" نشوة العشق " للشاعره .. دانة القصيد ..

[صـــويب]

مساء الخير


هذه قصيدة رائعة بعنوان " نشوة العشق " لشاعرتنا المبدعة .. دانة القصيد ..

لحظات ممتعة معها ..


[poem=font="Simplified Arabic,6,green,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

*ببيع دنياي وأحيا العمر في عيونك=راحة عيونك ابيع الناس وأشريها

*وش حاجتي فالبشر ما دمت مجنونك=يا منية النفس يالرغبه ورآعيها

*عذب فديتك تمون وكثّر طعونك=لبيــه بيدينك الأوجاع راضيها

*لبيـه يا لهفتك لبيــه يا جنونك = لبيــه يا عشق عيني لو تعنيــها

*لو تستباح المضره شلتهــا دونك =وعيونك أل؟؟ أبو شخص يبكيها

*يا نشوة العشق يا دنياي مفتونك=تموت ساعات عمره وأنت تحييها

*أبسرق الوقت لأجل رضاك وأخونك=وأسج مع طيفك بلحظات"ن" أغفيها

*لا يا بعـد دنيتي لا تبعـد ضنونك=وكلمـــة خيانه بنفسك لا تخليـها

*يالله عسى كلبـوا هالخلق يفدونك=كيف أقدر أخون وأنت الروح شاريها

*لا يلحقك شك دام القلب مرهونك=وأسمى المشاعر بيدينك وأنت غاليها

*عذب وزدني من التعذيب يفدونك=كل الأحاسيس واللي متصل فيها

*مدام قلبي وعيني والأحاسيس يبونك=عذب فدتك الحياة اللي أنت مشقيها

*ولو سألوني هلي والناس وشلونك؟=بقول طيب وحالي فيك أهنيها

*خذ راحتك فدوتك دنياي يا عونك=خذ راحتك فدوتك نفس"ن" معنيها

*خذ راحتك يا بعدهم لا يهمونك=ما دمت بك راضيه والناس ماأبيها

*عذب فداك .. فداك عذب لو يعذلونك=خذ راحتك نفسي ألك اليوم مهديها

*ما قلتها .. لك ابيع الكـــل لعيونك=وفرحة عيونك ابيع الناس وأشريها
[/poem]

بوح القوافي

[وفاء قلم]

رائع ما طرحت اخي الفاضل هاهنا ..
دمت ودام لنا تالقك وعذب اختيارك..
الله يعطيك العافية..

[صـــويب]

الأخت الكريمة وفاء قلم .. بارك الله فيك على مرورك العطر وأشكرك



لك ِ تقديري وشكري

[مذهل]

معاني جميلة وكلمات اعذب وذووووق راقي
لاهنت ،،،أخي صويب ،،، صح لسانك ولسان قائلتها
ولك تحياتي وفالك طييييب على هذا الإختيار

[فقيدة امها]

سلمت يداك أخي الفاضل صويب
على جميل طرحك وحسن ذائقتك
يعطيك العافيه قصيده أكثر من رااائعه
دوم ان شاء الله الابداع والعطاء الجميل
شكراً جزيلاً لك

[صـــويب]

هلا أخوي مذهل

وصبحك الله بالخير


ومن قال ما يهون ، والله يبيض وجهك على مرورك



شكراً لك

[صـــويب]

هلا أختي الكريمة فقيدت امها


تسلمي .. وشكراً لمرورك العذب وحضورك الراقي


تحيتي

[غـــرور]

أحترت أي بيت هو الأقرب للقلب وأي بيت هو الأجمل ؟!
فضجت القصيدة بأكملها أنغام تحاكي المشاعر ,تستجلب لإحساس,وتثير الكوامن..

إختيار جميل,وذائقة رائعة
بورك الإنتقاء

صويب
أشكرك جزيل الشكر .