون هد اعصابك
مايهرج لهم غير بالمقلوب
وقلت ياسواق لا تقلبنا
وراك مسرع كنك الهبوب
اعدل عن السرعه وخلك ريض
ان كنت سواق(ن) على المطلوب
قال انت يابن تويم وشبك خايف
ماكن مع بعض الرجال قلوب
ليتك تفارقني وتلقى غيري
مانته على سيارتي مغصوب
قلت ارع نفسك واتق الله فينا
لاترتكب جريمة وذنوب
بعدين تمسي فالقبور لحالك
والا تضللي فالسجن مصلوب
قال السهر جاب المرض لعيوني
مير الصبر عند اللزوم وجوب
لا ياعيوني عن منامك جوزى
لو كان دمعك وابلن وسحوب
وقلت ياسواق خلك عاقل
عكرت معنا صافي المشروب
الهنجله والدنجله مابيها
خل المناقش بيننا باسلوب
قال انت وشبك ناشب(ن) في حلقي
اقلقتني ولانويت تتوب
مالك ومالي خلني في حالي
وراك تتعبني وانا متعوب
قلت الحقيقه مامعك نتيجه
نار الحماقه جمرها مشبوب
لاواعنا السواق من دخانها
تحسبك غالب وانته المغلوب
الظاهر انك مفطر بهريسه
والا لابدك مفطر(ن) معصوب
والا تبى البراد والتعميره
البعض منها شربها مرغوب
اهدي لكم يالسايقين نصيحه
ياهل الشمال وياهل الجنوب
وياللي بشرق المملكه وبغربها
وياللي مشيتوا مع وسيع دروب
مشي السلامه خير من مشي الخطر
ماكل شاة ديسها حلوب
ولانقول انه يغذي طفلها
نعرف طلوع الشمس والغروب
ياسامعين القصه وتفصيلها
وابيات شعر(ن) وزنها منصوب
ماقل دل ورمزها نيشا نها
والشمع يجمد والعسل يذوب
عبرت عما سار لى في رحلتي
مع سايق(ن) فى سواقته عذروب
هذي عذاريبه وهذي قصته
وختامها صلوا على المحبوب