الى من يهمه الامر

[كل الغلا]

بسم الله الرحمن الرحيم
السلام عليكم ورحمة الله وبركاته
اليوم حبه انقل لكم معانات قريبتي في مستشفى حوطه سدير راحت للمستشفى تأخذموعدواخذت طبع موعد في نفس اليوم وراحت لام احمدالي في مكتب المواعيد تأكد الحجز قالت مافيه امكانيه شوفي الزحمه تعالي بعد الظهر جت بعد الظهر على كلام ام احمدقالت لها مافيه وقت باقي على الدوام ساعه وربع قالت انتي قلتي تعالي بعد الظهر وجيت بعد الظهر حاولي ابجلس انتظر لعل احد المرضى يتغيب واكون مكانه قالت مستححححححححححيل وهي رايحه جايه بالمرضى الي نفس جنسيتهاتدخل وطلع على كيفها وش رايكم في هذا التصرف
من المسؤل عن هذا
وين المدير والمشرفين عنها
ملاحظه \من عرفت المستشفى وهي موجوده ماجاها تقاعد او انهاء خدمات
واخير ارجو التفاعل وعذرا للأطاله

[بنت التخصصي]

هذا في الحوطه انا رحت لاسعاف مستشفي في الرياض وانا الله يعلم بحالي تخيلي جلست في الاسعاف ست ساعات واخر شي قالوا لي مافيه سرير

ورحت لمستشفي ثانيه وعشر دقايق وانا طالعها والحمدلله خفيت شوي

[أنثى المطر]

لو بنتكلم فتحنا ماكفانا اقل من 20 صفحه هنا عن الاخطاء

ناهيك عن الاخطاء الطبيه اللتي تحصل وصرف الادويه الغير مخصصه


المفروض أن يكلم ادارة المستشفى واعطيه الخبر

وهو ان شاء الله بيتصرف اذا كان يخاف الله في المسؤليه اللتي وضع لأجلها..


كل الغلا يعطيك العافيه

أحترامميـ

[طالبة المعالي]

وعليكم السلام ورحمة الله وبركاته ..
ومثل معاناة قريبتك كثير .. الله المستعان فالأمانة قد ضيعت وهذه من أشراط الساعة ..

شكراً لك أختي الفاضلة .. ونسأل الله أن يهدي الجميع

[ابن الاجواد]

عاد يمدحون المدير الجديد للمستشفى

[اخونوره]

تم التحرير من المشرف

[قلم صريح]

وسعوا صدوركم وتحملوا .. وخلوكم على اُهبة الإستعداد للأسوء في اي غرض او حاجه لخدمة المواطن علشان لو ما صادفتوا عناية او إهتمام او حسن خلق تجيكم صدمه من غير شر .. حقيقة. ماتشفونا وشلون نعامل بعض في الأسواق والشوارع ..ولا في الطوابير ؟

[ابو عبدالمحسن]

الله يجزاك خير وسعى صدرك


الديرة قامت وانتهت بالاجانب والله المستعان

والجاى اكثر


ولاحول ولاقوة الا بالله

[كل الغلا]

مشكورين على الردود
يقولون المدير شغل مضبوط بس وينه نايم في العسل
بعدين من يقول ام احمد مديره ماعد الاهي
هاذا الناقص سودانيه او مصريه تصير مديره
الله يكون في عون الشعب السعودي

[فهد المنيع]

السلام عليكم

أول شيئ اتمنى لقريبتك الشفاء العاجل وجميع مرضى المسلمين ..


حقيقة موضوعك غير واضح .. اللي اعرفه ان المواعيد تأخذ من المراكز الصحية ولا تحتاج تأكيد الحجز من المستشفى ..

عموماً لا نعلم التفاصيل وما حدث بالضبط ولكن أجزم بأن مدير المستشفى الأستاذ ناصر الصافي حريص كل الحرص على تقديم أفضل الخدمات لجميع المراجعين وهو ما عرف عنه منذ أن تولى مهامه في إدارة المستشفى ..


وبالإمكان مراسلة المسئولين بالمستشفى عن طريق معرفهم في المنتدى على الرابط التالي وبإمكانهم خدمتك إن شاء الله ..

http://www.sudeer.com/vb/member.php?u=17789


وشكراً ..

[اخونوره]

سعادة المشرف وفقه الله فيه ردود اعظم مما كتبت ومع ذلك حذف ردي أعتقد الصراحه والصدق صعبه شوي تحيااااااااااااتي

[المستحيه]

مساكم خير

لو تجلسون في انتظار الحريم شوي تشوفون العجايب محل ضيق ولا أحد يعبرك وامور مشكاها لله

[كنق ســدير]

صح لسانك ياالمستحيه
بس ماحولك احد

[ولد عبدالعزيز]

و الله الي سمعناه عن مدير المستشفى الجديد
انه جاد
حاولو انكم توصلون له الخبر
و ايد انه راح يتخذ اجراء

[طير الهدد]

مثل ماذكر اخوي ولد عبدالعزيز ان مدير المستشفي انسان جاد
وكذلك النائب والمساعد غير متهاونين يعني وصلي الخبر لواحد منهم وشوفي وش
راح يصير بعدها