هاجس الشعر جديد وحصري

[ناصر بن فهاد]

بسم الله الرحمن الرحيم
السلام عليكم ورحمة الله وبركاته
أليكم هذه القصيده المتواضعه وهي من آخر ما كتبت
بعنوان
هاجس الشعر
صــلوا على النبي

[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]

ياهاجس الشعر وقف يوم هبت شمال = نبغا من الشاذليه مد فنجالها
وا لوف قلبي ليا بان الخلل فالرجال = وا شيب عين المراجل قلوا أرجالها
قل السنع والرجال اللي تعَد الجبال = لكن وين الذي يرقا على أجبالها
ماجور ياللي ترقًب في حقوق الخيال = جاتك ترا الغره اللي يصطفق جالها
ياراكب الحره أسمع دام ذالليل طال = هات الأصيله لفاك اليوم خيالها
بعض العرب كم وضعنا وسط عينه خلال = وآخر غرسنا بوسط الكبد سلالها
اللي بوضح النقا يمشي ووضعه عدال =ماهو كما اللي تدس الراس وشحالها
الشمس دايم ترا ماهي سوات الظلال = أقولها يوم وقتي أيه قد قالها
الطيب يا نفس تال الوقت يانفس مال = قلوا هله بعد جا للأرض زلزالها
من مد مدة وفا ما يرتجي لريال = يشبع ضيوفه ولاهو يكنز أموالها
ياللي تعرف الفنون ولاتعرف القتال = السيف لأهل الظفر والعز منزالها
اللي يبا العز يتعب مع رجال الفعال = اللي لهم بالمعارك ندر أفعالها
من طال ذروة سنام العز قيل أله طال = ماهو كما اللي يشد أن جاه نزالها
راع الذلول الكفيفه لاعمام وخوال = ماهو كما اللي جمال أعقيل جمالها
من سالف الوقت نشرب من بطون الدلال = فنجال ضيفن وكيف وسيف حنالها
لادق ناقوس حرب أنجيك فزعه عجال = شوباش روس الرجال الأرض تنخالها
لو كل رجلٍ بأسمه ماتسمى كمال = الكامل الله ولاغيره له أكمالها
ياوقت وشعاد عان البعض يتبع ضلال = القلب يمشي عماوي والقدم مالها
الشعر وهبه من الله ننطقه بأرتجال = مضمونه النصح والأرشاد بأجزالها
الشعر ساسه أدب ماهو بتال الليال = الحق يسعد رجال وبعض علالها
وخلاف ذا ياوصوف الحسن عين الغزال = مالوم بعض العرب لاحفي مرسالها
انكان مايسترك يمنا كريم السبال =والله يحرم علي ألشمغ وأعقالها


[/poem]

وسلامتكم جميعاً وأن شاء الله تنال على أعجابكم

[بنت المناااعير]

اللهم صلي وسلم وبارك على سيدنا محمد



صح لسانك اخي ناصر بن فهاد


ماقصرت على ذا المعاني الجزلة


وعساك على القوة ..


لك التحايااا والتقدير ..

[برق الجنوب]

ناصر بن فهاد

صح لسانك على هالقصيدة الشامخة

وليس بغريب أن تحتوي الأبيات على كل روعة وبهاء دامها من عندك

ألف شكر ...ولا هنت يالقرم

[أبوإبراهيم الشويعر]

ناصر بن فهاد
نصٌّ شامخٌ سامق اللفظ والفكرة ...
سلمت وسلم الفؤاد وأسكنك الله الفردوس الأعلى من الجنة .

[ناصر بن فهاد]

المشاركة الأصلية كتبت بواسطة بنت المناااعير   اللهم صلي وسلم وبارك على سيدنا محمد صح لسانك اخي ناصر بن فهاد ماقصرت على ذا المعاني الجزلة وعساك على القوة .. لك التحايااا والتقدير ..

صح الله بدانك

وشاكرلك التواجد الطيب


وبارك الله فيك


ولاخلا ولاعدم من ذالوجه


وعساك على القوه

[خفوق إنسانة]

اللهم صلي وسلم عليه ...

ابداع الكلمات ,, وروعة الحروووف

نجدها بين جنبات همساااتك

لاتحرمنا روائعك فنحن بشووق لها

مودتي لروعة قلمك وجمال أحرفك

لازلنا بانتظار بوحك الجديد ..

دمت برعاية من الله ..