عاجل000000 هدية من التاريخ

[الباز]

السلام عليكم ورحمة الله
تحفة تاريخية لاتليق بأي شخص وهي بندقية من أندر أنواع البنادق الموجودة في المنطقة ويمكن في العالم ، نوع البندقية أم أصبع وعمرها 323 سنة صنعت عام 1684م وتاريخ تصنيعها مدموغ عليها ، والبندقية بحالة ممتازة .
فمن يرغب بالشراء يعرض سعره ولاتبخسوا البندقية حقها لانها قيمة ونادرة .
هذي صورة البندقية وللتكبير أضغط على الصورة :

[ذيب سدير]

اخوي الباز ..
هلابك ..
صراحه التاريخ غريب ..لان البنادق ذوات الرصاص المكبوس تعتبر من اخر الاسلحه ..
ويتراوح تاريخه عن 150 سنه تقريبا ..

والبندق حلوه ...
وانا عندي وحده اختها مرخ .....ولا كان شريت ..
وان شاءالله يجي احد يدور بندق ام اصبع ويسومه سومه ترضيك ..
وشكرااا

[يـــزيـــد]

السلام عليكم

ماشاء الله حلوة اخوي الباز

والله يكتب مافيه الخير

[عبدالعزيز]

الله يزرقنا وياك الباز

بندق قديمة وتراثية

لاهنت ..

[الباز]

السلام عليكم ورحمة الله

مشكورن والله يعطيكم العافية على مروركم وتفاعلكم مع الموضوع والله يحييكم .
تعقيب على أخوي ذيب سدير ( والنعم ) لا ذيبان البنادق من النوعية هذي الي تعبا رصاص واحد بس لها فترة طويلة جداً تتجاوز حتى تاريخ البندقية الي معي الله يسلمك ولو تسأل أحد خبير في الأسلحة أو الآثار سيؤكد لك كلامي يالطيب بس ترى نفس نوعية بندقيتي نادرة جداً سواء في العمر أو النوعية عشان كذا عرضتها للبيع في كثير من الناس إذا حبت تهدي هدية مختلفة وثمينة تهدي بندقية قديمة وأنا شفت كثير من الناس يهدوا بالطريقة ذي لشخصيات كبيرة .
ومشكورين جميعاً على المرور .

[سعود الخليل]

ماشاء الله .. بصراحة تحفة تاريخية .. وتستحق الإقتناء .. ولكن ما ذكرت لنا اخوي الباز كم حدك فيها ؟!

[الباز]

السلام عليكم ورحمة الله

راعي الأولة كيفك أخوي وتسلم على تعليقك وآخر ما جاني فيها 128000 ريال يالطيب بس ما ودي أستعجل والله يا أخي سمعت أنها تسوى أكثر علشان كذا متحري الي يزود الين عشر أيام موعد سفري وعسى خير .
مشكووووووووووووووووووووووووووووور يالطيب .

[سعود الخليل]

ماشاء الله تبارك الله ...

ما نقول الا الله يرزقنا وياك يالغالي ..

[ذيب سدير]

اخوي الباز ...
هلابك ...
انا صراحه اعرف البنادق وجميع انواعها وتواريخها ..ولاكن مثل تاريخ بندقك ماشفت..وخاصه انها ام اصبع..ولو كانت فتيل او مقمع الوضع يختلف ولاكن ام اصبع صراحه غريبه ..
ولاكن ما اقووول غير الله يرزقك ..وان شاءالله تلقى الي يشتريها ..
موفق

[سلطان العضيدان]

الباز

صراحه شكل البندق اثرية ,, وتحفه قديمة

سؤالي يا الباز .. هل انت ورثتها .. ام اشتريتها ,,

وشكرا لك

[الباز]

السلام عليكم ورحمة الله

راعي الغاط كيفك يالطيب البندق هي للوالد وهو جامع آثار ومن قدمها طلبتها منه وأنا أمون عليه عشان كذا عطاها لي وإلا طلبها كثير من الناس منه ورفض بسبب قيمتها الكبيرة .
ذيب سدير كيفك يالطيب شوف ذيبان هذي ماهي البندق الوحيد الي عند الوالد وعنده خبرة ورثتها عنه صدقني معلوماتك غير صحيحة في معلومات تؤكد أن البنادق أم أصبع بدأت في عام 1300م تقريباً أخوي تأكد من كلامك تراني عارضها للبيع والي يشوف كلامك بيصيبه شك من صدق كلامي أخوي راجع معلوماتك ترى الكلمة أمانه وانتظر ردك .

