قرص الرمل

[وادي سدير]

كان الاولين يصلحون قرص الرمل اثناء رحلاتهم او اثناء خروجهم للبر لمختلف الاغراض مثل رعي مواشيهم او حش الحشيش او غيره من امور يطلعون البر علشانها

كانو اذا شبو الضو في اليل علشان يتدفون بها او علشان يصلحون عليها القهوه والاكل يستفيدون من باقي جمرها وحرارتها اللي في الارض لتصليح قرص الرمل

مكونات قرص الرمل:

يتكون قرص الرمل من طحين البر الممزوج مع اماء والمضاف اليه مايمكن اضافته مما تيسر من بهورات وملح ودهن ....اذا امكن واضافة السمن عليه لاحقا


طريقة عمله

يعجن الطحين (البر) ويضاف اليه الملح واذا امكن شوي بزار ودهن

يفرد على شكل خبزه سميكه نوعا ما

يزال ماتبقى من رماد وجمر من مكانه قليلا ويحفر تحته لتظهر التربه الرمليه الحاره اللتي تحت مكان الضو

توضع الخبزه على الرمل الحار ومن ثم يشب نار في سعفه او شجره صغيره جافه من اشجار البر اذا وجدت وتلهب بها سطخ الخبزه لكي تجف وتتماسك قليلا لكي لا يدخلها التراب والرماد كثيرا

بعد ذالك يوضع الجمر ويوزع على سطح الخبزه لكي تستوي من حرارته اضافه الى حراره الارض المخزنه من الضو من تحتها

من الممكن ان توضع الخبزه في الرمل وتغطى بالرمل ايضا وتوقد الضو فوقها

المهم هو الاستفاده من حرارة الضو المخزنه في الارض لطهي الخبزه(القرص)

في الصباح تؤخذ الخبزه وتنضف مما علق بها من رماد او فحم او حصييات وتراب وذالك بضربها بخفه بواسطه عصا وانتزاع تلك الحصييات والفحم العالق

ومن ثم تفتت وسط اناء بشكل جيد ويضاف اليها السمن اللذي يمزج جيدا مع الفتات

وتصبح وجبه فطور شهيه وكامله وذات قيمه غذائيه عاليه مع تناولها مع الحليب او اللبن

وبالهناء والعافيه


لقرص الرمل اسماء كثيره في المناطق المختلفه منها قرص عقيل اللذي كان يصلحه ابناء القصيم اثناء رحلاتهم التجاريه والمعروفين قديما باسم العقيلات ومن هذا الاسم جاء اسم القرص


وسلاااامتكم

[ذيب سدير]

وادي سدير ..
شكرااا على هذه المعلومات الجميله ... بس اعتقد ان قرص الرمل يحتاج الى شخص طباخ ...لانهااا تحتاج الى وزنياااات كي تصبح بشكلهااا الصحيح .. فمنهم من ياخرهااا في الرمل فتحرق او تيبس .. ومنهم من يملاهااااا رمل ..ولاتعرف تاكلهااا وغيره ...
شكرااا والله يعطيك العافيه ...

[إحساس]

تسلم يديك وااادي سدير..

على هالمعلومات الجيدة والطبخة السنعة..

[وادي سدير]

المشاركة الأصلية كتبت بواسطة ذيب سدير   وادي سدير .. شكرااا على هذه المعلومات الجميله ... بس اعتقد ان قرص الرمل يحتاج الى شخص طباخ ...لانهااا تحتاج الى وزنياااات كي تصبح بشكلهااا الصحيح .. فمنهم من ياخرهااا في الرمل فتحرق او تيبس .. ومنهم من يملاهااااا رمل ..ولاتعرف تاكلهااا وغيره ... شكرااا والله يعطيك العافيه ...

نعم اخوي ذيب

لازم التجربه والخبره علشان يظبط القرص

لانه بيكون يابس والا محترق والا ممتلي تراب

مشكوور على مرورك واثرائك للموضوع

[وادي سدير]

المشاركة الأصلية كتبت بواسطة إحساس   تسلم يديك وااادي سدير.. على هالمعلومات الجيدة والطبخة السنعة..

