....تصور....

[ســــامـــيـه]

[align=center]حبيت أنقل لكم ماأعجبني
واللي يقراه يعطيني رأيه

تصور ...
إنك بعيد
في ديره ما فيها أحد
ما غير انت وغربتك
وبعض الرسوم الغابره

قلم .. دفاتر .. محبره
أوراق صفرا ذابله
بقايا جدار
فوقه انكتب..
تاريخ حزنك.. وحدتك
وبعض الحروف مبعثره

تصادق الحلم البعيد
خوفك يزيد
يكبر معك
تحاول انك تخدعه
تعانده
في داخلك..
تحاول انك تكسره

تدور وسط الزوبعه
يبقى حنينك يقهرك
تصرخ .. تبدد وحشتك
وصوتك يصيح بداخلك
كومة ألم
تجمع صداها بعثره

الليل ..
والعتمه .. وذبولك والسهر
واصوات بردانه قهر
وعيونك الي دموعها
متجمده
فوق الرموش الحايره

تدور على شوية أمل
خايف تضيع
بردان والظلمه صقيع
كل الأصابع ترتجف
والياس يقتل في الرجا
وعظام أوجاعك يباس
كأنك تصيح بمقبره

يا غربتك.. يا وحدتك.. يا وحشتك
يا حزنك الي تفتكر.. لايق عليك
تحاول انك تدفنه
وجرحك النازف أرق
والخاطر الي منكسر
تحاول انك تجبره

صحرا وجفاف
تزرع بقايا وحدتك
بعض الأسامي العابره
بحروفها .. تدور الصبر الحنون
صبرك عليك.. منك تعب
وآه يا الصبر القوي
طيف الأمل ما أصبره

وتهب فيك العاصفه
ريح .. وسموم.. وزمهرير
والخوف يكبر داخلك
تتبعثر اشيائك معك
تلمها..
تزرع بقايا حلمها
صرخات أتعبها الأسى
تردد صداها وحدتك
مجرد بقايا بعثره

وتبقى بعيد
ما غير انت وغربتك
في ديره ما فيها أحد
قلم.. دفاتر.. محبره
كومة ألم
أحلامك.. صمتك والوجع
واحزان يرويها القلم
عمرك.. جدارك والحنين
فوقه انكتب
بقايا الجراح الغايره..[/align]

تقبلو تحياتي