[ذيب سدير]

اخوي الباز ...
انا اتكلم بما اعرفه .. والذي لا اعرفه اسكت عنه ..
واعتبرها امانه علميه ..ولا استطيع اتساهل بها ..
واذا كانت البندق الي عندك بهذا التاريخ فهي بندق نارده واول مره اسمع عنها ... ودائما نتفاجئ باشياء مثل هذي .. ومنكم نستفيد ..
ولكن على حسب خبرتي واطلاعي ... لم اسمع ولم اشوف ام اصبع بتاريخ هذا..
وانا لي اهتمام فيها ..وسويت بحث مبسط عنها....
وقد اطلعت على بعض الكتب في الاسلحه القديمه ..
ولم اجد ما يثبت كلامك...
ومن الكتب (موسوعة التراث الشعبي) الجزء الثالث ص 58
وقد ذكر فيها ان بندق ام اصبع الموجوده لدى وكالة الاثار والمتاحف والتي كتب عليها تاريخ
وتاريخها 1874م وهي صناعه هولنديه منقوش عليها اسم عبدالعزيز بن رشد..وهذي تعتبر من اقدم البنادق من طراز ام اصبع ..
واتوقع انك تقصد نفس النوعيه..ويمكن انك غلطت في التاريخ ..
وان كان كلام غلط .. فالانسان يصيب ويخطئ..
وارجوو منك العذر ...
والله اعلم ..

[فهد المنيع]

المشاركة الأصلية كتبت بواسطة   128000 ريال

ماشاء الله مبلغ طيب ..


الله يوفقك ان شاء الله ويرزقك فيها 1000000 ريال

[الباز]

السلام عليكم جميعاً

ياذيب سدير أتعبتني معاك أذا أنت مسوي بحث ترى الوالد يمتلك أكبر متحف بنادق وهذي النوعية من البنادق ما دخلت الجزيرة العربية أول ما صنعت لأنها كانت متطورة عن السابقات علما أن أم أصبع حسبما أعرف وبالتقريب بدأت صناعتها 1300م والله أعلم يا أخي كيف يعني التاريخ غلط ( عجيب رغم أنك ما عاينت البندقية لو كان تتبع الأمانة في كلامك كان طلبت مني معاينة البندقية بدل التحدث بالنظريات كنت عندها بستقبلك بصدر رحب أما أنك تعتمد على تواريخ غير صحيحة وأفتراضات فهذا خطأ لأن حتى تاريخ بداية صنع البنادق غير معروف .
يا عزيزي البندقية الي عندي بالفعل نادرة جداً لذلك أقتناها الوالد والبنادق تدمغ على الفولاذ وليس على الخشب وهذا أصعب بكثير لذلك لايمكن تزوير التاريخ وحكاية أني ما قرأت التاريخ بشكل صحيح فأنا جامعي يا أخي ماني أمي .
عزيزي حالم ليل الله يعطيك العافية يالطيب وهذا الكلام السنع وترى البندقة قديمة وأنا سمعت حسب رجل جامع آثار أنها تسوى أكثر من المبلغ الي كتبته أقل شيء بالضعف لندرتها وجزاك الله خير .

[ذيب سدير]

اخوي الباز ...
الاختلاف في مثل هذه الاشياء شي طبيعي ..
وانا قلت لك..الي اعرفه عن ام اصبع هذه المعلومات ..
واذا كنت تعرف اشي اخر .. فارجوو منك افادتنا...بمصدر يثبت كلامك انا بندق ام الصبع صنعة بتاريخ 1300 م
وانا ما ابغى اناقشك في مثل هذا الامر ..لانه امر غير معقول!!

والمعروووف انا بداية صناعة الاسلحه الناريه والمقصود (اوائل الاسلحه مثل الفتيل والقداح ..المقمع) في القرن الثامن والتاسع الهجري في الصين واوربا..واما في الدول الاسلاميه فصنعت في القرن العاشر الهجري في تركيا ومصر والمغرب والشام..
وهي تعتمد على الاحجار والبارود والقماش ..يعني الرصاص من البيئه...
فكيف ام الصبع التي رصاصها يكبس داخل مصانع وبارقام وتواريخ معروفه ...
والاعظم من ذالك التاريخ 1300م وهذا شي غير معقول ..
اخي الكريم ..
انا اتمنى لو انك تطلع على تاريخ الاسلحه قبل الكلام به ...
ويقول المثل (حدث العاقل بما لايعقل فان صدق فلا عقل له )..
اما بالنسبه للتزوير ...
فهو شي اعتدنا عليه ..
فالعمله المعدنيه اكبر مثال ..فهناك عمله تنسب لوقت الرسول صلى الله عليه وسلم..وتصنع في سوريا امام الاعين في وقتنا الحالي ..
والان يقلد كل شي في مصانع معروفه في المملكه .. فعندما تعجبك قطعه اثريه ما عليك الا احضار صوره لها وعليهم الباقي ..
فكيف مجرد تاريخ..!!
الامر اسهل ما يكون ..
اخوي ..
انا اقول ما يمليه علي ضميري..وانت افعل ما تراه صالح لك ..
والله يوفقك ..