حيااك اخوي احسااس

وشاكر مرورك وتعقيبك

[سلطان العضيدان]

[align=center]وادي سدير

انا اذكر كشت مع ابوي وشيبانن معه ... وقاموا وزينوا لهم قرص جمر
والله ما عمري ذقت مثل هاك القرص يا عليه طعمه وش زينهااا

يعطيك العافية يا وادي سدير على الشرح الوافي ...
وماقصرت ... [/align]

[وادي سدير]

هلا بك اخوي راعي الغاط

كشته مع شيبان ومن زمان

اكيد بيطلع القرص لذيذ

لان عندهم خبره

وطحين منوول طبيعي

يعني ماهو مسموود بكيماوي ومضاف اليه عناصر زي هالوقت




مشكور اخوي على مرورك وتعقيبك

وليتك كانك تذكر تقول لنا الطريقه اللي استخدموها

[سعود الخليل]

الله يعافيك يا وادي سدير على هالموضوع ..

ومثل ما قال أخوي راعي الغاط انا أكلت قرص البر كم مرة وسويته كم مره لكن فيه مرة سواه لنا واحد أحس بطعمه إلى الحين << من زود المبالغه . لكن بالفعل ضبطه يعني مهب مثل هاللي يحرقونه أو يمتلي تراب في وجه العدو ماشاء الله عليه ويوم خلص وطلعه فركه مع سمن وتمر لكن الرجال يلعب بالخبره ماشاء الله عليه عمره فوق السبعين سنه وكل عمره في البر ...

[وادي سدير]

المشاركة الأصلية كتبت بواسطة راعي الأوله   الله يعافيك يا وادي سدير على هالموضوع .. ومثل ما قال أخوي راعي الغاط انا أكلت قرص البر كم مرة وسويته كم مره لكن فيه مرة سواه لنا واحد أحس بطعمه إلى الحين << من زود المبالغه . لكن بالفعل ضبطه يعني مهب مثل هاللي يحرقونه أو يمتلي تراب في وجه العدو ماشاء الله عليه ويوم خلص وطلعه فركه مع سمن وتمر لكن الرجال يلعب بالخبره ماشاء الله عليه عمره فوق السبعين سنه وكل عمره في البر ...

بالعافيه

ومطرح مايسري يمري

فعلا اخوي

القرص يبي خبره


بس ليش ماتحط تحته قصدير وفوقه قصدير ايضا

وفي هالحاله مايجيه رمل وفي نفس الوقت النكهه تبقى




والا ابقولك طريقه


ايلا جهزت العجينه

فجب قدر مناسب

يعني قاعته كبر القرص تقريبا

وحطه على الضو شوي الين يسخن بس ماهو مره

بعدين جب القرص وحطه باسفل القدر

العجينه تبي تلصق لان القدر حار

اذا لصقت العجينه اقلب القدر بالعجينه على جمر تكون مجهزه

يبي يصير الجمر تحت القرص بس مايلامسه ويوسخه

في نفس الوقت حط شوي جميرات على القدر وهو مقلوب علشان تسوي القرص من الجهه الثانيه

احرص على ان الجمر مايكون قوي ويحرق القرص


وسلاامتك

[المنتظر]

وادي سدير ..

مشاركة قيمة وتستحق الشكر عليهااا

المنتظر عمل هذا القرص من أكثر من 15 سنة

مشكور على هذا الشرح

تحياتي

.

[وادي سدير]

حيااك اخوي المنتظر


وبما انك سويته من 15 سنه

ننتظر تعليقك على طريقة عمل القرص


شاكر لك مرورك

[معشي الذيب]

مشكور على المشاركه



ومعلومات جميله ومفيده



تحياتي

[لهفة الخاطر]

[align=center]ومن ثم تفتت وسط اناء بشكل جيد ويضاف اليها السمن اللذي يمزج جيدا مع الفتات

وتصبح وجبه فطور شهيه وكامله وذات قيمه غذائيه عاليه مع تناولها مع الحليب او اللبن
وبالهناء والعافيه


يممي روووووووعه وريحتها جنااااااااان
بصراحه الطريقة اللي تسويها خالتي تكون مثل الخبر مو قرص يعني يصير خبز روووووعه ومع الصباح يجنن

طريقتة سهله بس يبي له حذر ...
تسلم اخوي وبإرك لله فيك [/align]

[نــــــوفــــا]

واااادي سديــــــــر



ااااااالله يعطيك العااااااافيه

معلوماااااااااات جديده ومفيده

تسلم ع حسن الطررررح

تقديررري وودي

[بنت الشيوخ]

اهاااااااا

يعني اذا قالو (كل تراب) معناها انها طبخه مهيب مسبّه<<<لوح
بصراحه شي غريب ودي اذوووقه احس انه لذيذ مع الكتشب..

يعطيك العافيه


فمان الله
وبس خلاص